«Շիրակ» ֆուտբոլային թիմը մոռացել է անցած մրցաշրջանի խնդիրները: Մոտ էր չեմպիոնությանը, բայց մայիսին ՀՖՖ-ն հայտնեց, որ ակումբի մարզական տնօրեն Արարատ Հարությունյանը փորձել է «Բանանցի» ֆուտբոլիստ Էդվարդ Կպոդոյին համոզել փողի դիմաց այնպես անել, որ առաջնության 27-րդ տուրում իրենք պարտվեն «Շիրակին»: Հարությունյանը ցմահ զրկվեց ֆուտբոլային գործունեություն ծավալելու իրավունքից, իսկ թիմի միավորները կրճատվեցին 12-ով, եւ գյումրեցիները զրկվեցին չեմպիոն դառնալու հնարավորությունից: «Շիրակը» հրաժարվեց մասնակցել 2018-19 մրցաշրջանի Եվրոպա լիգային եւ ՀՀ առաջնությանը: Երբ հայտնի դարձավ, որ ՀՖՖ նախագահ Ռուբեն Հայրապետյանը գուցե այլեւս չպաշտոնավորի, որոշվեց առաջնությանը մասնակցել: ՀԺ-ի հետ զրույցում գլխավոր մարզիչ Վարդան Բիչախչյանը նշեց, որ իրենք հետ չեն նայում:

«Դա արդեն անցած էտապ է: Չեմ էլ ուզում հետ նայել: Մենք առաջ ենք նայում, պատրաստվում ենք: Շատ քիչ ժամանակ ունենք: Փորձում ենք, որքան հնարավոր է, պատշաճ մոտենալ առաջնությանը: Ինչ վերաբերում է եվրագավաթներին, ապա ակումբը այս տարի է հրաժարվել, չեմ կարծում, որ, եթե գալիք առաջնությանը մասնակցելուց հետո մենք ունենաք մասնակցելու հնարավորություն, ակումբը նորից կհրաժարվի: Համենայնդեպս այդ հարցը ավելի ճիշտ կլինի ուղղել ակումբի ղեկավարությանը»,- ասաց նա:

Առաջնություն վերադառնալու որոշումը բոլորովին վերջերս է կայացվել: Նախապատրաստական հավաքներ թիմը չի անցկացրել: Մարզումները սկսվել են հուլիսի 23-ից: Երբ «Շիրակը» ցրվել էր, բազմաթիվ խաղացողներ պայմանագրեր էին կնքել այլ ակումբների հետ: Վերակազմավորվելուց հետո մի շարք առանցքային խաղացողներ չեն վերադարձել: Նրանցից են Անատոլի Այվազովը, Հրայր Մկոյանը, Մարկո Պրլյեւիչը, Ռոբերտ Դարբինյանը, Սոլոմոն Ուդոն, Մուհամեդ Կաբան, Մուսա Բակայոկոն, Իգոր Ստանոյեւիչը: Ամեն դեպքում եղել են ֆուտբոլիստներ, որոնք ուրախությամբ կրկին հագել են «Շիրակի» մարզաշապիկը: Նրանց թվում են Արտյոմ Միքայելյանը, Արամ Մուրադյանը, Ժիրայր Մարգարյանը, ավագ Աղվան Դավոյանը:

«Շնորհակալություն եմ հայտնում այն թիմերի ղեկավարներին, որոնք ընդառաջեցին «Շիրակին» ու թույլ տվեցին, որ մեր խաղացողները վերադառնան»,- ասաց Բիչախչյանը:

«Շիրակին» են միացել նաեւ նոր խաղացողներ, սակայն համալրումը դեռ չի ավարտվել: Բիչախչյանը նշում է, որ դեռ անհրաժեշտ է 2 պաշտպան, 2 կիսապաշտպան եւ 1 հարձակվող: Այս շրջանում ակումբը բանակցություններ է վարում: Մասնագետը ասում է նաեւ, որ հիմա իր ղեկավարությամբ մարզվում են 22-23 հոգի, որոնցից շատերը «Շիրակ 2»-ից են: Նոր մրցաշրջանի վերաբերյալ մարզիչը կանխատեսումներ չի անում, քանի որ կազմի հնարավորությունների վերաբերյալ վերջնական գնահատական դեռ չի կարող տալ:

«Նախապատրաստական շրջան չենք անցել, ու ամեն դեպքում վերջնական տեսք դեռ չենք ստացել: Հիմա ինչ-որ կանխատեսումներ անելը մեծ սխալ կլինի: Սպասենք, առաջնությունը կսկսվի, մի քանի տուր կխաղանք, ըստ այդմ կերեւա: Սեպտեմբերին, երեւի, այս հարցին կանդրադառնանք»,- ասաց նա:

ՀՀ Բարձրագույն խմբի 2018-19 առաջնությունը մեկնարկելու է օգոստոսի 4-ին: Առաջին տուրում «Շիրակը» հյուրընկալվելու է «Բանանցին»: Մինչեւ այդ 1 ընկերական հանդիպում է նախատեսել: Վաղը՝ հուլիսի 28-ին՝ 17:00-ին, Գյումրիում պատրաստվում է ընդունել Վանաձորի «Լոռիին»:

Տպել
4729 դիտում

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին