Հայաստանում չկա դատապարտյալ, որը չունի սեփական մահճակալ. Արտակ Զեյնալյան

Տարիներ շարունակ չկիրառվելուց հետո ցմահ դատապարտյալների համար այսուհետ կսկսվի իրապես կիրառվել պատիժը կրելուց պայմանական վաղաժամկետ ազատման ինստիտուտը: Այս մասին այսօր հայտարարեց ՀՀ արդարադատության նախարար Արտակ Զեյնալյանը՝ Կառավարության 100 օրերի աշխատանքին նվիրված ասուլիսի ժամանակ:

Զեյնալյանը հաշվետվության տեսքով ներկայացրեց արդարադատության նախարարության՝ մայիս-օգոստոս ժամանակահատվածում կատարած աշխատանքները: Նախարարը խոսեց վարչական համաներման մասին՝ նշելով, որ վարույթները կարճվում են՝ ըստ հերթականության՝ 2017 թվականի դեկտեմբերի 31-ից հետհաշվարկով ինչեւ 2012 թվականի հունվարի 1-ը:  

Զեյնալյանն անդրադարձավ քրեակատարողական ոլորտին: Նախարարն ասաց, որ կլինեն օրենսդրական փոփոխություններ եւ բժշկական կենտրոններում հատուկ մասեր կհատկացվեն դատապարտյալների համար. «Նման բուժկենտրոններ կլինեն նաեւ մարզերում: Բացի այս, դատապարտյալներն այսուհետ կունենան տեսահեռախոսներից օգտվելու հնարավորություն՝ մոտ քսան րոպե ժամանակով»,-ասաց նախարարը:

Արդարադատության նախարարն ասուլիսի ժամանակ նշեց, որ կատարած աշխատանքի արդյունքում չկա դատապարտյալ, որը չունի սեփական մահճակալ: Վերջինս անդրադարձավ նաեւ քրեակատարողական հիմնարկներում դատապարտյալների՝ վերջերս տեղի ունեցած ինքնասպանություններին.

«Մեզ մոտ այլ երկրների համեմատ ավելի ցածր է դատապարտյալների ինքնասպանության ցուցանիշը, բայց դա ոգեւորության առիթ չէ: Անկախ նրանից, թե ինչի մեջ է մեղադրվել ու դատապարտվել անձը, մենք պիտի ստեղծենք այնպիսի պայմաններ, որ անձն ինքնասպանության չդիմի: Բնականաբար դժվար է հասնել իդեալական մակարդակի, բայց Հայաստանում պիտի լինի նվազագույն ցուցանիշ»,-ասաց Արտակ Զեյնալյանը՝ նշելով, որ ինքը հանձնարարական է տվել՝ վերացնելու այն օրենսդրական արգելքը, որով առանձնապես ծանր հանցագործության մեղադրանքով կամ ցմահ դատապարտյալներն իրավունք չունեն կարճատեւ մեկնումների գնալ:

Արտակ Զեյնալյանն ասաց, որ Հայաստանում պայմանական վաղաժամկետ ազատման նախադեպը չունեցող ցուցանիշ է գրանցվել: Նախարարի խոսքով՝ տրվել է պայմանական վաղաժամկետ ազատման մասին 387 զեկույց, նրանցից 192-ը հրաժարվել են, որ իրենց գործը ներկայացվի դատարան, իսկ մնացած գործերից 228-ը քննվել են դատարաններում, որոնցից 84-ը բավարարվել են: Զեյնալյանը հավելեց, որ արդարադատության նախարարությունը դատապարտյալների կողմից ստացել է 160 ներման խնդրագիր, որոնցից 115-ը ուղարկվել են վարչապետի աշխատակազմ. «Իսկ առաջիկայում կձեւավորվի նաեւ դիմումները քննող հանձնաժողով, որը կգլխավորի հենց արդարադատության նախարարը:

Լրագրողների հարցին ի պատասխան՝ Զեյնալյանն ասաց, որ քրեակատարողական հիմնարկներում սննդի որակը բարելավվել է.

«Բայց տեղ ունենք էլի բարելավելու: Դա մշտապես իմ ուսումնասիրության կենտրոնում է, եւ մեկ տարվա ընթացքում զգալի փոփոխություններ կունենանք»,- ասաց արդարադատության նախարարը՝ հավելելով, որ ինքն անձամբ այցելել է Արմավիր ՔԿՀ:

Տպել
1389 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ