«Շիրակ» ֆուտբոլային ակումբի որոշ երկրպագուներ համացանցում իրենց զայրույթն են արտահայտել: Հրապարակել են ակումբի նախկին մարզական տնօրեն Արարատ Հարությունյանի լուսանկարը (վերեւում) Գյումրիի «Քաղաքային» մարզադաշտի օթյակում, նշել, որ այդտեղից հետեւել է ՀՀ Բարձրագույն խմբի 2018-19 թթ. առաջնության 4-րդ տուրի «Շիրակ»-«Փյունիկ» խաղին եւ քննադատության են արժանացրել ակումբին:

Հարությունյանի ներկայությունը նրանք անընդունելի են համարում, քանի որ նա մեղադրվում է պայմանավորված խաղ կազմակերպելու փորձի մեջ: Անցած մրցաշրջանի վերջնամասում՝ մայիսի 5-ին, ՀՖՖ-ն հայտարարեց, որ նա գումար է առաջարկել «Բանանցի» խաղացող Էդվարդ Կպոդոյին, որպեսզի վերջինս այնպես անի, որ 2017-18 մրցաշրջանի 27-րդ տուրում իր թիմը պարտվի «Շիրակին»: ՀՖՖ-ն նաեւ ցմահ որակազրկեց մասնագետին:

«Հայկական ժամանակ»-ի հետ զրույցում ակումբի մամուլի քարտուղար Աննա Թադեւոսյանը մեկնաբանեց լուսանկարի հետ կապված խոսակցությունները: Նա նշեց, որ ոչ մի վատ բան չի տեսնում նրանում, որ Հարությունյանը եկել է՝ խաղը դիտելու:

«Որպես երկրպագու եկել է՝ դիտելու առանց ոչ մի օրենք խախտելու: Ի՞նչ կապ ունի՝ որտեղից է նայում»,- ասաց նա՝ ավելացնելով, որ նկարը տեսել է:

ՀԺ-ի հետ զրույցում ակումբի գործադիր տնօրեն Ռուբեն Հակոբյանը նույնպես նշեց, որ Հարությունյանի ներկայության մեջ խնդիր չի տեսնում: Ավելացեց, որ հայկական ֆուտբոլում շատ են եղել դեպքեր, որ որակազրկված անձինք գնան մարզադաշտ:

ՀԺ-ն փորձեց մեկնաբանություն ստանալ նաեւ Հարությունյանից: Նա թեմայի շուրջ խոսել չցանկացավ: Միայն նշեց, որ որպես սովորական մարդ իրավունք ունի մարզադաշտում գտնվելու:

Բացի ՀՖՖ-ի կողմից ցմահ որակազրկելուց՝ Հարությունյանը նաեւ հեռացվել էր ակումբից: Հետագայում ՀՀ քննչական կոմիտեի Երեւան քաղաքի քննչական վարչության Մալաթիա-Սեբաստիա վարչական շրջանի քննչական բաժնում քննվող քրեական գործով նրան մեղադրանք էր առաջադրվել ՀՀ քրեական օրենսգրքի 201-րդ հոդվածի 1-ին մասով (մարզիկներին, մրցավարներին, մարզիչներին, թիմերի ղեկավարներին կամ արհեստավարժ մարզամրցումների մյուս մասնակիցներին ու կազմակերպիչներին, ինչպես նաեւ հանդիսավոր առեւտրային մրցույթների կազմակերպիչներին ու մրցանակաբաշխային հանձնաժողովի անդամներին կաշառք տալը): Քննչական կոմիտեի նախագահի խորհրդական Սոնա Տռուզյանը ՀԺ-ին տեղեկացրեց, որ նախաքննությունը շարունակվում է:

Ինչ վերաբերում է ակումբին, ապա ՀՖՖ-ի կողմից տուգանվել էր նվազագույն աշխատավարձի յոթհազարապատիկի չափով: Իսկ թիմի՝ առաջնությունում վաստական միավորները կրճատվել էին 12-ով, ինչի արդյունքում չկարողացավ պայքարել չեմպիոնի կոչման համար:

Տպել
1415 դիտում

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին