120 թափուր տեղ. առայժմ միայն դիմումներ ԱՏ-ի համար

29/08/2018 schedule17:20

Տպագրվել է «Հայկական Ժամանակ» օրաթերթի՝ 2005 թվականի օգոստոսի 27-ի համարում

ԿԳ նախարար Սերգո Երիցյանը իր հրավիրած մամուլի ասուլիսի ժամանակ հայտարարել էր, որ 2005 թվականի ընդունելության քննությունների արդյունքում մնացել է առանց տարկետման իրավունքի մոտ 120 թափուր տեղ՝ առանձին մասնագիտությունների գծով: Այդ տեղերի մրցույթին մասնակցելու համար Հանրապետական ընդունող հանձնաժողովում (ՀԸՀ) ընդունվում են դիմումները, ինչը կտեւի մինչեւ սեպտեմբերի 4-ը ներառյալ: Դիմումների ձեւերը տեղում ստանալու եւ լրացնելու համար պետք է ունենալ անձնագիր եւ քննաթերթիկ: Դիմումը գրելու համար դիմորդի ներկայությունը պարտադիր է, իսկ մրցույթին մասնակցելու համար կարող են դիմել միայն նրանք, ովքեր ի վիճակի են մեկշաբաթյա ժամկետում վճարել ուսման վարձը:

Արդեն երեկ Ջոն Կիրակոսյանի (նախկին Ձերժինսկու) անվան դպրոցի մոտ հարյուրավոր մարդիկ էին հավաքվել, որոնք ցանկանում էին դիմել ԱՏ-ի մրցույթին մասնակցելու համար: Հանձնաժողովից տեղեկացրին, որ նոր հայտերն ընդունվում են միայն նախորդ հայտերի հիման վրա, այսինքն՝ դիմորդը նոր հայտում նոր ֆակուլտետ նշել չի կարող: Բացառություններ, ինչպես ասաց ՀԸՀ պատասխանատու քարտուղար Վաղարշակ Խաչատրյանը, միայն նախարարը կարող է թույլ տալ այն մասնագիտությունների համար, որոնք ի սկզբանե ԱՏ չեն ունեցել, եւ մեծ թվով մարդիկ են դուրս մնացել: Հիմա մրցույթին կարող են մասնակցել նրանք, ովքեր ԱՏ-ն նշել են ընդունելության քննություններին մասնակցելու դիմումի մեջ, բայց միավորները չեն հերիքել՝ ԱՏ ընդունվելու համար, եւ միայն այդ մարդկանց դիմումներն ընդունելուց հետո կորոշվի՝ դիմումներ ընդունե՞լ նաեւ նրանցից, ովքեր նախապես չէին նշել ԱՏ-ի մասին, թե՞ ոչ:

Ինչ վերաբերում է թափուր տեղերն ըստ մասնագիտությունների բաշխելու կարգին, ապա, ինչպես նշեց ԿԳՆ լրատվական ծառայության պատասխանատու Կարինե Գրիգորյանը, դա պարզ կլինի դիմումներն ընդունելուց հետո միայն: Վաղարշակ Խաչատրյանը (ասուլիսի ժամանակ նաեւ Սերգո Երիցյանը) նշեց, թե շատ հնարավոր է, որ նախարարի որոշմամբ ԱՏ-ի տեղեր ավելացվեն, եթե, իհարկե, բուհերի ռեկտորները, իրենց բազային հնարավորություններից ելնելով, նման պահանջ ներկայացնեն: Այսքանը՝ հայտարարված նոր մրցույթին մասնակցել ցանկացողների համար: Մի քանի խոսք նաեւ դիմորդների դժգոհությունների վերաբերյալ: Քննությունների ընթացքում առարկայական հանձնաժողովների հուշումների հետ կապված բողոքներն արդեն լռել են՝ իրենց տեղը զիջելով դիմորդների՝ այլ բնույթի անհամաձայնություններին:

Խմբագրություն զանգահարած ծնողները հայտնում էին, որ, օրինակ, իրենց երեխաների միավորները հերիքում են անվճար համակարգում սովորելու համար, սակայն նրանք վճարովի համակարգ ընդունված են համարվում: Կային նաեւ այնպիսի մարդիկ, որոնց երեխաները թեեւ անցողիկ միավորների ցածր շեմից բարձր միավոր են ստացել, սակայն նրանց անուններն ընդունվողների ցուցակում չեն գտել, իսկ ահա ավելի ցածր միավորներ վաստակած մարդիկ ընդունվել են: Երեկ նման խնդրով ՀԸՀ եկած մի ծնող ասաց, որ այդ առնչությամբ համալսարանում իրեն բացատրել են, թե այդպիսի դեպքեր լինում են, երբ, ասենք, դիմորդը բարձրադիր գոտուց է, երկկողմանի ծնողազուրկ է կամ զոհված ազատամարտիկի երեխա,  եւ նրան արտոնություններ են տրվում:

Սակայն պետք է ենթադրել, որ այս բացատրությունը չի համապատասխանում իրականությանը, այլապես խնդրի առնչությամբ մեկնաբանություններ ստանալու փորձերն առաջ չէին բերի ՀԸՀ պատասխանատու Վ.Խաչատրյանի անափ  զայրույթը, եւ նա պարզապես նույնկերպ կպատասխաներ, մինչդեռ նրա խոսքերը դիմորդների ու ծնողների համար առավել քան վիրավորական էին. «Այդպիսի բան գոյություն չունի: Ինչպե՞ս կարող է այդպիսի բան լինել: Իրենք ինչո՞ւ են գալիս այդպիսի բան ասում, երբ նման բան գոյություն չունի: Իրենք անգրագետների մեկն են, որ չեն հասկանում՝ ինչն ինչոց է»:

Աննա Զախարյան

Տպել
451 դիտում

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը