Այլ նախարարության կառույցում, թե առանձին՝ մշակույթի նախարարություն պիտի լինի. Մակունց

Նախարարությունների թվի օպտիմալացման անհրաժեշտության մասին վարչապետ Նիկոլ Փաշինյանի հայտարարությունից հետո ՀՀ մշակույթի նախարարությունը ինչպես նաեւ սպորտի եւ երիտասարդության հարցերի նախարարությունը հայտնվեցին ուշադրության կենտրոնում:

Կառավարման 100 օրվա հանրահավաքի ժամանակ Փաշինյանը հայտարարել էր, որ ՀՀ-ում չպետք է լինի 17 նախարարություն, եւ դրանց թիվը պետք է զգալիորեն պակասի: Դրանից հետո կարծիքներ հնչեցին, որ սպորտի նախարարությունը կարող է միավորվել մշակույթի նախարարության հետ: Կարծիքներ եղան նաեւ սփյուռքի նախարարության կրճատման, անգամ կրթության եւ մշակույթի նախարարությունների միավորման մասին:

«Հայկական ժամանակ»-ը  զրուցել է ուշադրության կենտրոնում հայտնված կառույցներից մեկի ղեկավարի՝ մշակույթի նախարար Լիլիթ Մակունցի հետ: Վերջինս հայտնեց, որ կառավարությունում դեռ նմանատիպ քննարկում չի եղել: Նշեց, որ մշակույթի նախարարությունը որպես առանձին նախարարություն, կամ փոփոխված ձեւաչափով ու որեւէ այլ կառուցվածքով՝ պետք է գոյություն ունենա: «Ձեր հարցը հավանաբար, հանրահավաքի ժամանակ Փաշինյանի հայտարարության հիման վրա է, սակայն, որեւէ այլ նախարարության կառույցում կամ առաձին՝ մշակույթի նախարարությունը պիտի լինի, դա միանշանակ կարող եմ վստահեցնել»,-ասաց Լիլիթ Մակունցը:

Ինչ վերաբերում է նախարարությունների փակման կամ միավորման հարցին՝ Մակունցը վստահություն հայտնեց, որ դրանք ոչ թե փակվում են, այլ հնարավոր է կրեն կառուցվածքի կամ ձեւաչափի փոփոխություն: «Եթե անգամ նախարարությունը ներկայացված է լինելու որեւէ այլ նախարարության կառուցվածքի մեջ, դա ընդամենը ձեւաչափի փոփոխություն է եւ միեւնույն է՝ դրանք գործելու են, պարզապես արվելու է աշխատանքներն ավելի արդյունավետ կազմակերպելու եւ ֆինանսական ռեսուրսներն ավելի արդյունավետ օգտագործելու համար»,-ասաց նա:

Մեր հարցին, թե ինչպես է վերաբերում այն հանգամանքին, որ սպորտը կրկին վերամիավորվի մշակույթի հետ, դառնա մեկ նախարարություն, նախարարն ասաց. «Հանպատրաստից չեմ ուզում ձեր հարցին պատասխանել, որովհետեւ ցանկացած որոշում, որը կկայացվի, միեւնույնն է՝ լինելու է համապարփակ եւ երկարատեւ քննարկումների արդյունքում»:

Վարչապետի մամուլի խոսնակ Արման Եղոյանն ավելի վաղ ՀԺ-ին տեղեկացրել էր, որ այս շրջանում հարցը ընթացքի մեջ է: Վերջինս նշել էր, որ օպտիմալացման տարբեր ձեւաչափեր են ուսումնասիրվում ու քննարկվում:

Տպել
1003 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին