Վերջին տարիներին Երեւանը բարձիթողի վիճակում է. ինչ են ակնկալում Երեւանի քաղաքապետից

Երևանի քաղաքապետի եւ ավագանու ընտրությունների վերաբերյալ լրագրողների հետ զրույցում այսօր մտավորականները ներկայացրեցին իրենց ակնկալիքներն ու մտահոգությունները: Խոսելով քաղաքապետի թեկնածուների մասին՝ բանասիրական գիտությունների դոկտոր, գրականագետ Դավիթ Գասպարյանն ասաց, որ այս անգամ Երեւանի քաղաքապետի թեկնածուների ցուցակը բավականին հաջող է, եւ որ ներկայացվածները բոլորն էլ ճանապարհ անցած անհատներ են:

Դավիթ Գասպարյանը կարեւորեց հետագայում Երեւանի քաղաքապետի «Երեւանի պատվավոր քաղաքացի» կոչումների վերանայման հարցը. «Կան շատ պատահական մարդիկ, որոնք անգամ հարգանք ու պատիվ չեն ունեցել իրենց հայրենի գյուղերում, Էլ ուր մնաց՝ Երեւանի պատվավոր քաղաքացի: Անհրաժեշտ է վերանայել այս ցուցակը, սեղմել, կրճատել եւ թողնել արժանավորներին»,-ասաց նա:

Վերջինս մտահոգություն հայտնեց, որ Երեւանը լի է կիսատ շինություններով. «Քանդեցին շենքերը, տեղը ոչինչ չկառուցեցին՝ Երիտասարդական պալատը, Սեւան հյուրանոցը եւ այլն, շատ կան»:

Քանդակագործ Տիգրան Արզումանյանի կարծիքով՝ ավագանու անդամները պետք է լինեն փորձված եւ իմաստուն անձինք. «Ես շատ կուզենայի, որ նախքան ընտրությունները, ավագանու անդամի թեկնածուներն ուսումնառություն առնեին փորձառու մարդկանցից, հասկանային, թե ինչ բան է քաղաքը, քաղաքային տնտեսությունը: Դրանից հետո հանդիպեին, լսեին իրենց ընտրողներին»,-ասաց քանդակագործը: 

Վերջինիս համոզմամբ՝ մայրաքաղաք Երեւանն այս վերջին տարիներին բարձիթողի վիճակում է գտնվում: «Շատ վատ բաներ են կատարվել՝ իրար գլխի կուտակված բարձրահարկ շենքեր, որոնք կառուցվել են մարդկանց բակերի հաշվին, դպրոցների գլխին: Պարզապես փողի գերիշխանություն է եղել»,-ասաց նա:

Երգիչ, երգահան Եղիշե Պետրոսյանը եւս այն կարծիքին է, որ կենտրոնում բարձրահարկ շենքերի կառուցապատումը պետք է դադարեցվի. «Աստված չանի, թեթեւ երկրաշարժի կամ հրդեհի դեպքում փաստի առաջ կանգնենք, քանի որ ոչ մի փրկարարական մեքենա, ոչ մի տեխնիկա չի կարողանալու մոտենալ շենքերին»: Վերջինս նշեց մի քանի կարեւոր խնդիրների մասին, այն է՝ քաղաքի կանաչապատման, գերծանրաբեռնվածության եւ մի շարք այլ հարցեր:

«Հայաստանը պետք է ունենա որակյալ վերելակ արտադրելու գործարան, որի շնորհիվ ե՛ւ աշխատատեղերի հարց կլուծվի, ե՛ւ մարդիկ առանց վախենալու ու կյանքին վտանգ սպառնալու կկարողանան օգտվել վերելակներից»,-ասաց նա: Անդրադառնալով Երեւանի քաղաքապետի թեկնածուներին, մասնավորապես հանրության կողմից առավել քննարկվող Հայկ Մարությանին, մտավորականները կարծիք հայտնեցին, որ վերջինս նախ պետք է աշխատի, որ որոշ ժամանակ անց կարողանան գնահատական տալ:

«Այն շոուները, ֆիլմերը որոնք հեռուստատեսությամբ են ցույց տալիս եւ որոնց հեղինակն է Հայկ Մարությանը, դա բոլորովին չի նշանակում, որ նա չի կարող այս գործում հաջողակ լինել: Եթե մարդ մի բան որակով է անում, ապա վստահաբար կարող եմ ասել, որ այլ բան էլ նրա մոտ կստացվի»,-ասաց Տիգրան Արզումանյանը:

Եղիշե Պետրոսյանն ասաց, որ յուրաքանչյուր բնագավառում առաջնայինը կարեւորում է մարդու տեսակն ու արժեհամակարգը, բարձր է գնահատում մասնագիտականից եւ վստահություն հայտնում, որ մնացածը կազմակերպչական հարցեր են: «Ինչ վերաբերում է Հայկին, ապա ասեմ, որ նա տեխնիկական կրթություն ունի, թող ինձ ներեն շատ ու շատ մարդիկ, բայց տեխնիկական կրթությունը մեծ առավելություն է տալիս մարդուն՝ անալիտիկ մտածելակերպ եւ հստակ պատկերացնում առաջնային ու երկրորդական հարցերի վերաբերյալ»,-եզրափակեց Եղիշե Պետրոսյանը:

Տպել
1886 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է