Օրակարգում չկա հրաժարականի խնդիր. Անիի համայնքապետը՝ իր հրաժարականը պահանջելու մասին

Շիրակի մարզի Մարալիկ համայնքի մի քանի բնակիչներ այս պահին ցույց են անցկացնում համայնքապետարանի շենքի դիմաց՝ պահանջելով Անիի ՀՀԿ-ական համայնքապետ Արտակ Գեւորգյանի հրաժարականը: Որպես պատճառ բնակիչները նշել են քաղաքի մաքրությունը եւ համայնքապետի կոռուպցիոներ լինելու հանգամանքը: ՀԺ-ն զրուցեց Անիի համայնքապետ Արտակ Գեւորգյանի հետ:

- Պարոն Գեւորգյան, ինչո՞ւ են Մարալիկի մի շարք բնակիչներ ձեր հրաժարականը պահանջում:

- Մեզ մոտ խոշորացումը եղել է մոտ 9 ամիս առաջ, օրինական ընտրություններ են տեղի ունեցել, որի ժամանակ մասնակցել են նաեւ այդ ցուցարարների ներկայացուցիչներից: Մենք ուղղակի բացարձակ հաղթանակ ենք տարել` 4 հազարը 2 հազարի տարբերությամբ: Եւ այստեղ, եթե երկրորդ, երրորդ, չորրորդ տեղերի գումարային փորձեք ամփոփել, դարձյալ այն ցուցանիշը չի կարող ապահովել, որը ունեցել ենք:

Մշտապես տարիների մեջ ընտրվել եմ լեգիտիմ ձեւով, եւ հավաքվածների մեջ այն տեսակներն են, որոնք բոլոր տարիներին մասնակցել են քաղաքական պայքարին, հաջողություն չեն ունեցել եւ չեն կարողացել ուղղակիորեն վաստակել ժողովրդի վստահության քվեն:

- Դուք ո՞ր կուսակցության ներկայացուցիչ եք:

- Ես Արտակ Գեւորգյանն եմ եւ այսօրվա դրությամբ բոլոր համայնքներում` Անի համայնքում եւ Մարալիկում, որպես Մարալիկի քաղաքապետ, կուսակցական ընտրությունների ժամանակ գուցե կուսակցական շահն է գործել, բայց մեր ունեցած տեղական ինքնակառավարման մեջ գործող շահը մարդկային անհատականության, մարդկային անուն ազգանունների վրա են գրվում:

Յուրաքանչյուր ժամանակաշրջանում կան այդ շրջանի ունեցած քաղաքական խնդիրներ եւ քաղաքական շահ: Ներկա եկողները քաղաքականության մեջ գտնվող մարդի՞կ են, իհարկե` ոչ: Բոլոր ժամանակներում տարբեր քաղաքական ճամբարներ վազվզող մարդիկ են:

Ամիսներ հետո, եթե տարբեր քաղաքական վիճակ լինի, իրենք հայտնվելու են այլ ճամբարում, այստեղ ուղղակիորեն չկա քաղաքական պայքար: Ընդամենը գոյություն ունի աթոռապաշտություն, որի հետ կապված 10 հոգի են, 10-ն էլ իրենց մեջ տեսնում են քաղաքական խնդիր եւ քաղաքական աթոռին հավակնելու խնդիր:

- Այսինքն, բողոքողների թիվը քի՞չ է:

- Շատ քիչ է, եւ բողոքողների թվի մեջ ուղղակիորեն մեր ունեցած նոր ժամանակաշրջանի շունչը կամ հնարավորությունը չէր, այլ բոլոր տարիներին հաջողության չհասած քաղաքական ուժերի ներկայացուցիչներն էին: Իրենց ներկայացուցիչը եկավ բանակցությունների, փորձեցինք զրուցել եւ նրան ես հարցեր տվեցի, թե արդյո՞ք տեղյակ են, թե Անի համայնքը ինչ հիմնախնդիրներ ունի, հարցրեցի ժողովրդավարական նորմերը:

- Նշվում է նաեւ, որ դուք կոռուպցիոներ եք, կա՞ նման բան:

- Իրենք անցել են այդ պրոցեսը, բավականին դիմում-նամակներ են գրել, դրա հետքերով եկել են ուսումնասիրություններ են կատարել: Կա՞ գեթ մեկ քրեական գործ հարուցված, խնդրեմ, եթե կան, ներկայացրեք, անցածի մեջ յուրաքանչյուր մարդ ունի ապրելու կարողություն, ապրածի ժամանակ սխալ թույլ տալու կարողություն, ապրածի համար պատասխանատվություն կրելու կարողություն:

- Նոր իշխանությունների հետ ստացվո՞ւմ է աշխատել՝ հաշվի առնելով, որ դուք նախկին իշխանության ներկայացուցիչ եք:

- Ես բոլոր ժամանակներում աշխատել եմ մեկ ընտանիքի սկզբունքով: Ինձ համար կարեւորագույն շահը եղել է համայնքի ազգաբնակչությունը, մեր մեծ ընտանիքի` համայնքի զարգացման գործընթացը, ՀՀ պետականությունը: Եթե ապրում ես եւ աշխատում ես, դու պարտավոր ես ծառայել նաեւ ՀՀ իշխանությանը եւ համահունչ ձեւով կարողանալ բոլոր ուղղություններն ու նպատակները ուղղել համայնքային կարողություններին ու զարգացումներին: Աշխատել ենք եւ աշխատում ենք ՀՀ-ում, ՀՀ իշխանության հետ, հանուն ժողովրդի, հանուն ժողովրդի զարգացման եւ հանուն մեր համայնքների կայունության:

- Ի՞նչը կարող է ձեզ ստիպել, որ հրաժարական տաք:

- Գոյություն չունի օրակարգում հրաժարականի խնդիր եւ չի կարող գոյություն ունենալ, որովհետեւ մենք աշխատում ենք նման արժեքների, նման հնարավորությունների մեջ՝ ծառայելով պետությանը, ծառայելով ժողովրդին եւ բնականաբար աշխատելով մեր իշխանության հետ:

Տպել
670 դիտում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին

Երթևեկության կազմակերպման փոփոխություն Երևանի Կիևյան և Սեբաստիայի փողոցների հետիոտնային հատվածում

Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Քվեարկությունը տեղի ունեցավ խաղաղ ու առանց լարվածության. եղել է սպառնալիքների, վիրավորանքի աճ. ՄԻՊ զեկույցը