Վաշինգտոնը մտադիր չէ զիջումների գնալ Անկարային. Թրամփի կոշտ մեսիջը՝ Էրդողանին

ԱՄՆ նախագահ Դոնալդ Թրամփը հայտարարել է, որ Վաշինգտոնը մտադիր չէ զիջումներ անել Անկարային։ Թրամփը նաեւ գտնում է, որ Թուրքիան սխալ է անում Միացյալ Նահանգների դեմ պատասխան միջոցներ սահմանելով:

Այս մասին ԱՄՆ նախագահը հայտարարել է Reuters-ին տված հարցազրույցում: «Այն, ինչ անում է Թուրքիան, իմ կարծիքով, շատ տխուր է։ Կարծում եմ՝ նրանք մեծ սխալ են գործում։ Ոչ մի զիջում չի արվելու»,- ասել է նա՝ հավելելով, որ իրեն չի անհանգստացնում, թե Թուրքիայի հետ հարաբերությունների սրումը ինչպես կարող է ազդել մյուս երկրների տնտեսական իրավիճակի վրա։

ԱՄՆ-ն պատժամիջոցներ է սահմանել Թուրքիայի արդարադատության նախարարության եւ ՆԳՆ ղեկավարների նկատմամբ` ամերիկացի հոգեւորական Էնդրյու Բրանսոնին կալանավորելու պատճառով։ Ավելին` ԱՄՆ նախագահ Դոնալդ Թրամփը հավանություն է տվել Թուրքիայից ներկրվող ալյումինի եւ պողպատի մաքսային տուրքերի ավելացմանը, որպեսզի դրանք համապատասխանաբար 20 եւ 50 տոկոս կազմեն։ Շեշտակի արժեզրկվել է թուրքական լիրան:

Այդ հարցազրույցում Թրամփը հաստատել է ավելի վաղ լրատվամիջոցներում տարածված լուրը, համաձայն որի՝ նա եւ Թուրքիայի նախագահ Ռեջեփ Թայիփ Էրդողանը ներքին պայմանավորվածություն են ունեցել: Նրա խոսքով, պայմանավորվածությունը հետեւյալն է եղել. ԱՄՆ առաջնորդը պետք է միջնորդեր Իսրայելում կալանավորված Թուրքիայի քաղաքացի Էբրու Օզքանի ազատ արձակման հարցում, իսկ Էրդողանը դրա դիմաց ազատություն տար ամերիկացի քահանա Էնդրյու Բրանսոնին։ Մինչդեռ Էրդողանը խախտել է խոստումը։

Թարմփը խոստովանել է. «Ես նրա համար եմ դուրս բերել այդ անձին բանտից։ Եվ սպասում եմ, որ Էրդողանը թույլ տա դուրս գալ Թուրքիայից այդ անմեղ ու հրաշալի մարդուն, մեծ հայր եւ քրիստոնային: Կարծում էի, թե համաձայնության եմ եկել Էրդողանի հետ, սակայն սխալվել եմ», ապա շարունակել է. «Քահանա Բրանսոնի հարցում Թուրքիայի ցուցաբերած դիրքորոշումը տխրեցնող է։ Ըստ իս՝ սարսափելի սխալ են գործում։ Ես սիրում եմ Թուրքիան, սիրում եմ թուրք ժողովրդին, Էրդողանի հետ մինչ օրս շատ լավ հարաբերություններ ունեինք։ Սակայն միակողմանի հարաբերություն չի լինում։ ԱՄՆ-ի համար այլեւս չկան միակողմանի հարաբերություններ»:։

Հիշեցնենք, որ Բրանսոնն ու նրա կինը, որոնք Իզմիրում ղեկավարում էին քրիստոնեական եկեղեցին, կալանավորվել են միգրացիոն օրենսդրության խախտման մեղադրանքով: Կինն ավելի ուշ ազատ է արձակվել։

Բրանսոնին նաեւ մեղադրանք է առաջադրվել «Քրդստանի աշխատավորական կուսակցության», ինչպես նաեւ Թուրքիայում հեղաշրջման փորձի համար մեղադրվող թուրք կրոնական քարոզիչ Ֆեթուլլահ Գյուլենի «Հիզմեթ» խմբավորման հետ կապեր ունենալու համար: Նրան սպառնում է մինչեւ 35 տարվա ազատազրկում:

Տպել
1138 դիտում

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները

Որոշ մարդիկ անձնական խնդիրների պատճառով կարող են ստոր քայլի գնալ. Խաչատրյանը՝ թունավորված զեբրի մասին