«Գանձասարի» ֆուտբոլիստը ձմռանը կարող է հայտնվել Իսպանիայի առաջնությունում

«Գանձասար-Կապանի» կիսապաշտպան Ալեքս Ջունիորը հունվարին կարող է հայտնվել իսպանական «Լեւանտեում»: Նա այս ամառ փորձաշրջան է անցել Իսպանիայի առաջնությունում հանդես եկող թիմում ու լավ տպավորություն թողել: Նրան հրավիրել է «Լեւանտեի» գլխավոր մարզիչ Պակո Լոպեսը: Վերջինս աշխատել է Ալեքսի նախորդ թիմում՝ պորտուգալական «Բոավիստայում», ու ճանաչում է նրան: Հայիթիի հավաքականի ֆուտբոլիստը պայմանագիր չի կարողացել կնքել միայն այն պատճառով, որ եվրոպական անձնագիր չունի: «Հայկական ժամանակ»-ի հետ զրույցում նա պատմեց իր փորձաշրջանի մասին ու ասաց, որ սպասում է հրավերի:

«Լոպեսը ինձ ճանաչում է. որպես սկաուտ աշխատել է պորտուգալական թիմում, որում խաղացել եմ: Հայաստանում անցկացրած 1 մրցաշրջանի ընթացքում հետեւել է իմ խաղին ու հրավիրեց՝ մարզվելու: 10 օր մարզվեցի: Խաղացինք «Բազելի» դեմ: Լավ հանդիպում անցկացրի ու այնտեղ մնալու շանսեր ունեի, բայց ես եվրոպական անձնագիր չունեմ, եւ սպորտային տնօրենն ասաց, որ կհետեւեն ինձ ու ամեն պահի կարող են զանգել, որ շարունակեմ ջանասիրաբար աշխատել ու սպասել, քանի որ պայմանագիր ունեն 4 արտասահմանցու հետ, եւ նրանցից մեկի պայմանագրի ժամկետը ձմռանը լրանալու է: Ես եւ մարզչի օգնականը դեռ շփվում են «Whatsappp» հավելվածով»,- ասաց նա:

Ֆուտբոլիստը նշում է, որ իրեն կարող էին պահել 2-րդ թիմում, եթե 20 տարեկանից փոքր լիներ, սակայն 24 տարեկան է: Թեեւ իրեն այնտեղ շատ են հավանել, սակայն հաստատ չի կարող ասել, որ գնալու է. մինչեւ հունվարի տրանսֆերային պատուհանը դեռ բավական ժամանակ կա, ու շատ բան կարող է փոխվել: Մեծ հույսեր ունի, որ տեղափոխությունը կկայանա, բայց առայժմ կենտրոնացած է ներկայիս թիմում իր ելույթների վրա:  

«Մեծ շանսեր կան, միայն թե պետք է շատ աշխատեմ, եւ ամեն ինչ լավ կլինի: Չգիտեմ՝ կգնամ, թե՝ ոչ, բայց հույս ունեմ: Չեմ կարող վստահ ասել, բայց, եթե իմ կարիքը ունենան, կկանչեն: Այս պահին իմ թիմը «Գանձասարն» է, հիմա ես փորձում եմ մարզավիճակ հավաքել ու օգնել իմ թիմին»,- ասաց նա:

ՀՀ Բարձրագույն խմբի 2017-18 առաջնությունում «Գանձասարի» կազմում նա մրցակիցների դարպասը գրավել է 8 անգամ: Գավաթի խաղարկությունում աչքի է ընկել 1 անգամ: Ընթացիկ՝ 2018-19, մրցաշրջանում գոլերի հաշիվը դեռ չի բացել:

Տպել
1205 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան