Գրեթե համլետյան խնդիր. տա՞լ, թե՞ չտալ ՄՀ համալիրը

25/08/2018 schedule15:45

Տպագրվել է «Հայկական Ժամանակ» օրաթերթի՝ 2005 թվականի օգոստոսի 25-ի համարում

«ԲԱՄՕ» ընկերության նախագահ Մուրադ Մուրադյանը հայտարարում է, որ եթե Կարեն Դեմիրճյանի անվան մարզահամերգային համալիրի մասնավորեցմանը դեմ նախաձեռնող խմբին հաջողվի հավաքել 200 հազար ստորագրություն, ինքը պատրաստ է հրաժարվել  մարզահամերգային համալիրը գնելու մտքից: Իհարկե, դրանից հետո Մուրադ Մուրադյանի մոտ լուրջ կասկածներ կառաջանան հայ մտավորականության խոհեմության վերաբերյալ, քանզի այն, ինչ առաջարկում է «ԲԱՄՕ» ընկերությունը, ըստ ընկերության նախագահի, պետք է ոչ 200 հազար դեմ, այլ նույնքան եւ ավելի կողմ ձայներ հավաքեր: Իսկ ի՞նչ է առաջարկում Մուրադ Մուրադյանի «ԲԱՄՕ»-ն. «Մենք առաջարկում ենք աչքի առաջ քանդվող, օդափոխիչ համակարգ չունեցող, տանիքը թափված եւ պարզապես խիստ ամոթալի վիճակում գտնվող համալիրը, որը գնելու ենք 5 միլիոն դոլարով եւ կատարելու մոտ 10 միլիոն դոլարի ներդրում, համապատասխանեցնել միջազգային բարձր չափանիշներին:

Ես երաշխավորում եմ, եւ կառավարության որոշման մեջ դա ամրագրվելու է, որ համալիրի ֆունկցիոնալ նշանակությունը երբեւէ չի փոխվելու, ինչպես նաեւ չի փոխվելու Կարեն Դեմիրճյան անունը: Ավելի լավ անուն համալիրի իմիջի համար մտածել անգամ հնարավոր չէ: Բայց, եթե իսկապես համալիրը գնելու իմ առաջարկն առաջացրել է հասարակական նման վրդովմունք եւ եթե իսկապես կհավաքվի նման թվով ստորագրություն, ես պատրաստ եմ, եթե կառավարությունը դա կընդունի, հրաժարվել այդ գործարքից, որից տուժողը հաստատ մեր ընկերությունը չի լինելու: Եկող շաբաթ ես գալու եմ Հայաստան եւ անպայմանորեն ուզում եմ հանդիպել մտավորականների նախաձեռնող այդ խմբի հետ, որոնց, վստահ եմ, ուղղորդում են ինչ-ինչ քաղաքական ուժեր: Ցանկացած մտավորական էլիտա ընդամենը պետք է ողջուներ իմ այդ առաջարկը, այլ ոչ թե աննպատակ քարկոծեր:

Ի վերջո, պետք է հասկանալ, որ Երեւանի ապագան այն փառատոնային քաղաք դարձնելն է, ինչը ես փորձելու եմ անել: Հայաստանն այլ ճանապարհ չունի, քան զարգացնել տուրիզմն ու մշակութային փառատոնները, մինչդեռ, օտարին միայն եկեղեցի ցույց տալով տուրիզմ չես զարգացնի: Իսկ քաղաքական այն ուժերին, որոնք ուղղորդում են հասարակական բողոքի այդ ալիքը, ես խորհուրդ կտայի ճիշտ հաշվարկել սեփական պետության շահն ու նոր աղմուկ բարձրացնել»,- մեզ հետ երեկ ունեցած հեռախոսազրույցում ասաց «ԲԱՄՕ» ընկերության նախագահ Մուրադ Մուրադյանը:

«Կարեն Դեմիրճյան» բարեգործական հիմնադրամի նախագահ Ռիմա Դեմիրճյանն ի պատասխան Մուրադ Մուրադյանի բացատրական աշխատանքի, նշում է, որ իրենք հրաշալի հասկանում են պետության շահը, եւ այդ շահը թելադրում է ամեն ինչ անել՝ մարզահամերգային համալիրի օտարումը կանխելու համար. «Մարզահամերգային համալիրը բացառիկ  նշանակության ազգային օբյեկտ է, եւ այն չի կարելի հանձնել մասնավորի ձեռքը: Այդ ինչպե՞ս է պատահում, որ երբ խոսքը վերաբերում է իրենց սեփական խանութներին, կազինոներին եւ զվարճանքի այլ վայրերին, պետությունը միջոցներ գտնում է դրանք շքեղագույն ձեւով պահելու համար, իսկ մարզահամերգային համալիրը պահելու փող չունե՞ն: Ի վերջո, այդ համալիրը, որը կառուցվել է Եղեռնի զոհերի հիշատակը հավերժացնող կոթողի հարեւանությամբ, խորհրդանշում է հայ ժողովրդի վերածնունդն, ու նման նշանակության կոթողը երբեք չի կարելի հանձնել մասնավորի տնօրինությանը»,- ասում է Ռիմա Դեմիրճյանը:

Ինչեւէ, կառավարության այսօրվա նիստը պետք է որոշում կայացնի Կարեն Դեմիրճյանի անվան Երեւանի մարզամշակութային կենտրոն պետական ոչ առեւտրային կազմակերպությանը սեփականության իրավունքով պատկանող եւ ամրացված գույքն օտարելու մասին: Դատելով այն ոգեւորությունից, որը տիրում է կառավարամերձ շրջանակներում եւս մեկ օբյեկտ հարմար գնով ծախելու շուրջ, հասկանալի է, որ այդ հարցը կառավարության նիստում կրելու է ընդամենը ֆորմալ բնույթ: Եւ չնայած այսօր առավոտյան ժամը 10-ից կառավարության շենքի դիմաց Կարեն Դեմիրճյան մարզահամերգային համալիրի մասնավորեցմանը դեմ նախաձեռնող խումբը կազմակերպելու է բողոքի ակցիա, պարզ է, որ այդ ակցիայից կառավարության որեւէ անդամ չի հուզվելու:

Այնպես որ, նրանք, ովքեր իսկապես կարծում են, որ մարզահամերգային համալիրը լրջագույն մշակութային եւ ազգային արժեք է ու խորհրդանշում է հայ ժողովրդի վերածնունդը, պետք է հասցնեն հավաքել 200 հազար ստորագրություն: Համենայնդեպս, «ԲԱՄՕ» ընկերության նախագահը խոստացել է նման թվով ստորագրության դեպքում համալիրը չգնել. եթե, իհարկե, ՀՀ կառավարությունը թույլ տա ընդառաջել հասարակական կարծիքին: Իսկ երեկվա դրությամբ նախաձեռնող խումբը դեռ հավաքել էր հարյուրից քիչ ավելի ստորագրություն:

Նաիրա Զոհրաբյան

Տպել
1809 դիտում

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ

Նախագահի նստավայրը Մաշտոցի 47 հասցեից տեղափոխվելու է Բաղրամյան 26. ԱԺ-ն քվեարկեց

Պլյուշչենկոն օրերս 3-րդ անգամ Երեւանում կներկայացնի Սառույցի արքաներ շոուն. կլինի պրեմիերա

ԱՀԿ-ում ներկայացվել է «ԵԱՏՄ-ում ՀՀ անդամակցության մասին» համաձայնագիրը

Ամերիկահայությունը մեր ամենակազմակերպված համայնքներից մեկն է. Բակո Սահակյան

Փաշինյանի որոշմամբ ստեղծվում է Գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողով

Սահակաշվիլին իրեն ընչազուրկ է անվանել

Վաշինգտոնում ամերիկահայ գործարարները աջակցում են միմյանց բիզնեսներին

Մնացականյանը Եվրոպայում ներկայացրել է ՀՀ-ում բարեփոխումների ուղղությամբ շոշափելի ձեռքբերումները

Տնտեսական ակտիվությունը աճել է 3 տոկոսով, արդունաբերությունը՝ 8.1 տոկոսով

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում եւ Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում