Հայաստանում վերջ է դրվում կոնյակի կեղծմանը․ խաղողի գինն աճելու է․ Ավագ Հարությունյան

22/08/2018 schedule16:40

Վերջին երկու ամսում հանրապետությունում քանդվել է կոնյակի սպիրտի ներմուծման եւ կոնյակի կեղծման շղթան։ Սա նշանակում է, որ 100 տարվա մեջ առաջին անգամ Հայաստանը կարող է ազատվել կեղծ կոնյակից։

Այս մասին լրագրողներին ասաց «Գինու ազգային կենտրոնի» նախագահ Ավագ Հարությունյանը՝ հավելելով, որ դեռեւս փոքր խմբաքանակներով սպիրտը դեռ շարունակում են ներմուծել։ Բայց դրան կոմերցիոն ծավալների չեն եւ գործարաններին չեն մատակարարվում։ Այդ սխեման փակված է, նշում է բանախոսը։

Նրա խոսքով, քանի որ ռուսական շուկայում բավականին տարածում ունի հայկական կոնյակը, այդ իսկ պատճառով կեղծման գայթակղություն մեծ է եղել միշտ, ինչը չի կարելի ասել հայկական գինու մասին։ «Դա էր պատճառը, որ մեր երկրի ուժեղ դեմքերը ներդրումներ էին կատարում հենց կոնյակի արտադրության մեջ»,- ասաց նա։

Ռուսաստանում, որը հանդիսանում է հայկական կոնյակի սպառման հիմնական շուկան, Հարությունյանի խոսքով, քչերը գիտեն հայկական գինու մասին։ «Ուստի արտադրությամբ զբաղվում էին փոքր ձեռնարկությունները, որոնք պայքարում էին որակի համար։ Քանի որ եթե գինին քիչ հայտնի է, այն էլ`ցածր որակի, որեւէ մեկի պետք չէ»,- ասաց նա։

Վերջին տարիներին, նրա խոսքով, գինին ավելի որակյալ եւ թանկարժեք դարձավ։ «Այժմ մեկ շիշ գինին արտահանվում է 6-7 դոլարով։ Իսկ որակի առումով մենք կարող ենք մտածել նույնիսկ արեւմտաեվրոպական գինիների հետ մրցակցության մասին»,- նկատեց Հարությունյանը։

Հարությունյանը տպավորություն ունի, որ ՀՀ նոր իշխանությունները ցանկանում են վերջ տալ կոնյակների կեղծման պրակտիկայի, որը կարող է հանգեցնել գյուղացուց մթերվող խաղողի գնի աճին։

«Օգոստոսի վերջին Երեւանի կոնյակի գործարանի սեփականատեր «Պեռնո Ռիկար» ընկերությունը սովորաբար հայտարարում է, թե որքանով է խաղող գնելու գյուղացիներից։ Նրանք իրենց գինն առայժմ չեն հայտնում, քանի որ պարզապես չեն հասկանում` որքանով գնեն»,- ասաց նա ու հավելեց, որ նախկինում սպիրտը ներմուծում էին, եւ եթե գյուղացին ուզում էր վաճառել բերքը 10-20 դրամով ավելի թանկ, նրան մերժում էին եւ ներմուծած սպիրտ էին գնում։

«Այժմ ստիպված են աշխատել միայն տեղի խաղողով։ Խաղողի պահանջարկը կմեծանա, նշանակում է կբարձրանա նաեւ գինը։ Այդ պատճառով էլ շուկայում դեռ պարզապես չգիտեն ինչ լինել»,- ավելացրեց Հարությունյանը՝ հիշեցնելով, որ ԵԿԳ-ն նախորդ տարիներին 140 դրամ էր հայտարարել մեկ կգ-ի համար։

«Գինի դարձող խաղողի տեսակներն այս տարի կարող են մի քանի անգամ թանկ արժենալ։ Վայոց Ձորում սեւ «Արենիի» համար մինչեւ 400 դրամ են պահանջելու մեկ կգ-ի դիմաց, սպիտակ տեսակների համար` 400 դրամից շատ (այսինքն՝ 70-80 ցենտ)։ Արարատյան դաշտում գուցե մի փոքր էժան լինի, բայց ամեն դեպքում 200 դրամից բարձր»,- ավելացրեց Հարությունյանը։

Նա նշում է, որ կոնյակի համար նախատեսված խաղողի տեսակները, բնականաբար, գինուց էժան են, քանի որ շատ են։ «Սակայն, ըստ Հարությունյանի, առաջվա 90-100 դրամ գինը հաստատ չի լինի»,- վստահեցրեց նա։

Միեւնույն ժամանակ նա խորհուրդ տվեց չշտապել վերջնական եզրակացություն կատարել, քանի որ միայն 3-4 տարի հետո պարզ կլինի՝ կոնյակի որակը փոխվել է, թե ոչ։ «Այդքան ժամանակ հետո այսօր մթերվող խաղողը կոնյակ կդառնա եւ շուկա դուրս կգա։ Միայն այդ ժամանակ պարզ կլինի կոնյակի որակը»,- եզրափակեց Ավագ Հարությունյանը։

Տպել
8909 դիտում

ԱՄՆ Կոնգրեսի միջանկյալ ընտրություններ․ սկսվում է Սպիտակ տան համար պայքարը

ՊՆ բեռնատարի վթարով պայմանավորված աշխատանքից ազատվել են մի քանի հրամանատարներ

ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում

Կալիֆորնիայի աղետալի հրդեհի զոհերի թիվը հասել է 80-ի, 1200 մարդ անհետ կորած է համարվում

Հայաստանում բոլոր ավտոճանապարհները բաց են, Լարսը դեռ փակ է 445 բեռնատարների համար

Ծաղիկներ, քաղցրավենիք՝ հենց փողոցում. Շվեյցարիայի փոստային ծառայության անակնկալը՝ բնակիչներին (տեսանյութ)

8 ժամ ջուր չի լինելու Շիրակի մարզի մի մասում

Աշտարակի ոստիկանները հայտնաբերել են Կարբիի ձորում արջին թակարդը գցած անձին

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները