Ռոբերտ Քոչարյանը մտադիր է մասնակցել արտահերթ խորհրդարանական ընտրություններին

ՀՀ երկրորդ նախագահ Ռոբերտ Քոչարյանը հայտարարել է, որ կմասնակցի առաջիկա արտահերթ խորհրդարանական ընտրություններին: Այս մասին նա ասել է «Sputnik Արմենիա»-ին տված հարցազրույցում:

Միեւնույն ժամանակ «Մարտի 1»-ի գործով 2008 թ.-ին սահմանադրական կարգը տապալելու համար մեղադրվող Ռոբերտ Քոչարյանը դեռեւս չի հստակեցնում՝ ընտրություններին յուր մասնակցության ձեւաչափը:

Հայաստանում տեղի ունեցած «Թավշյա հեղափոխությունից» հետո վարչապետ Նիկոլ Փաշինյանի գլխավորած կառավարությունը նախատեսում է մեկ տարվա ընթացքում անցկացնել արտահերթ խորհրդարանական ընտրություններ: Այս մասին գրված է նաեւ գործող ԱԺ-ի կողմից հաստատված Փաշինյանի գլխավորած կառավարության ծրագրում:

«Չեմ կարծում, որ հիմա ճիշտ է ձեւաչափերի մասին խոսելը։ Հիմա պետք է կազմակերպչական քայլերով ձեւավորել այն միավորը, որով դու ներկայացել ես քաղաքական դաշտում, այն թիրախները, որոնց ուղղված է լինելու քո գործունեությունը, եւ այն ընտրողների զանգվածը, որի մասին դու մտածում ես, որ կարող են լինել քո ապագա հենարանը։ Սա է այս պահի հիմնական խնդիրը»,- ասել է նա։

Ավելի վաղ Ռոբերտ Քոչարյանի հետ համագործակցության հեռանկարը չէր բացառել ՀՀ ԱԺ փոխխոսնակ Էդուարդ Շարմազանովը: « ՀՀԿ-ն բաց է քաղաքական համագործակցության համար, սակայն ՀՀԿ-ն կոնսոլիդացվում է իր քաղաքական օրակարգի շուրջ»,- ասել էր Շարմազանովը:

Հարցազրույցում ՀՀ երկրորդ  նախագահը չի բացառել, որ կարող է դառնալ ընդդիմադիր բեւեռի կենտրոն կամ կենտրոններից մեկը։ «Առաջին հերթին փորձում եմ հույսս դնել ինձ վրա եւ իմ շուրջը միավորվող ուժերի ընտրազանգվածի` քաղաքացիների վրա։ Որքան այդ ուժն ավելի հզոր լինի, այնքան ավելի մեծ է լինելու դաշինքներ կազմելու հնարավորությունը»,- ընդգծել է նա՝ չցանկանալով, սակայն անուններ հնչեցնել հնարավոր դաշինքի անդամ քաղաքական ուժերի վերաբերյալ։

ՀՀ երկրորդ նախագահը նշել է, որ իր քաղաքական հենարանը համարում է ՀՀ այն քաղաքացիներին, որոնք հիշում են իր պաշտոնավարման տարիների հաջողությունները։

Երկրորդ նախագահի դիտարկմամբ` իր պաշտոնավարման ժամկետի ավարտին հաջորդած 10 տարվա ընթացքում` 1998-2008թթ.-ին, Հայաստանը շատ է փոխվել։ Հետեւաբար՝ ինքը քաղաքականություն վերադառնալով` հենարան է ընտրել այն հատվածին, որը կյանքի որակի իրական բարելավման է ձգտում։

«Ես այն մարդկանցից չեմ, որոնք կարողանում են հաճոյախոսել ժողովրդի առջեւ, եւ ես չեմ կարծում, որ դա է երկիրն առաջ շարժելու տարբերակը։ Բայց ես այն մարդն եմ, որը գիտի` ինչ է անում, որը կարողանում է կառավարել, նպատակ դնել երկրի, կառավարության, այլ պետական մարմինների առջեւ եւ հասնել հաջողությունների։

Պետք է հասկանանք, թե ինչ է պետք մեր ժողովրդին կամ ժողովրդի տարբեր հատվածներին` պոպուլիզմ, հուզումներ, մարդիկ, որոնք շատ զգացմունքային ճառերով կարող են հանդես գալ, կարող են ասել` ժողովուրդ ջան, ես ձեզ սիրում եմ, եւ մարդիկ, որոնք, իրենց տեսակից ելնելով, այդքանը չեն կարողանում անել, բայց կարողանում են ստեղծել տարեկան 30-40 հազար աշխատատեղ, կարողանում են ներդրումներ բերել Հայաստան, կայունություն ապահովել երկրում եւ, իհարկե, անվտանգության հարցերը լուծել պրոֆեսիոնալ ձեւով, հիմնովին եւ երկարատեւ»,- ասաց ՀՀ երկրորդ նախագահը։

Շարունակությունը՝ սկզբնաղբյուր կայքում:

Տպել
3054 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին