Ի՞նչ կլինի. ֆավորիտները Զեյթունում հայտնի են

28/08/2018 schedule15:10

Տպագրվել է «Հայկական Ժամանակ» օրաթերթի՝ 2005 թվականի օգոստոսի 26-ի համարում

Սեպտեմբերի 18-ին Քանաքեռ-Զեյթունում կայանալիք թաղապետի ընտրությունները բավական հետաքրքիր ընթացք կարող են ունենալ: Բանն այն է, որ այս համայնքի թաղապետի ընտրությունների շուրջ քաղաքական շրջանակներում այնպիսի դասավորություն է ստեղծվել, որ հաղթողի հիմնական երկու հավակնորդների ցանկից դուրս է մնացել գործող թաղապետ Ռուբեն Սինոյանը: Մեր նախորդ հրապարակումներում տեղեկացրել ենք, որ Քանաքեռ-Զեյթունում առաջադրվել են թաղապետի չորս թեկնածուներ, որոնցից հաղթողի հիմնական հավակնորդները երկուսն են՝ «Սամարկ» ՍՊԸ («Սամարկ» տպագրատուն) տնօրեն Արայիկ Քոթանջյանը եւ «Քանաքեռի Նորայր» ՍՊԸ տնօրեն Վալերի Հարությունյանը:

Գործող թաղապետ Ռոբերտ Սինոյանի հաղթելու շանսերը գնահատվում են շատ ցածր, իսկ Երեւանի քաղաքապետարանի «Բնակչության հատուկ սպասարկում» ՊՓԲԸ-ի (հանրությանն առավել հայտնի է «Թաղման բյուրո» անվամբ) հսկիչ Պետրոս Սողոյանի թաղապետ դառնալու հնարավորությունը համարվում է գրեթե զրոյական:  Ա.Քոթանջյանին սատարելու մասին արդեն իսկ պաշտոնապես հայտարարել է ԱԺ պատգամավոր Մանուկ Գասպարյանը, որի համար այս հարցը, ըստ իրեն, սկզբունքային խնդիր է: Մյուս կողմից քաղաքական շրջանակներում հայտնի է, որ Ա.Քոթանջյանին է սատարում նաեւ նախկին ԱԺ պատգամավոր Վահագն Գրիգորյանը:

Որոշ տեղեկությունների համաձայն Ա.Քոթանջյանին ոչ պաշտոնական քաղաքական աջակցություն է խոստացել նաեւ «Ազգային միաբանություն» կուսակցության տարածքային կառույցը: Մյուս կողմից ՕԵԿ-ը խոստացել է Քանաքեռ-Զեյթունում պահպանել քաղաքական չեզոքություն, ինչը եւս Ա.Քոթանջյանի համար գրեթե աջակցություն է: Որոշ տեղեկությունների համաձայն Հայաստանի կառավարության գործերի կառավարիչ Հայկարամ Մխիթարյանը եւս սատարում է «Սամարկ» ՍՊԸ-ի տնօրենին: Սակայն նրա աջակցությունն ավելի շատ ոչ ֆորմալ բնույթ է կրում, քանի որ նրա եւ իր կուսակցության` ՀՀԿ-ի մոտեցումներն այս հարցում չեն համընկնում: Ա.Քոթանջյանի կողմնակիցներն արդեն իսկ խոսում են այն մասին, որ ՀՀԿ-ն խոստացել է սատարել Վալերի Հարությունյանին:

Վալերի Հարությունյանը, որը 90-ականների վերջին զբաղեցրել է «Զվարթնոց» օդանավակայանի տնօրենի պաշտոնը, նույնպես բավական ազդեցիկ քաղաքական աջակիցներ ունի: Մասնավորապես, Վ.Հարությունյանի հիմնական հենարանը համարվում է ԱԺ «Ժողոպատգամավոր» խմբի անդամ Արտուշ Սիմոնյանը: Նա մեծամասնական ընտրակարգով ԱԺ պատգամավոր է ընտրվել նախկին թիվ 5 ընտրատարածքից: Վ.Հարությունյանին սատարելու համաձայնություն են տվել նաեւ Ա.Սիմոնյանի խմբակիցները: «Ժողպատգամավոր» խմբի օլիգարխներից բացի Վ. Հարությունյանին սատարում են նաեւ ԱԺ անկախ պատգամավոր օլիգարխներից մի քանիսը: Տվյալ դեպքում հիմնականում շրջանառվում են երկու անուններ` Ռուբեն Հայրապետյան եւ Խաչատուր Սուքիասյան:

Քաղաքական կուսակցություններից ՀՀԿ-ի հնարավոր աջակցության մասին արդեն իսկ նշեցինք: ՄԱԿ-ը եւս ամենայն հավանականությամբ կսատարի Վ.Հարությունյանին, ենթադրվում է, որ ՀՅԴ-ի Քանաքեռ-Զեյթունի տարածքային կառույցը եւս կաջակցի նրան: Իսկ որ ամենահետաքրքիրն է, մեր տեղեկություններով, «Զվարթնոցի» նախկին տնօրենին որոշակի աջակցություն են խոստացել նաեւ ընդդիմադիր «Արդարություն» դաշինքի տարածքային կառույցի որոշ ներկայացուցիչներ: Ինչպես նկատեցիք, վերը բերված երկու թեկնածուների քաղաքական աջակցության շրջանակները ընդգրկում են քաղաքական գրեթե ողջ համակարգը: Թերեւս սրանով է պայմանավորված այն հանգամանքը, որ գործող թաղապետ Ռուբեն Սինոյանի հաղթելու հնարավորությունը գնահատվում է շատ ցածր: Ավելին, նախորդ ընտրություններում վերջինիս հիմնական հենարանը եղել են ԱԺ պատգամավորներ Գագիկ Ծառուկյանը եւ Սամվել Ալեքսանյանը:

Սակայն քաղաքական շրջանակներում խոսում են, որ այս ընտրություններում նրանք երկուսն էլ չեն ցանկացել սատարել Ռ.Սինոյանին, քանի որ դրանից կրկնակի կարող էին տուժել. նախ հայտնի է, որ քանաքեռցիների եւ զեյթունցիների մեծամասնությունը գործող թաղապետից հիասթափված է եւ նրան դեմ է տրամադրված: Ուստի, վերը նշված պատգամավորների համար Սինոյանին սատարելը կնշանակեր այդ անել սեփական հեղինակության հաշվին: Ավելին, նման անշնորհակալ քայլը կունենար եւս մեկ բացասական հետեւանք` օլիգարխիայի շրջանում կարող էին հակասություններ ի հայտ գալ, ինչն այս դեպքում թերեւս լրիվ անտեղին կլիներ: Ուստի, Ռ.Սինոյանը, կարելի է ասել, թաղապետի ընտրություններին մասնակցում է միայնակ: Ի դեպ, քաղաքական շրջանակները նույնիսկ չեն բացառում, որ նա կհրաժարվի քվեարկությանը մասնակցելուց եւ կհանի իր թեկնածությունը: Ինչեւէ, ապրենք կտեսնենք: Իսկ սեպտեմբերի 18-ին Քանաքեռ-Զեյթունում բավական հետաքրքիր ընտրություններ են սպասվում:

Վահագն Հովակիմյան

Տպել
640 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան