Ոչ մի դեպքում. ընդդիմությունը այդ պարը չի պարում

28/08/2018 schedule15:15

Տպագրվել է «Հայկական Ժամանակ» օրաթերթի՝ 2005 թվականի օգոստոսի 26-ի համարում

Չնայած կանխատեսումներին, թե քաղաքական կրքերը կսկսեն եռալ օգոստոսի 29-ից, երբ արտահերթ նստաշրջանում իրար կբախվեն սահմանադրական հակադիր կրքերը, նախագահ Քոչարյանն առաջինը զովացրեց քաղաքական դաշտը՝ Ծաղկաձորից հղելով իր սահմանադրական ուղերձը: Եւ քանի որ, ըստ լուրերի, Միասնության շուրջպարը նախագահի վրա մեծ ազդեցություն է գործել, ուստի փորձելով առավել նշանակալից դարձնել սահմանադրական հանրաքվեի վերաբերյալ իր մտքերը՝ Ռոբերտ Քոչարյանը հանրաքվեն համարեց նույնքան նշանակալից գործընթաց, որքան, ասենք, Միասնության շուրջպարն էր:

«Եթե մենք կարողանանք նաեւ սահմանադրական բարեփոխումների շուրջ այնպիսի քարոզչություն ծավալել, որ սա ընկալվի որպես մեր ժողովրդի միասնության դրսեւորում, ինչպես, օրինակ, շուրջպարն էր, եւ եթե տոնական տրամադրությամբ մենք դրական արդյունք ունենանք, ապա դա  կլինի հաղթանակ ե՛ւ ժողովրդի, ե՛ւ երկրի համար»,- նախօրեին հայտարարեց հանրապետության նախագահը: Եւ այսպես, սահմանադրական երկամյա ողջ գործընթացի ընթացքում առաջին անգամ հանրապետության նախագահն իր տեսակետն է հայտնում եւ հանդես է գալիս առաջարկով՝ հանրաքվեի գնալ տոնական տրամադրությամբ, ինչպես գնացինք շուրջպարի, եւ հաղթանակը մերը կլինի:

Քոչարյանի ուղերձը բավականին զովացրել ու զվարճացրել էր  ընդդիմությանը, եւ չնայած թե՛ «Արդարություն» դաշինքում եւ թե՛ «Ազգային միաբանությունում» նշում են, որ ո՛չ շուրջպարին եւ ո՛չ էլ հանրաքվեին մասնակցելուն խանգարող հանգամանքի պրոբլեմ չունեն, բայց եւ չեն պատրաստվում հետեւել Ռոբերտ Քոչարյանի կոչին՝ միասնաբար, իշխանությունների հետ ձեռք-ձեռքի տված, ուրախ տրամադրությամբ գնալ հանրաքվեի: «Եթե պարոն Քոչարյանի վարքագծում որեւէ բան բարձր եմ գնահատել՝ դա նրա հումորի զգացում է, որին վերջինս տիրապետում է: Ի՞նչ եզրակացությունների կարելի է գալ պարոն Քոչարյանի այդ լավատեսական հարցազրույցից. նախ, որ նա, անգամ այս իրավիճակում, չի կորցնում հումորի զգացումը:

Երկրորդ՝ պարզվում է՝ Քոչարյանի պատկերացմամբ ժողովուրդը միասնական կարող է լինել միայն ու միայն զուռնի-տրնգի պարելով: Եւ երրորդ՝ Քոչարյանին հերթական անգամ  մոլորության մեջ է գցել իր շրջապատը՝ ներշնչելով, թե Միասնության շուրջպարը դրական ազդեցություն է թողել ժողովրդի վրա, ուստի նա սկսել է իր քաղաքական տեսությունները կառուցել շուրջպարի առանցքի շուրջ: Բարեբախտաբար, մենք նման պարերի չենք մասնակցում»,- մեզ հետ զրույցում ասաց «ԱՄ» նախագահ Արտաշես Գեղամյանը:

«Հանրապետություն» կուսակցության նախագահ Արամ Սարգսյանը Քոչարյանի կոչը համարում է վերջինիս աշխարհընկալման, ուրույն մենթալիտետի արդյունք եւ ընդամենը ցավ է ապրում, որ Հայաստանի նախագահի աշխարհընկալումը դոփում է տեղում. «Դա նրա աշխարհընկալումից է, որ նույնացնում է շուրջպարն ու երկրի հիմնական օրենքի հանրաքվեն: Եւ չնայած շուրջպարի դեպքում Գինեսի ռեկորդների գիրք մտնել չստացվեց, բայց ես վստահ եմ, որ Սահմանադրությունը խախտելու համար Հայաստանի իշխանությունները հաստատ կմտնեն Գինեսի ռեկորդների գիրք: Չկա Սահմանադրության որեւէ հոդված, բացի, թերեւս, դրոշի մասին հոդվածից, որ նրանք խախտած չլինեն, եւ այս պարագայում խոսել ուրախ տրամադրությամբ ինչ-որ շուրջպարերի  եւ հանրաքվեների մասին, ես լուրջ չեմ համարում»,- ասում է «Հանրապետության» նախագահը:

ՍԻՄ նախագահ Հրանտ Խաչատրյանն էլ, որը ո՛չ շուրջպարին է մասնակցել, ո՛չ էլ պատրաստվում է հանրաքվեին մասնակցել, հայտարարում է, որ երկրում առկա վստահության նման ճգնաժամի պայմաններում ոչ մի նորմալ եւ իրեն հարգող ազգ երբեւէ չէր ձեռնարկի Սահմանադրության հանրաքվե: Իսկ «Արդարություն» դաշինքի քարտուղար Վիկտոր Դալլաքյանը Քոչարյանի կոչին ի պատասխան իշխանություններին իրազեկում է, որ շուրջպար չէ, բայց նոյեմբերյան հանրաքվեն իրենք վերածելու են այնպիսի շարժման, որի ֆինալում հանցագործ ռեժիմը զոլավոր պիժամաներով հայտնվելու է խիստ որոշակի վայրերում:   Այսպիսով, Ռոբերտ Քոչարյանի հեռուստաելույթին՝ միանալ սահմանադրական «այո» քարոզարշավին, համարելով ընդդիմությանն ուղղված ուղղակի առաջարկ, ընդդիմությունը պատասխանում է, որ մերժում է այդ առաջարկն ու այս իշխանությունների հետ ոչ մի բան չի պարում՝ ո՛չ շուրջպար, ո՛չ էլ Սահմանադրության պարը: Մերժման տեքստի ողջ մանրամասները ընդդիմությունը կներկայացնի օգոստոսի 29-ին:

Նաիրա Զոհրաբյան 

Տպել
509 դիտում

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Տնտեսական աճի տեմպը շարունակում է անկում ապրել՝ 6%. նախկին վարչապետ

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին

Ազգերի լիգա. Հայաստանի համար սկսվեց մեծ հույսերով, ավարտվեց, ինչպես միշտ

Նիկոլ Փաշինյանին ներկայացվել է գյուղտեխնիկայի արտադրություն հիմնելու ներդրումային ծրագիրը

Դեկտեմբերի 9-ի նախընտրական ցուցակներում ամբողջությամբ նույն տվյալներով 208 տարբեր մարդիկ կան

Գյումրու վրաերթի հեղինակն ինքնակամ ներկայացել է ոստիկանություն

Ով է փոխարինելու գեներալ Ղահրամանյանին՝ Վ. Սարգսյանի անվան ռազմական համալսարանի պետի պաշտոնում

Արմեն Սարգսյանը շնորհավորական ուղերձ է հղել Մոսկվայի եւ Համայն Ռուսիո Պատրիարք Կիրիլին

Զիբիլիքսի աղմկոտ գործով ամբաստանյալ, ՀՀԿ-ական Հրայր Անտոնյանն ընդունում է մեղադրանքը. գործը կքննվի արագացված կարգո՞վ

ՀՊՏՀ Գյումրու մասնաճյուղում եւ թիվ 37 դպրոցում կոռուպցիոն չարաշահումներով քրգործեր են հարուցվել