ՀՀ-ն ունի բոլոր հնարավորությունները՝ զարգացնելու հրթիռային սպառազինությունը. փորձագետը՝ АК-12 եւ АК-15 արտադրելու մասին

Օգոստոսի 21-ին Մոսկվայում Royalsys Engineering ltd. ընկերության եւ «Կալաշնիկով» կոնցեռնի միջեւ ստորագրվեց պայմանագիր՝ Հայաստանի Հանրապետությունում Կալաշնիկովի ինքնաձիգի նոր՝ АК-12 եւ АК-15 նմուշների արտադրություն հիմնելու մասին: ՀԺ-ն ռազմական փորձագետ Հրաչյա Պետրոսյանցի հետ քննարկեց, թե որքանո՞վ է այն տարբերվում ՀՀ ԶՈՒ-երում օգտագործվող АК-74-ից:

- Պարոն, Պետրոսյանց, ՀՀ-ում շուտով պետք է արտադրվեն АК-12 եւ АК-15 զինատեսակների նմուշներ, դրանք ներկայիս АК-74 տեսակի զինատեսակներից, որքանո՞վ են տարբերվում:

- Իմ կարծիքով, եթե դրանք АК-ի մոդիֆիկացիան են, առանձնապես մեծ տարբերություն դժվար թե լինի, որովհետեւ ընդհանրապես Կալաշնիկովի ցանկացած ավտոմատներից նրանք տարբերվում են իրենց յուրահատուկ կառուցվածքով, որը ամբողջ աշխարհում իրենց դարձնում է առաջինը՝ պարզության առումով: Եթե համեմատենք արեւմտյան զինատեսակների հետ, АК-ն, այնուամենայնիվ, որոշակի զիջում է, բայց ունի մի մեծ առավելություն՝ դա շատ պարզ կառուցվածք ունենալն է: Այն հնարավորություն է տալիս նույնիսկ մարտի դաշտում ցանկացած զինվորի շատ արագ քանդել զենքը, խափանումները վերացնել, ինչը արեւմտյան զենքերի դեպքում բարդ է:

Տարբերությունը, կարծում եմ, կախված կլինի գնդակի տրամաչափից, բայց կարծում եմ՝ կլինի АК-74-ի 5.45 տրամաչափը, որովհետեւ մեզ մոտ այս պահին ամենամեծ տարածում ունեցող զենքի տեսակի տարբերակը դա է եւ ձեռնտու չէ ինչ-որ նոր զենք արտադրել, որի փամփուշտները կտարբերվեն նրանցից, որոնք այսօր մենք օգտագործում ենք բանակում:

- Սա կարո՞ղ է հիմք հանդիսանալ, որպեսզի Հայաստանը արդեն սկսի այլ զինատեսակներ եւս արտադրել:

- Չեմ կարծում, որովհետեւ ավտոմատը, հրաձգային զենքերը, այսօրվա պատերազմում որոշիչ դեր չեն խաղում: Որոշիչ դեր խաղացողը հրթիռային սպառազինությունն է: ՀՀ-ն, իմ կարծիքով, այսօր ունի բոլոր հնարավորությունները՝ զարգացնելու իր հրթիռային սպառազինությունը: Մենք ունենք ֆիզիկական ներուժ, մենք ունենք դեռ խորհրդային ժամանակներից մնացած գործարաններ, որտեղ հնարավոր է պատրաստել դրանք: Կարծում եմ՝ ուղղակի գումարների ներդրում է պետք, ուրիշ ոչինչ:

- АК-12 եւ АК-15 տեսակի զենքերը հավասարազո՞ր են Ադրբեջանում հիմնականում օգտագործվող АКМ տեսակի զենքի հետ:

- Այդ նույն АКМ-ը նաեւ մեզ մոտ է օգտագործվում, այնպես չի, որ մենք չենք օգտագործում: АКМ-ի տրամաչափը 7.62 է, իր խոցելու հավանականությունն ավելի մեծ է: Եթե АК-12-ը եղավ 5.45 տրամաչափի, ուրեմն, այն հավասարազոր է АК-74-ին, եթե եղավ 7.62 տրամաչափի, այն հավասարազոր կլինի АКМ-ին, առանց որեւէ տարբերության:

- Իսկ զրահատեխնիկա արտադրելու հնարավորություն ունե՞նք՝ հաշվի առնելով, որ ժամանակին Հայաստանը փորձել է «Հայկ» տեսակի զրահատեխնիկա արտադրել:

- Զրահատեխնիկայի արտադրության համար մենք պետք է ունենանք մեքենաշինական բազա, որովհետեւ զրահատեխնիկայի ամենակարեւոր հանգամանքը իր քաշին համապատասխան շարժիչն է: Մենք պետք է ունենանք շարժիչներ արտադրելու գործարան, պետք է ունենանք ինժեներական ինստիտուտներ, որոնք մեր բարձր լեռնային տեղանքի համար կկարողանան համապատասխանեցնել, դա շատ բարդ բան է: Դրա համար անհրաժեշտ է շատ մեծ ծավալի ներդրումներ, մի քանի գործարանների կառուցում, որ այդ մի քանի գործարանները առանձին-առանձին մասերը արտադրեն եւ վերջում մի տեղ հավաքվի:

Տպել
1166 դիտում

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին