Երաժիշտները փողոցում կնվագեն մինչեւ 23:00-ն. Օսիպյանը՝ Հյուսիսային պողոտայի սկանդալի մասին

ՀՀ ոստիկանապետ Վալերի Օսիպյանը պնդում է՝ հոկտեմբերին իր հնարավոր հրաժարականի մասին լուրերը չեն համապատասխանում իրականությանը։ Այս մասին այսօր կառավարության նիստից հետո ասաց նա:

«Իմ հրաժարականի մասին լուրերը մեկնաբանելու ցանկություն չունեմ այնպես, ինչպես ցանկություն չունեմ իմ հայրենիքը լքելու: Ես նաեւ գիտեմ, որ հիմա ավելի շատ գալիս են Հայաստան, քան՝ հեռանում: Իմ հեռանալու մասին լուրը ճշտեք սկզբնաղբյուրից»,- նշեց ոստիկանապետը։

Օսիպյանի` հոկտեմբերին սպասվող հրաժարականի մասին գրել էր տպագիր մամուլը: Ըստ հրապարկման` մինչ Նիկոլ Փաշինյանի իրականացրած իշխանափոխությունը, ոստիկանական կուլիսներում արդեն իսկ շշուկներ կային, որ Օսիպյանը պատրաստվում է բնակություն հաստատել Եվրոպայում։

Այնուհետ, Վալերի Օսիպյանը լրագրողների հետ զրույցում մեկնաբանեց նախօրեին Հյուսիսային պողոտայում տեղի ունեցած միջադեպը, որի ժամանակ ոստիկանները, թեւերը ոլորելով, բերման էին ենթարկել Ուկրաինայի երկու քաղաքացու, որոնք նվագում էին Հյուսիսային պողոտայում:

«Անկեղծ ասած, այդ հարցը ես կարգավորել եմ, հիմա կասեմ ինչ կարգավորում է ստացել։ Մտահոգությունը տեղին է, ես հասկանում եմ մեր քաղաքացիների եւ տարբեր սոցցանցերի օգտատերերի դժգոհությունը։ Այո, կան երկրներ, ես ինքս ականատեսն եմ եղել եւ կան քաղաքներ ու փողոցներ, որտեղ երաժշտություն կա եւ այլն, բայց Հյուսիսային պողոտան խիտ բնակեցված է, մենք պետք է մտնենք այդ բնակիչների դրության մեջ։ Այո՛, դա երաժշտություն է, դա գեղեցիկ է, դա հաճելի է, բայց այդ երաժշտությունը բնակիչների համար դարձել է աղմուկ։ Մենք ունենք բազմաթիվ բողոքներ։ Պնդումները, որ այնտեղ մարդիկ չեն ապրում, չի համապատասխանում իրականությանը։ Ես նույնիսկ շնորհակալություն եմ ստացել բնակիչներից, որոնք նամակ են գրել ոստիկանությանը եւ բնակիչներն էլ ստորագրել են։

Հանձնարարել եմ, որ մոտենան, զգուշացնեն, որ ձայնը քիչ լինի եւ մինչեւ 23:00-ն այդ ամենը կազմակերպեն»,-ասաց Օսիպյանը:

Ինչ վերաբերում է բուն միջադեպին, ՀՀ ոստիկանապետն ասաց. «Երեկվա միջադեպի մասով, որին ստիպված են եղել ոստիկանները միջամտել, եղել է վիճաբանություն 2 երաժիշտների միջեւ, եւ իրենք չեն հերքում, նրանցից մեկը գտնվել է ոչ սթափ վիճակում, իրար սեռական եւ տարբեր տեսակի հայհոյանքներ են տվել, մեր անցորդները դիտողություն են արել, ոստիկանները ստիպված են եղել միջամտել, քանի որ օրենքով է կարգավորվում հասարակական վայրում ոչ սթափ վիճակում երեւալը։ Ներկայացրել են տարածքային ոստիկանություն եւ արձանագրություն կազմելուց հետո բաց են թողել»:

Ոստիկանությունից էլ այս առնչությամբ հայտնել են, որ օգոստոսի 29-ին՝ ժամը 21:30-ին, ոստիկանության ծառայողները Վարչական իրավախախտումների վերաբերյալ օրենսգրքի 175 հոդվածի (հասարակական վայրերում ոգելից խմիչքներ օգտագործելը կամ ոչ սթափ վիճակում հայտնվելը) հիմքով Հյուսիսային պողոտայում վարչական ձերբակալման են ենթարկել Ուկրաինայի Հանրապետության 2 քաղաքացու ու բերել ոստիկանության Կենտրոնականի բաժին: Նրանց նկատմամբ նույն հոդվածով կազմվել է վարչական արձանագրություն, նրանք ազատ են արձակվել:

Facebook-յան օգտատերերը մի քանի օր առաջ իրենց էջերում տեղեկացրել էին, որ երաժիշտները հալածվում են ոստիկանների կողմից: Մասնավորապես, Վահրամ Մարտիրոսյանը գրել էր.

«Երկու օր առաջ ոստիկանները արգելում էին նվագել ուկրաինացի ու վրացի երաժիշտներին, որոնք սիրված արտասահմանյան երգեր էին կատարում, բավական լավ մակարդակով, բայց ոչ բարձր՝ մոտիկ պետք է կանգնեիր, որ լսեիր։ Երեւանի փոխոստիկանապետ Էդգար Պետրոսյանի ու իմ բանավեճից հետո Հյուսիսային պողոտայի երաժիշտներին հանգիստ թողեցին։

Երեկ նորից որսը վերսկսեցին՝ թե բնակիչները բողոքում են։ Ես էնտեղ էի, միջամտեցի՝ գնացին։ Բայց պարզվեց՝ ոստիկանության մայորը, որն արդարացավ, թե միայն զգուշացնում ենք, որ բարձր չնվագեն, որի հետ էդտեղ իրար ձեռք սեղմեցինք, արդեն հրահանգել էր բռնել կանաչ իրոկեզով տղային՝ Իլյա Կուլիկին։ Շատ բռնի ձեւով թեւերը ոլորել, տարել էին բաժանմունք։ Իսկ Իլյան պաշտպանում էր կիթառ նվագող հայ տղային, որի վրա հարձակվել էին նույն ոստիկանները։

ԵՍ ՉԵՄ ՀԱՍԿԱՆՈԻՄ՝ սրանց երաժիշտ որսալը նոր բռնե՞ց՝ հենց նոր իշխանության օրո՞ք։ Մեկնումեկդ տեսե՞լ եք, որ սրանք որեւէ բուղայի կամ դրա բուղա թիկնապահների թեւերը ոլորեն։ Երեւի ճիշտ էր Սաակաշվիլին, որ բոլոր հին ոստիկաններին մի օրում գործից հանեց։

Ես նորից ասեմ։ Հյուսիսային պողոտան ճեմուղի է, հանրային տարածք, աղմուկի չափը կգերազանցեն, միջոցներ ձեռնարկեք, ուրիշ չափանիշներ էլ կարող են մշակվել։ Բայց դուք պետք է երաժիշտներին մոտենաք էդ թուղթը ձեռքներիդ՝ այլապես իրենք ազատ են անելու այն, ինչն օրենքով չի արգելվում։ ՀՀ Սահմանադրության 37-րդ հոդված։

Երեկ կեսգիշերին ուկրաինացի երաժիշտներ Իլյա Կուլիկին եւ Ալեքսանդր Իլյուշինին ԲԱՑ ԹՈՂԵՑԻՆ Կենտրոնի ոստիկանատնից։ Շնորհակալություն ՀՀ Մարդու իրավունքների պաշտպանի գրասենյակին աջակցության համար։ Երաժիշտների համար ծանր էր, բայց ընկճված չեն ու էսօր էլ են նվագելու։ Եկեք լսելու»:

Տպել
1432 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը