Երեւանի ավագանու արտահերթ ընտրություններին մասնակցող քաղաքական ուժերը քաղաքապետի թեկնածուներին հստակեցնելուց հետո անցել են ցուցակի կազմի հստակեցման գործին: Ավելի վաղ «Հայկական ժամանակ»-ը գրել էր, որ Քաղաքացիական պայմանագիր կուսակցության ավագանու ցուցակում լինելու են ակտիվիստներ, հաղորդավարներ, դերասաններ:

ՔՊ կուսակցության ցուցակը գլխավորելու է դերասան, մասնագիտությամբ ինժեներ Հայկ Մարությանը: Ցուցակում լինելու են նաեւ ակտիվիստներ Արամ Մանուկյանը, Լեւոն Զաքարյանը եւ Իզաբելլա Աբգարյանը: Նրանք բոլորն ակտիվորեն մասնակցել են թավշյա հեղափոխությանը եւ այլ բողոքի ակցիաների: ՔՊ-ի ցուցակում լինելու մասին տեղեկությունները ՀԺ-ի հետ զրույցում հաստատեց նաեւ հաղորդավարուհի Լուսինե Բադալյանը:

- Լուսինե, տեղեկություններ ունենք, որ Քաղաքացիական պայմանագրի ցուցակում կա նաեւ ձեր անունը:

- Այո, կա իմ անունը:

- Քաղաքացիական պայմանագրից բազմաթիվ ընկերներ ունեք, գուցե դա՞ է նպաստել ցուցակում ձեր հայտնվելուն:

- Գիտե՞ք, հետաքրքիր բան ասեմ. ցուցակագրվելու առաջարկությունը կամ քննարկումը չի եղել ՔՊ-ի իմ մտերիմների կողմից եւ դա ինձ շատ ավելի է գոհացնում: Այստեղ ընկերական առաջարկները առանձնապես մեծ դեր չեն խաղացել: Ասեմ, որ սա միակ կուսակցությունը չէ, որտեղից ինձ առաջարկ է արվել: Ես հասկանում եմ, որ ավագանու անդամ դառնալու հրապարակումն արդեն իսկ շատ խոսակցությունների տեղիք է տալու, եւ նորմալ է, որ մարդիկ հետաքրքրված են: Այս տարիների տարբեր պայքարների ընթացքում ես ուղղակի գտա այն միակ տարբերակը, որն ինձ թույլ կտա ավելի հասարակական գործունեություն ծավալել, ոչ թե՝ քաղաքական: Սա փորձաշրջան է, որն ինձ հնարավորություն կտա հասկանալու՝ ես կարո՞ղ եմ այդ դիրքերից օգտակար լինել իմ ազգին, թե՝ ոչ: Այս պահին հնարավորություն է տրվում հասկանալու համար, բազմաթիվ գաղափարներ կան, պարզապես որոշակի փորձ է պետք՝ խնդիրների նկատմամբ ուշադիր լինելու: Գնացել եմ այդ քայլին, որպեսզի նախ եւ առաջ գործնականում օգտակար լինեմ քաղաքին եւ քաղաքացիներին, որ խոսքը գործով ապացուցեմ: Հասարակությունն էլ ունի իրավունք՝ տեսնելու այն մարդկանց, որոնց ինքը վստահել է տվյալ գործում:

- Ասացիք, որ այլ կուսակցություններից էլ եք առաջարկներ ստացել, անուններ կասե՞ք:

- Անկեղծ ասած, չեմ ցանկանա անուններ տալ, գրեթե բոլոր կուսակցություններից առաջարկներ են եղել, բայց այնտեղ քննարկումների փուլ էլ չենք անցել, որովհետեւ ՔՊ-ի կողմից առաջարկը եղել է դեռ շատ վաղուց, նախ՝ խոսակցությունների մակարդակով, հետո՝ լրջացնելով, այսինքն, էսպես թե էնպես իրենք առաջինն են եղել: ՔՊ-ն այն կուսակցությունն է, որը ստեղծման առաջին իսկ օրից իր քայլերով, գաղափարներով, իր գործունեության շրջանակներով ավելի հոգեհարազատ է եղել ինձ, քան որեւիցե այլ քաղաքական ուժ:

- Այսինքն՝ ցանկություն ունեք Քաղաքացիական պայմանագիր կուսակցության անդամ դառնա՞լ:

- Ճիշտն ասած՝ չեմ մտածել, այդպիսի պլաններ, նպատակներ չեն եղել, բայց չեմ էլ բացառում: Հետագայում հնարավոր է՝ հանրության շահերից ելնելով, որեւէ գործին օգուտ տալու համար:

- Նախկինում էլ շոուբիզնեսի շատ ներկայացուցիչներ կուսակցական են դարձել, բայց հանրության կողմից բացասական վերաբերմունքի են արժանացել: Մտավախություն չունե՞ք, որ նույնը կարող է եւ ձեր դեպքում լինել:

- Չեմ կարծում, որ այս պահին կուսակցական դառնալու թեման ակտուալ է եւ պետք է քննարկել, բայց ինչ վերաբերում է շոուբիզնեսին՝ այստեղ հանրության երեւի շատ քիչ հատվածն է, որ ինձ դիտարկում է որպես շոուբիզնեսի ներկայացուցիչ, ինքս էլ չեմ պատկերացնում ինձ շոուբիզնես ասվածի մեջ: Ուղղակի, որպես եթերային մարդ, երեւի ինձ էլ են ընդհանրացնում շոուբիզնեսի հետ, բայց ինքս դժվարանում եմ նույնացել: Ասածիս մեջ ենթատեքստ պետք չէ փնտրել, բայց չեմ էլ ուզում ընդհանրացվել, որովհետեւ կա անցած ճանապարհ, կա գործունեություն:

- Դուք թավշյա հեղափոխության ակտիվ մասնակիցներից եք, միշտ էլ աչքի եք ընկել ձեր մասնակցությամբ թե՛ ցույցերին ձեր ներկայությամբ, թե՛ տեղի ունեցածի վերլուծություններով: Ընթացիկ զարգացումների մասին ի՞նչ կարծիք ունեք:

- Այն, ինչ տեղի է ունենում, ինձ գոհացնում է: Ես չեմ կիսում ընդհանուր հոռետեսությունը, որը ժամանակ առ ժամանակ տիրում է թե՛ սոցիալական մեդիայում, թե՛ բակային խոսակցությունների ընթացքում: Ես շատերի կարծիքը չեմ կիսում, որովհետեւ դրա համար ունեմ իմ սուբյեկտիվ պատճառները, կառավարության անդամներից շատերի հետ մտերիմ հարաբերություներ ունենք, անցած ճանապարհ ունենք, ուստի շատ ավելի հուսադրված եմ ու վստահ, որ անկախ բոլոր տեսակի խոսակցություններից, այստեղ նպատակ կա՝ անհնարինը հնարավոր դարձնելու: Մենք բազմիցս խոսել ենք, քննարկել, եւ ես վստահ եմ՝ նրանք անելու են ամեն ինչ, որպեսզի երկիրը շա՜տ, շա՜տ այլ պայմաններում հայտնվի ե՛ւ անվտանգության, ե՛ւ տնտեսական, ե՛ւ մշակութային ու բազմաթիվ այլ առումներով: Տեսնելով գիշեր ու զօր աշխատանքը, որն իրականացվում է կառավարության մի շարք անդամների կողմից՝ ես ուղղակի ավելի լավատեսորեն եմ տրամադրված:

Տպել
9846 դիտում

Աֆղանստանում քննարկվել է խաղաղապահ զորքերի սպառազինությունը և տեխնիկական հագեցվածությունը

Անցկացվել են հայ-գերմանական երկկողմ ռազմաքաղաքական խորհրդակցությունները

Անհրաժեշտ է քայլ առ քայլ առաջ գնալ. Աննա Հակոբյանը՝ ԼՂ պատերազմի ժամանակ զոհվածների ընտանիքների խնդիրների լուծման մասին

Լուսացույցների տեղափոխություն Սայաթ-Նովայի պողոտա-Չարենցի փողոց խաչմերուկում

Քննարկվում են քրեակատարողական հիմնարկներն օտարալեզու գրականությամբ համալրելու հնարավոր ուղիները

Խարդախությամբ բանկից  փորձել են 1 մլն. եվրո հափշտակել. հայտարարվել է հետախուզում

Իմ քաղաքական գնահատականները շարունակում են մնալ նույնը՝ Սերժ Սարգսյանի նկատմամբ. վարչապետ

Հայաստանը կարեւորում է Խորվաթիայի հետ համագործակցության ընդլայնումը. հանդիպում նախագահականում

Ստեփանակերտում շուտով երկու նոր մանկապարտեզ կկառուցվի. Արայիկ Հարությունյանը՝ բարեգործական նոր ծրագրի մասին

Առաջիկա հինգ տարիների ընթացքում եկամտահարկի շեմը իջնելու է եւ դառնա 20 տոկոս. Նիկոլ Փաշինյան

Կալանքը Մայրապետյանի անձնական հաշիվների վրա է, որոնցից ֆինանսավորվում էր հեռուստաընկերությունը. պարզաբանում

ՀՀԿ-ի իշխանության ամենածաղկուն շրջանում հրապարակվել են ԼԳԲՏ նախարարների անուններ

Ստեփանծմինդա–Լարս ավտոճանապարհը բաց է

Աշոտ Աղաբաբյանը մտածում է «Հրազդանը» վերականգնելու մասին. գրավը 26 մլն դոլար չէ

Քաղաքական իրավիճակն ազդում է քրեական գործի քննության վրա. Փաշինյանը՝ Ալեքսանդր Սարգսյանի 30 մլն-ի մասին

«Մարդ կա, մտել է կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Դեպք է եղել, որ պաշտոնյա են ձերբակալել, քաղաքական մեծ աղմուկ է առաջացրել եւ ես տեղյակ չեմ եղել. Փաշինյան

Կառավարությունում կայացել է մարդկային կապիտալի զարգացման վերաբերյալ քննարկում

Հասանովը կհանդիպի Թուրքիայի եւ Վրաստանի ԶՈՒ ԳՇ պետերի հետ

Շոկ էր, երբ ստացանք հեռախոսազանգ, որ ինձ համար էս ուղարկեք, էն ուղարկեք. վարչապետը՝ որդու բանակային ծառայության մասին