Աշխատանքի եւ սոցիալական հարցերի նախարարության ոլորտներն ընդգրկում են պետության բնակչության կեսը՝ 1 միլիոն 100 հազար մարդ: Մեր պետության մեջ յուրաքանչյուր քաղաքացի կյանքի այս կամ այն փուլում առնչություն ունի մեր նախարարության հետ եւ գոյություն չունի մեկ բանաձև բոլորի խնդիրների լուծման համար, քանի որ յուրաքանչյուրն ունի առանձին պահանջմունք: Այսօր պաշտոնավորման 100 օրն ամփոփող ասուլիսին նման հայտարարությամբ հանդես եկավ աշխատանքի եւ սոցիալական հարցերի նախարար Մանե Թանդիլյանը:

Նախարարը, խոսելով երկրորդ երեխայի ծննդյան միանվագ նպաստի չափը 50.000 դրամի փոխարեն 150.000 դրամ սահմանելու վերաբերյալ առաջարկի մասին, ասաց, որ այն ներկայացվել է ՀՀ կառավարության հաստատմանը: «Երբ հանդես եկանք նման առաջարկով, պետք է խոստովանեմ, որ մեծ դիսկուրս առաջացավ: Երբ մեր հայացքը միայն դեպի 3-4-րդ երեխան է լինում, ապա նվազեցվում է 1-ին և 2-րդ երեխայի նշանակությունը: Եվ պետությունը փոխանակ 2 երեխայի ծնելիության նկատմամբ աշխատանք տանի, հավասարեցրել է 1-ին եւ 2-րդ երեխաներին»,-ասաց Մանե Թանդիլյանը:

Նախարարը վստահություն հայտնեց, որ գոնե այս փուլում ֆինանսական միջոցների խնդիր չկա, մեծ գումարների մասին չէ խոսքը, եւ ունեն նախարարության տարբեր միջոցներ, գումարներ, որով հարցը կլուծվի: Ինձ համար էլ էին հայտնություն այդքան ընթացակարգերը, նախատեսում ենք հոկտեմբերի 1-ից ուժի մեջ մտցնել, ավելին՝ կքննարկենք նաև հետադարձ ուժ ունենալու հարցը»,- նշեց Թանդիլյանը:

«Մենք, նպաստ տալով, մարդկանց խնդիրները չենք կարգավորել, քաղաքացուն զարգացման հնարավորություն չենք տվել: Մենք այնպիսի շեմ ենք դրել, որ մարդիկ երբ սկսում են ունենալ բարձր եկամուտ, թաքցնում են: Շեմը պետք է որոշակիորեն նվազի, որպեսզի մարդիկ չանհանգստանան:

Խոսելով կուտակային համակարգի մասին՝ նախարարը շեշտեց, որ այն քննարկման փուլում է: Հայտարարեց, որ չի պատկերացնում, որ մի քաղաքացի, որն ունի երկու երեք եւ ավելի երեխա, հատկացում է անում ճիշտ այնքան, որքան անում է մեկ երեխա ունեցողը կամ երեխա չունեցողը: «Առանց քաղաքացու սոցիալական վիճակը հաշվի առնելու մենք նրա վրա բեռ ենք դնում: Առնվազն հինգ անգամ պետք է նվազ վճարի բազմազավակ ծնողը: Պետությունը պետք է հասկանա, որ իր վրա բեռ կա՝ պաշտպանելու քաղաքացու սոցիալական վիճակը»,-ասաց Թանդիլյանը:

Վերջինս հայտնեց, որ ՀՀ-ում կան ծայրահեղ աղքատ թոշակառուներ, որոնց ծերության թոշակը պարենային զամբյուղի շեմից նվազ է (25 հազար դրամից նվազ): Հայաստանում կա 500 հազար թոշակառու: «Մեր երկրում այլեւս չեն լինելու ծայրահեղ աղքատ թոշակառուներ»,-ասաց նա:

Լրագրողները հարց հնչեցրեցին, թե հնարավո՞ր է արդոք, որ կրկին հրաժարականի լուրեր լսեն նախարար Թանդիլյանից, քանի որ կուտակայինի շուրջ բանավեճերը դեռ շարունակվում են, իսկ վերջինս էլ շատ դրույթների հետ համակարծիք չէ: Կասկածի տակ առնվեց նաեւ նախարարի հարմարավետ զգալու կամ չզգալու հարցը, փաստելով, որ վերջինս աշխատում է մի կառավարությունում, որտեղ Քաղաքացիական պայամանագիրն է մեծամասնություն լինելու, իսկ ինքն այդ կուսակցության անդամ չէ: Մանե Թանդիլյանը նշեց, որ իր հրաժարականը որեւէ կապ չի ունեցել հարմարավետության հետ:

«Այն ժամանակ էլ եմ եղել Լուսավոր Հայաստանից, հիմա էլ եմ: Կառավարությունում կան բազմաթիվ անդամներ, որոնք Քաղաքացիական պայմանագիր կուսակցությունից չեն: Սրանք քաղաքական գործընթացներ են, որոնք հարմարավետության հետ ոչ մի կապ չունեն, դու կա՛մ աշխատում ես, կամ՝ ո՛չ: Իմ հրաժարականը կապ չի ունեցել հարմարավետության հետ, այն կապ է ունեցել այն լուծման հետ, որը տրվեց այդ պահին, բայց մենք քննարկման արդյունքում եկանք ընդհանուր հայտարարի: Եվ այո, հունվարի մեկից մենք ավելի բարելավված օրենք ենք ունենալու»,-եզրափակեց Մանե Թանդիլյանը:

Տպել
1569 դիտում

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ