Կարող էր եւ ավելի վատ լինել. Կամո Արեյանի պատասխանը՝ նուբարաշենցիներին

Երկու օր է՝ նուբարաշենցիները փակել են Նուբարաշեն վարչական շրջանի մայրուղին: Նրանք պահանջում են աղբավայրի հարցի լուծում։ Տեղացիները պահանջում են, որ էլ աղբ չբերվի տարածք, մինչեւ որ ծանր տեխնիկա կբերվի եւ աղբը կհավաքվի մի կետում:

Այսօր Երեւանի քաղաքապետարանում հանդիպում կազմակերպվեց բողոքի ակցիա իրականացնողներից մի քանիսի եւ քաղաքապետի առաջին տեղակալ Կամո Արեյանի հետ: Նուբարաշենցիները հանդիպում էին առաջարկել Նուբարաշենում, սակայն Կամո Արեյանը հրաժարվել էր եւ նրանց հրավիրել էր իր գրասենյակում խոսելու:

Նախքան Կամո Արեյանի հետ հանդիպումը կկայանար՝  նուբարաշենցիները ներկայացրեցին, թե ինչ առաջարկով են հանդես գալու. «Մենք առաջարկում ենք, որ շինարարական տեխնիկաներով սկսեն աշխատանքներ կատարել, բուլդոզերներով աղբը տանել, ներքեւը փոս կա, լցնել այնտեղ եւ այդ ամենը շինաղբով կամ հողով ծածկել, որպեսզի գարշահոտությունը հնարավորինս արագ վերանա»: Ակցիայի մասնակիցներից Տիգրան Թադեւոսյանը նշեց, որ անպայման ուզում են այսօր ծանոթանալ, թե աղբահանության հետ կապված ինչ ծրագիր կա, եւ եթե կա՝ ինչ փուլում է:

«Ինչքան էլ հաճելի չի եղել, մենք միշտ համբերել ենք, սպասել, բայց արդեն աղբն ընդլայնվել եւ համայնքին է մոտեցել: Նախկինում եթե կողքով էիր անցնում, մի պահ տեսնում եւ զգում գարշահոտությունը, հիմա տանը նստած՝ այդ հոտն ենք շնչում: Մարդն ի վիճակի չէ այդ հոտը շնչելու, դա հազար հիվանդություն կարող է առաջացնել: Մի քանի րոպե դիմանալն այլ բան է, իսկ այլ բան, երբ տանը նստած՝ այդ հոտն է գալիս, հաց ուտելուց այդ հոտն ես զգում»,- ասացին նրանք:

Վստահեցրեցին, որ հիմա ճանապարհ չեն փակում եւ չեն ուզում ծայրահեղ քայլերի գնալ՝ հասկանալով, որ մայրաքաղաքում համաճարակ կստեղծվի:

Կամո Արեյանը նուբարաշենցիների հետ զրույցում ասաց, որ համամիտ է այն մտահոգությանը, որը ներկաները կետ առ կետ հայտնում են եւ որեւէ առարկություն չունի. «Փաստացի իրողությունը սա է, սակայն սրան կարող էր գումարվել ավելին եւ ավելի վատ լինել, փառք աստծո՝ այս տարի չի եղել, հրդեհի դեպքում շատ ավելի սարսափելի կլիներ»:

Վերջինս առաջարկեց հարցը քննարկման դնել, որպեսզի տեխնիկա տրամադրվի ամբողջ այդ աղբը տեղահանելու: Դժվարացավ ասել, թե կբավարարի՞ ամբողջ հատվածը հողածածկով փակելուն, սակայն նշեց, որ հնարավոր է նախնական ծածկվի հարակից տարածքը, որն առավել մոտ է բնակավայրին: «Ընդամենը օր առաջ եվրոպական բանկից մենք ստացանք պատասխան, որ հաստատվել է մրցութային փաթեթը, եւ մենք կարող ենք արդեն մրցույթ հայտարարել նոր աղբավայրի կառուցման համար: Բանկը տվել է հավանություն»,- ասաց Կամո Արեյանը:

Վերջինիս վստահեցմամբ՝ լինելու է ժամանակակից աղբավայր՝ լուսավորության համակարգով հագեցած, ընդունիչ ճանապարհով, պահակային ծառայությամբ, ստորգետնյա ամբողջ հատվածում լինելու է դրենաժային հատված, որպեսզի ջրերը չկուտակվեն եւ հետագայում խնդիրներ չառաջացնեն: «Նոր աղբավայրը՝ քաղաքից օրը 1200 տոննա աղբ դուրս գալու դեպքում անգամ բավարար է լինելու»,- ասաց Կամո Արեյանը:

Տպել
1348 դիտում

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ