ԱԺ-ում կանանց քվոտան պետք է դառնա 1/3. ԱԺ-ն ԸՕ-ի առաջարկները ուղարկում է կառավարություն

Ազգային ժողովում Ընտրական օրենսգրքի շուրջ քննարկումների ժամանակ ներկա չորս քաղաքական ուժերի ներկայացուցիչները կողմ արտահայտվեցին, որ ԱԺ-ում կանանց քվոտան 1/4-ից հասցվի 1/3-ի (33 տոկոս):

Ծառուկյան խմբակցության պատգամավոր Նաիրա Զոհրաբյանը նշեց, որ որպես կին քաղաքական գործիչ կողմ է խորհրդարանում կին պատգամավորների քվոտաների ավելացմանը: Նա ներկայացրեց մի հետազոտության արդյունք, ըստ որի, այն խորհրդարաններում, որտեղ կանանց տեսակարար կշիռը 5 տոկոսով ավելանում է, տվյալ խորհրդարաններում ռազմական միջոցներով կոնֆլիկտներ լուծելու ճանապարհը 5 տոկոսով նվազում է:

«Բայց գալիս ենք մի կարեւոր խնդրի. պատրա՞ստ են կուսակցություններն իրենց ցուցակներում ներառել այնպիսի կանանց, որոնք ունակ են ԱԺ-ում աշխատելու: Եթե լուծելու ենք քանակի խնդիր ու չենք լուծելու որակի խնդիր եւ ԱԺ-ում հայտնվելու են կանայք, որոնք տանջամահ են լինում խորհրդարանում, պետք է հասկանալ: Ես այդ պոզիտիվ դիսկրիմինացիայի սկզբունքը չեմ ընդունում, բայց հասկանում եմ, որ մեր տիպի երկրներում կանանց ճանապարհ տալու համար դա պարտադիր գործիք է գոնե տղամարդկանց դեմ պայքարելու համար»,- ասաց Զոհրաբյանը:

ՀՅԴ-ից Սպարտակ Սեյրանյանն էլ ընդգծեց, որ քաղաքական ուժերը թող իրենք մտահոգված լինեն, թե իրենց բերած կին պատգամավորները հանդես են գալիս որպես կին պատգամավոր, թե որպես օրենսդիր մարմնի անդամ. «Քվոտավորումն արհեստական միտումով անելը սխալ է: Դա ոչ միայն չի բարելավելու խորհրդարանի աշխատանքը, այլ ընդամենը քվոտավորման տրամաբանությունն է փչացնելու»:

Սեյրանյանը նաեւ նկատեց, որ ՀՅԴ-ի առաջարկած բաց ցուցակներով համամասնական ընտրակարգի դեպքում կանանց քվոտան չի նվազելու, որովհետեւ տղամարդկանց մրցույթն առանձին է լինելու, կանանցը՝ առանձին, որպեսզի քվոտան հնարավոր լինի ապահովել:

ԵԼՔ խմբակցությունից Լենա Նազարյանն էլ ասաց, որ բոլոր կուսակցություններում էլ կանայք քիչ են եւ այդ կուսակցությունները պետք է ջանք գործադրեն՝ կանանց ներգրավելու համար: «Հիմա իրավիճակը փոխվել է այնպես, որ եթե նախկինում կանայք չէին կարողանալու տարածքային ցուցակներում ձայներ ստանալ, համամասնական ցուցակում ընդգրկվելու առումով ավելի պատրաստ կլինեն հայտ ներկայացնելու եւ մասնակցելու ընտրություններին»:

Նա նշեց, որ կողմ է ԱԺ-ում կանանց քվոտան հասնի 40 տոկոսի՝ հավելելով, որ դա իր անձնական տեսակետն է: Լենա Նազարյանի խոսքով, հեղափոխությունից հետո շատ կանայք ոգեւորված են եւ պատրաստ են քաղաքական գործունեություն ծավալել խորհրդարանում:

Ի վերջո որոշվեց, որ առաջիկա արտահերթ ընտրություններում կանանց քվոտան 1/4-ից կհասցվի 1/3-ի (33 տոկոս), իսկ արդեն հաջորդ ընտրություններում կանանց քվոտան կհասցվի 40 տոկոսի, երբ յուրաքանչյուր 5-ից երկուսը կլինի կին:

Երեքշաբթի ԱԺ-ի հանձնաժողովը պատրաստվում է ԸՕ-ի շուրջ առաջարկությունները գրավոր տեսքով ուղարկել կառավարության համապատասխան հանձնաժողովին:

ՀՀԿ խմբակցության պատգամավոր Խոսրով Հարությունյանն առաջարկում է, որ ԱԺ ընտրություններին մասնակցող կուսակցությունները կարողանան ներկայացել նաեւ իրենց առաջարկած կառավարության կառուցվածքն ու կազմը, որը կհրապարակվի ԿԸՀ-ի կայքում: Այս առաջարկին խորհրդարանական բոլոր ուժերը կողմ արտահայտվեցին:

ՀՀԿ-ից Դավիթ Հարությունյանը նշեց, որ կառավարության աշխատանքային խմբին խորհրդարանական ուժերի առաջարկները ներկայացնելուց հետո պետք է որոշակի ժամանակ տալ՝ ծանոթանալու ու քննարկելու, որից հետ կառավարության աշխատանքային խմբի անդամներին կհրավիրեն ԱԺ եւ կլսեն իրենց առաջարկությունների հետ կապված կառավարության տեսակետը:

Տպել
3491 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը