Մինչեւ վերջ չի ընկալել, որ մտնում է քաղաքականություն. Սերգեյ Դանիելյանը՝ Մարությանի մասին

«Իմ քայլը» դաշինքից Երեւանի քաղաքապետի թեկնածու Հայկ Մարությանը դեռեւս չի հասկացել՝ ինչպես պետք է իրեն պահի որպես քաղաքական գործիչ: Նման կարծիքի է դերասան Սերգեյ Դանիելյանը: Երեկ՝ սեպտեմբերի 2-ին, ընտրությունների ֆինանսավորումն ապահովելու համար կազմակերպված դրամահավաք-երեկոյի ընթացքում Մարությանը ելույթ է ունեցել, իր քաղաքական ուժին սատարողներին անվանել է սպիտակ ուժեր, մյուսներին՝ սեւ, եւ ընդգծել՝ մեր դեմ խաղ չկա: Սա նրա  նկատմամբ քննադատության մեծ ալիք է բարձրացրել: Դժգոհում են անգամ «Իմ քայլին» աջակցողները: «Հայկական ժամանակ»-ի հետ զրույցում Սերգեյ Դանիելյանը նշեց, որ, ըստ իրեն, սա Մարությանի համար դաս կլինի, որ նույն սխալը չկրկնի:

«Վերագրում եմ էմոցիոնալ լինելուն եւ արտիստի խառնվածքին: Դեռ մինչեւ վերջ չի ընկալել, որ մտնում է քաղաքականություն, եւ ամեն մի բառը պետք է չափված-ձեւած լինի: Առաջին անգամ կարելի է, կոպիտ ասած, ներել. պետք է հասկանանք, որ գործ ունենք դեռ արտիստի հետ, դեռ քաղաքական գործիչ չէ, եւ քաղաքական գործչին բնորոշ այդ «պլաստմասի» դեմքով, առանց էմոցիա, չափված-ձեւած խոսքին սովորելու համար ժամանակ է պետք: Կարծում եմ՝ սա դաս կլինի, որ հասկանա, որ իր ամեն խոսքը ունի կշիռ եւ միանգամից կարող է մեկնաբանվել ոչ իրեն հաճելի ձեւով: Իսկ այն, որ նա շատ անկեղծ է եւ իսկապես ուզում է քաղաքին օգուտ տալ, առաջին օրվանից եղել է մեր կողքին, երբեք չի քծնել նախորդ իշխանությանը եւ այլն, փաստ է: Կարծում եմ՝ չի կարելի այդ ամենը մոռանալ, կառչել այդ մի խոսքից ու կոխել մարդուն ցեխը: Կոպիտ ասած, ինչքան կոխեցին, բավական է: Կարծում եմ՝ մյուս անգամ չի անի (ծիծաղում է)»,- ասաց նա:

Սերգեյ Դանիելյանը հավանական է համարում, որ Մարությանի արած արտահայտությունները անհետեւանք չեն մնա: Ըստ նրա՝ առաջիկա ընտրություններից առաջ սա կարող է ազդել նրա վարկանիշի վրա: Դանիելյանն ընդգծում է, որ, եթե Մարությանը պատրաստ չէ իրեն համապատասխանեցնել նոր կարգավիճակին, ապա ավելի լավ է՝ մնա արվեստում:    

«Կարծում եմ, ցավոք, կարող է ազդել, բայց չէի ուզի: Քաղաքականությունն այնպիսի կեղտոտ բան է.... ես այդ պատճառով երբեք չեմ մտնում դրա մեջ, որովհետեւ միշտ ինչ ուզել, ասել եմ: Ես էլ կարող է այդպիսի բան ասեի, բայց ես չեմ մտնում քաղաքականություն, որովհետեւ գիտեմ, որ չեմ կարող փոխվել: Եթե հասկանում է, որ չի կարող փոխվել ու այսպես «ափռ-ցփռ» ամեն ինչ կարող է ասել, ուրեմն թող մնա արվեստի դաշտում: Այստեղ մենք նրան շատ սիրում, հարգում ենք: Հուսամ՝ առանձնապես չի ազդի, շատ ափսոս կլինի, որ ապուշ խոսքի համար, որը չափված-ձեւած չէր, մարդու կարիերան փչանա»,- ասաց նա:

Միաժամանակ Դանիելյանը Մարությանին քաղաքապետի նորմալ թեկնածու է համարում: Նշում է, որ ճանաչում է նրան որպես պրոդյուսեր: Գիտի, որ կառավարման, կազմակերպչական փորձ ունի ու իր աշխատանքում բարեխիղճ է: Կարծում է, որ նույն ոգով կարող է աշխատել նաեւ քաղաքապետի պաշտոնում:

«(Խմբ. որպես թեկնածո՞ւ) նորմալ է: Նա շատ լավ պրոդյուսեր է: Նրան ճանաչում եմ որպես տնտեսվար: Պարզ է՝ հասարակությունը նրան ճանաչում է որպես Կարգին Հայկո, որպես դերասան, բայց նրան որպես պրոդյուսեր, որպես գործի կազմակերպիչ, ստեղծագործական աշխատանքի կազմակերպիչ եւ բարեխիղճ աշխատող տեսնում եմ նաեւ բարեխիղճ չինովնիկի դերում: Դեռ ավելին, ես միշտ երազել եմ, որ քաղաքապետը գործի գա հեծանվով (ծիծաղում է)»,- ասաց նա:

Հայկ Մարությանը ելույթի արձագանքներից հետո պարզաբանել է իր արած արտահայտությունները: Նշել է, որ ինքը անթերի չէ եւ որ պետք է ավելի հստակ ձեւակերպեր իր ասելիքը, որպեսզի տարընթերցումներ չլինեին: Նաեւ պարզաբանել է՝ ում է համարում սեւ ուժեր:

«Ու, այո՛, բոլոր այն ուժերը, որոնք տարիներ շարունակ բռնացել են ու դեռ փորձելու են բռնանալ ժողովրդի ազատության եւ արժանապատվության վրա, խաբել ժողովրդին, կանխել վերջինիս առաջընթացն ու հաջողությունը, սեւ ուժեր են, եւ ես անձամբ իմ պարտքն եմ համարել եւ համարում անել ամեն ինչ, որպեսզի նրանք այլեւս երբեք չկարողանան դա անել»,- գրել է նա՝ ավելացնելով, որ Հայաստանում կա միայն 1 սուբյեկտ, որի դեմ խաղ չկա, դա ժողովուրդն է։

Երեւանի ավագանու արտահերթ ընտրությունները կայանալու են սեպտեմբերի 23-ին: Մասնակցելու քաղաքական 13 ուժ՝ 4 դաշինք, 9 կուսակցություն:

Տպել
13235 դիտում

Էրեբունու 10/36 ընտրատեղամասում մեծ առավելությամբ առաջատարն է «Իմ քայլը» դաշինքը. նախնական արդյունք

Ժամը 20-ի դրությամբ դրությամբ Երեւանի ավագանու արտահերթ ընտրություններին մասնակցել է ընտրողների 43.65%-ը

Դավիթաշենում «Իմ քայլը» դաշինքը 77.88 տոկոս է հավաքել. նախնական արդյունքներ

Երեւանի ավագանու արտահերթ ընտրությունների արդյունքներին կարող եք հետեւել օն-լայն ռեժիմով, ժամը 24-ից ԿԸՀ հաշվիչը կմիանա

Ավան վարչական շրջանի 1/09 տեղամասում սկսվեց ընտրությունների արդյունքների հաշվարկը

Նախկին ոստիկանապետ Վլադիմիր Գասպարյանը չի մասնակցել ընտրություններին

Օրվա ընթացքում կրկնակի քվեարկության ընդհանուր առմամբ 16 դեպք է գրանցվել, գաղտնիության խախտման՝ 7

Ո՞վ կդառնա քաղաքապետ. Երեւանի ավագանու արտահերթ ընտրություններն ավարտվեցին

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան

Չգիտեմ՝ ինչ պատմություն է, բայց համատարած չէ. ՀՅԴ շտաբի ղեկավարը՝ իրենց անդամներին գումար տալու մասին

17։00-ի դրությամբ Երեւանի ավագանու արտահերթ ընտրություններին մասնակցել է ընտրողների 34.72%-ը։

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում