ՔՊ-ն ավագանու ընտրություններին կմասնակցի 190 հոգանոց ցուցակով. ով է լինելու փոխքաղաքապետ

Քաղաքացիական պայմանագիր կուսակցությունը Երեւանի ավագանու ընտրություններին մասնակցելու է 190 հոգանոց ցուցակով: Այս մասին «Հայկական ժամանակ»-ի հետ զրույցում տեղեկացրեց ՔՊ-ի վարչության անդամ, ԱԺ պատգամավոր Լենա Նազարյանը:

«Նախընտրական ցուցակները մի առանձնահատկություն ունեն, որ վերջնական ձեւավորվում են ԿԸՀ ներկայացնելուց 5 րոպե առաջ: Շատ թեկնածուներ որոշում են դուրս գալ եւ այլ խնդիրներ են առաջ գալիս»,- ասաց Լենա Նազարյանը:

Նազարյանի խոսքով՝ ցուցակի գերակշռող մասը լինելու են Քաղաքացիական պայմանագիր կուսակցության անդամներ եւ համակիրներ: «Ցուցակում լինելու են ՔՊ-ին տարիներ առաջ անդամակցած եւ նոր անդամակցած կուսակիցները: Լինելու են նաեւ հասարակական գործիչներ, փորձագետներ, ինչպես նաեւ հեղափոխությանը մասնակցած ակտիվիստներ»:

ՀԺ-ին տեղեկություններ էին հասել, որ ՔՊ-ն ՀԱԿ-ի եւ Առաքելություն կուսակցությունների հետ հնարավոր է դաշինքի ձեւաչափով մասնակցի ընտրություններին: Լենա Նազարյանը նշեց, որ ՀԱԿ-ի հետ դաշինք չի լինելու:

«Հնարավոր է, որ ՀԱԿ-ի համակիրներից անձիք լինեն ցուցակում: Առաքելություն կուսակցությունից նույնպես կլինեն ներկայացուցիչներ»:

«Հայկական ժամանակ»-ի հետ մասնավոր զրույցներից մեկում ՔՊ-ի ներկայացուցիչներից մեկը փոխանցել էր, որ, եթե ՔՊ-ն Երեւանի ավագանիում մեծամասնություն կազմի, ապա առաջին փոխքաղաքապետ է նշանակվելու Տրդատ Սարգսյանը: Նա եւս ՔՊ-ական է: Լենա Նազարյանն այս տեղեկությունների վերաբերյալ նշեց, որ փոխքաղաքապետերին նշանակում է քաղաքապետը՝ իր ցանկությամբ:

Տրդատ Սարգսյանը ՀԺ-ի հետ զրույցում փոխանցեց, որ լինելու է ավագանու ցուցակում, իսկ փոխքաղաքապետ նշանակվելու վերաբերյալ ասաց, որ նման որոշում չկա: Դրանք միայն խոսակցությունների մակարդակ ունեն: Նա մասնագիտությամբ արեւելագետ է: Տրդատ Սարգսյանը նախկինում համատիրության կառավարիչ է աշխատել:

Երեւանի ավագանու արտահերթ ընտրությունները տեղի կունենան սեպտեմբերի 23-ին: Այս մասին «Հայկական ժամանակ»-ի հետ զրույցում փոխանցել էր Կենտրոնական ընտրական հանձնաժողովի մամուլի խոսնակ Հերմինե Հարությունյանը:

Երեւանի ավագանու ընտրություններին մասնակցելու համար հայտերի ընդունման վերջնաժամկետը օգոստոսի 29-ն է, ինչ վերաբերում է քարոզարշավին, ապա Հարությունյանի խոսքով՝ քարոզարշավը կմեկնարկի սեպտեմբերի 10-ին եւ կավարտվի սեպտեմբերի 21-ին:

Տպել
4723 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ