Արցախի պետնախարարը ՀՀ ՏԿԶ նախարար Ս. Պապիկյանի հրավերով աշխատանքային այց է կատարել Գորիս

Արցախի Հանրապետության պետական նախարար Գրիգորի Մարտիրոսյանը հուլիսի 27-ին ՀՀ Տարածքային կառավարման և զարգացման նախարար Սուրեն Պապիկյանի հրավերով աշխատանքային այց է կատարել քաղաք Գորիս։

ԱՀ կառավարության լրատվական ծառայության փոխանցմամբ, պետնախարարի գլխավորած պատվիրակության կազմում էին ԱՀ գյուղատնտեսության նախարար Ժիրայր Միրզոյանը, Շուշիի, Ասկերանի և Մարտունու շրջանային վարչակազմերի ղեկավարներ Վլադիմիր Կասյանը, Գեղամ Բեգլարյանը, Մհեր Օհանյանը, Արցախի Հանրապետության ԱԺ պատգամավորներ, պետական նախարարի աշխատակազմի համապատասխան ստորաբաժանումների աշխատակիցներ։ Գորիսի մատույցներում արցախյան պատվիրակությանը դիմավորել է քաղաքապետ Առուշ Առուշանյանի ղեկավարած շքախումբը։

Նախարար Ս․ Պապիկյանի հրավերը հուլիսի 11-ին Ստեփանակերտում վերջինիս և պետնախարար Գ․ Մարտիրոսյանի պաշտոնական անդրանիկ հանդիպման ընթացքում ձեռք բերված պայմանավորվածության արգասիքն էր։ Պետնախարարն այս առթիվ շնորհակալություն հայտնեց երևանյան գործընկերոջը՝ հրավերի և ջերմ ընդունելության համար՝ նշելով, որ այսօրինակ հետևողական հանդիպումներն ու միջոցառումները կայուն ու արդյունավետ փոխգործակցության երաշխիք են։

Գորիսյան հանդիպման նպատակն այդ համայնքի օրինակով ՀՀ-ում իրականացվող վարչատարածքային բարեփոխումների շուրջ կուտակված ինստիտուցիոնալ փորձն արցախյան կողմին փոխանցելն էր։ Պետնախարարի գլխավորությամբ ստեփանակերտյան պատվիրակությունը ներկա է գտնվել հրավիրող կողմի կազմակերպած «ՀՀ վարչատարածքային բարեփոխումներ․ ձեռքբերումներ և անելիքներ» թեմայով շնորհանդես-քննարկմանը։ ՀՀ ՏԿԶ նախարարության աշխատակիցների կազմած հաշվետվության մեջ հանգամանալից անդրադարձ է կատարվել վարչատարածքային բարեփոխումների, ի մասնավորի՝ համայնքների խոշորացումների ռազմավարությանը, մեխանիզմներին, ուժեղ կողմերին ու արդյունքներին, ինչպես նաև առկա ու հնարավոր ռիսկերին։ Ներկայացման ավարտին Գ․ Մարտիրոսյանը հետաքրքրվել է ներդրված էլեկտրոնային ապահովման լուծումների, խոշորացված համայնքների սեփական բյուջեների մեծացման երևույթի և իրականացված մեծամասշտաբ բարեփոխումների ֆինանսավորման և համաֆինանսավորման հարցերի մասին, որոնց բոլորին երևանյան կողմից տրվել են սպառիչ պատասխաններ։

Գորիսի համայնքապետարանում պետնախարարը շրջել է բարեփոխումների արդյունքում բացված քաղաքացիների սպասարկման գրասենյակում (ՔՍԳ), որտեղ «մեկ պատուհանի» սկզբունքով մատուցվում են բարձրորակ քաղաքացիական ծառայություններ։ Ծանոթանալով ՔՍԳ գործառնական մեխանիզմին՝ Գ․ Մարտիրոսյանը բարձր է գնահատել միջազգային գործընկերների աջակցությամբ երևանյան կողմի իրականացրած բարեփոխումները։

Միջոցառման ավարտին, պատասխանելով զանգվածային լրատվության միջոցների ներկայացուցիչների հարցերին, Գ․ Մարտիրոսյանը նշել է, որ երևանյան կողմի փորձը շատ կարևոր է՝ հաշվի առնելով, որ այս պահին Արցախում վարչատարածքային բարեփոխումները հասունացած օրախնդիր են։ Պետնախարարը չի բացառել, որ Արցախում նույնպես տեղ կգտնի առանձին բնակավայրերի միավորման գործընթացը միասնական համայնքներում՝ հավելելով, որ նախքան այդպիսի գործընթացների մեկնարկը հարկավոր են տարբերակված մանրազնին ուսումնասիրություններ և տվյալ բնակավայրերի բնակչության կամքի հաշվառում։ 

Տպել
2742 դիտում

Վերացել են ուսուցիչների՝ տարիներ տևող կաշկանդվածություններն ու կախվածությունները․ նախարար

Ucom-ի բաժանորդները կշարունակեն օգտվել ռոմինգի 15Դ/ՄԲ մատչելի սակագնից Վրաստանում եւ եւ ս 41 երկրում

ԱԺ արտահերթ ընտրությունների մտասեւեռումով ռումբ է դրվելու Հայաստանի ներքին կայունության տակ․ Աշոտյան

ՀՀԿ-ն որեւէ պայման չի դնում, այն՝ ինչ կառաջարկվի, կբանակցենք. Բաղդասարյանն ու Աշոտյանը հակասում են միմյանց

Վճռաբեկ դատարանը վարույթ է ընդունել Ռոբերտ Քոչարյանի շահերի պաշտպանների բողոքները

ՔՈԱՖ հոգաբարձուների խորհրդի նախագահ է նշանակվել «Էներջայզ Գլոբալ Սերվիսիզ»-ի գլխավոր տնօրենը

ՎՏԲ-Հայաստան Բանկը չի օգտվում երրորդ անձանց միջնորդական ծառայություններից

Պլաստմասե իրերի ու պարարտանյութերի արտադրություն ՀՀ-ում․ Լիբանանից նոր ներդրումներ են սպասվում

Անահիտ Ֆարմանյանը ՇՊՀ չի վերադառնա. դատարանը հրապարակել է վճիռը

Ես հաճույքով կպատժեի վայրահաչողներին. Ալիկ Սարգսյանը՝ իշխանությանը պաշտպանող ֆեյքերի մասին

Կասեցվել է քաղցրավենիքի, պանրի եւ ջրի արտադրամասերի գործունեությունը. պաշտոնական

Փաշինյան-Թրամփ հանդիպումը տեղի չունեցավ ԱՄՆ ու ՀՀ ղեկավարների օրակարգերի սղության պատճառով. ԱԳՆ

Արցախի ՄԻՊ Ռուբեն Մելիքյանը հրաժարական է ներկայացրել

Վլադիմիր Պուտինը Հայաստան կժամանի պաշտոնական այցով. Բալայան

Չինաստանի կառավարությունը ՀՀ կառավարությանը շտապ օգնության 200 մեքենա է նվիրաբերել

Ինչո՞ւ են Հենրիխ Մխիթարյանին զրկել դիվանագիտական անձնագրից. հարց-ամոթանք՝ Ֆարմանյանից, պարզաբանում՝ ԱԳՆ-ից

Արցախի կարգավիճակը եւ անվտանգությունը լինելու է ՀՀ բացարձակ առաջնահերթությունը. Փաշինյանի ելույթն ամբողջությամբ

Միջպետական կանոնավոր ուղեւորափոխադրումների մրցույթների կարգը կարող է փոխվել. քննարկում նախարարությունում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում