Արթուր Գեւորգյանը մեղադրում է սպորտի նախարարին

ՀՀ ԱԺ պատգամավոր, ՀՀ բռնցքամարտի ֆեդերացիայի նախագահ Արթուր Գեւորգյանը մեղադրում է ՀՀ սպորտի եւ երիտասարդության հարցերի նախարար Լեւոն Վահրադյանին: Պատճառն այն է, որ այսօր՝ օգոստոսի 22-ին, նա չի ընդունել ֆեդերացիայի մարզիկներին ու մարզիչներին, որոնք ակցիա էին իրականացնում նախարարության ու ՀՀ ազգային օլիմպիական կոմիտեի շենքի դիմաց: Նրանք պահանջում էին, որ մարզական այդ կառույցները չխառնվեն ֆեդերացիայի գործերին: Գեւորգյանը ֆեյսբուքում գրառում է կատարել եւ ուշադրություն հրավիրել այն հանգամանքի վրա, որ նախարարը ու ՀԱՕԿ նախագահ Գագիկ Ծառուկյանն ավելի վաղ ընդունել են այն մարզիկներին ու մարզիչներին, որոնք պնդել են, որ ինքը խախտումներով է վերընտրվել ֆեդերացիայի նախագահի պաշտոնում, սակայն մյուս կողմին չեն ցանկացել լսել:

«Անընդունելի եմ համարում նման անտարբերությունը կամ կողմնակալ վերաբերմունքը մարզիչների նկատմամբ։ Սկզբում, երբ ֆեդերացիայի անդամ չհանդիսացող երկու մարզիչ բողոքում էին, որոնցից մեկը հեռացվել է ֆեդերացիայից ոչ պատշաճ վարքագիծ դրսեւորելու համար (նա հարվածել է աղջիկ բռնցքամարտիկին), մյուսին ազատել է ֆեդերացիան խառնակչություններ հրահրելու եւ մյուս մարզիչների համար անբարենպաստ պայմաններ ստեղծելու համար, նրանց ընդունում են սպորտի նախարարի, ՀԱՕԿ նախագահի եւ քարտուղարի գլխավորությամբ եւ մեծ շոու են սարքում այդ ամենից։ Իսկ երբ բռնցքամարտի աշխարհի 40-ից ավելի ներկայացուցիչներ ուղղակի ցանկություն է հայտնում նախարարի հետ հանդիպելու եւ արտահայտելու իրենց տեսակետը եւ ներկայացնել իրենց դժգոհությունը տեղի ունեցող շոուի վերաբերյալ, նրանց չէին ընդունում։

Այս ամենը փաստում է, որ տեղի ունեցող արհեստածին գործողություններն անձնավորված են օլիմպիական կոմիտեի, սպորտի եւ երիտասարդության հարցերի նախարարության կողմից։ Հիմա ես գտնվում եմ Բուդապեշտում, որտեղ անցկացվում է երիտասարդների աշխարհի առաջնությունը: Միեւնույն ժամանակ այսօր Եվրոպական կոնֆեդերացիայի գործադիր կոմիտեի նիստն է։ Ի պատասխան Սպորտի եւ երիտասարդության հարցերի նախարարության կողմից ԱԻԲԱ գրած բողոքի՝ վստահեցնում եմ ձեզ, որ ոչ ԱԻԲԱ-ի, ոչ Եվրոպական կոնֆեդերացիայի կողմից չկա ոչ մի առարկություն, դիտողություն ՀՀ բռնցքամարտի ֆեդերացիայի նախագահի ընտրությունների հետ կապված, ինչի մասին գրավոր կփաստի միջազգային կառույցը»,- գրել է նա:

Վահրադյանը այսօր ակցիա իրականացնող մարզիկներին ու մարզիչներին փոխանցել է, որ զբաղված է եւ չի կարող քննարկում ունենալ նրանց հետ: Ավելի ուշ փոխնախարար Գաբրիել Ղազարյանը լրագրողներին ասաց, որ ինքը պատրաստ է եղել զրուցել նրանց հետ, սակայն դա էլ նրանք չեն ցանկացել:

Նախարարությունը ու ՀԱՕԿ-ը նշում են, որ 2 խախտում են նկատել օգոստոսի 2-ին կայացած ֆեդերացիայի նախագահի ընտրություններում: Մեկն այն է, որ համաժողովի պատվիրակներին ուղարկվել են անվանական հրավերներ, մյուսը, որ քվեարկությունը անցկացվել է բաց: Իր հերթին Գեւորգյանը ընդգծում է, որ ԱԻԲԱ-ն ոչ մի թերացում չի գտել:

Տպել
1416 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին