Քոչարյանը Հովիկ Աբրահամյանի համար տեսականորեն կարող է լինել կոնսոլիդացիոն կենտրոն

Չնայած, որ ՀՀ նախկին վարչապետ Հովիկ Աբրահամյանը ֆեյսբուքյան իր էջում Արցախ կատարած այցից լուսանկար էր հրապարակել ու նշել, որ ինքն ԱՀ է մեկնել Արցախի Հանրապետության ղեկավարության հրավերով, այնուամենայնիվ, ԱՀ նախագահ Բակո Սահակյանի մամուլի խոսնակ Դավիթ Բաբայանը մեր զրույցում տեղեկացրեց, որ չգիտի՝ ում հրավերով է Աբրահամյանը մեկնել.

«Ինչքանով ես տեղյակ եմ՝ հրավեր, որպես այդպիսին, չի եղել: Հայաստանից նախագահի աշխատակազմը, ԱԺ աշխատակազմն ու կառավարության աշխատակազմը պատվիրակության ցուցակ են ուղարկում եւ մենք հաստատում ենք: Հայաստանից են որոշում՝ պատվիրակության կազմում ով լինի: Դրա համար էլ հատուկ հրավեր, կարծես թե, չի եղել»:

«Հայկական ժամանակ»-ի դիտարկմանը, որ Աբրահամյանն ինքն է նշել Արցախի ղեկավարության հրավերի մասին, Դավիթ Բաբայանը պատասխանեց. «Ես տեղյակ չեմ, եւ ընդհանրապես այսպիսի միջոցառումները միշտ էլ բաց են եղել: Այս անգամ էլ ներկա էին ՀՀ նախագահը, ԱԽ քարտուղարը, փոխվարչապետը, պատգամավորներ»,- ասաց Դավիթ Բաբայանը:

Քաղաքագետ Ստյոպա Սաֆարյանը կարծում է, որ Արցախ մեկնելը, երեւալը ավելի շատ Հովիկ Աբրահամյանի նախաձեռնությունն է եղել.

«Գիտեք, չես կարող արգելել, մարդը Հայաստանի Հանրապետության քաղաքացի է, չես կարող ասել՝ ինչո՞ւ ես ուրախ Արցախի անկախության համար: Բայց սա ինչ-որ բանի նշան կարող է լինել: Բոլոր դեպքերում Հովիկ Աբրահամյանը քաղաքական դաշտում չի երեւացել, նախընտրել է լռել այն պահից հետո, երբ նրան հանեցին վարչապետի պաշտոնից»,- ասաց քաղաքագետը՝ հավելելով, որ դեռեւս պարզ չէ՝ Հովիկ Աբրահամյանն ինչ պլաններ, ինչ մոտիվացիաներ ունի քաղաքականություն վերադառնալու հետ կապված:

Քաղաքագետը նշում է, որ Աբրահամյանի՝ Արցախ մեկնելն ինչ-որ տեղ կարող ենք կապել Ռոբերտ Քոչարյանի կամ Սերժ Սարգսյանի հետ. «Նախկին իշխանության մեջ եղած մարդիկ այսօր ակնհայտորեն կփորձեն ակտիվանալ: Հատկապես, եթե հարուցված քրեական գործեր կան, իսկ Հովիկ Աբրահամյանի հետ կապված քրեական գործ կա»,- ասաց Սաֆարյանը:

Վերջինիս կարծիքով՝ բոլորը, ոչ թե հանուն Արցախի ու Հայաստանի Հանրապետության, այլ իրենց համար, իհարկե կնախընտրեն միավորվել, գուցե Հովիկ Աբրահամյանն էլ Ռոբերտ Քոչարյանին տեսնի որպես կոնսոլիդացիոն կենտրոն. «Կարող է, տեսականորեն, պրակտիկորեն կարող է Քոչարյանը Աբրահայանի համար լինել կոնսոլիդացիոն կենտրոն»,- մեր զրույցում ասաց քաղաքագետ Ստյոպա Սաֆարյանը:

Նույն կարծիքին է նաեւ Արցախի Հանրապետության ԱԺ պատգամավոր Հայկ Խանումյանը: Վերջինս նշեց, Աբրահամյանի այցը շատ նորմալ է, եւ որ սեպտեմբերի երկուսին միշտ տարբեր պատվիրակություններ են մեկնում Արցախ, այդ թվում նաեւ նախկին պաշտոնյաներ. «Դուք նշեցիք Հովիկ Աբրահամյանի անունը: Նա այստեղ էր թե որպես ԱԺ նախկին նախագահ եւ թե որպես նախկին վարչապետ: Ինչ-որ առանձնահատուկ բան չկա: Գուցե առանձնահատկություն հաղորդում է այն, որ Հովիկ Աբրահամյանի եւ իր եղբոր անունը սկսեցին շրջանառվել վերջերս՝ կապված քրեական գործերի հետ: Միգուցե այդ համատեքստում Արցախ այցելելը ինչ-որ սուր բնույթ է հաղորդել: Բայց նախկին պաշտոնյաների այցերը սովորական երեւույթ են»,- ասաց Խանումյանը:

Արցախի ԱԺ պատգամավոր Հայկ Խանումյանը «Հայկական ժամանակ»-ի հետ զրույցում անդրադարձավ նաեւ Արցախի ու Հայաստանի ներքաղաքական կյանքին: Պատգամավորը նշեց, որ Արցախի քաղաքական դաշտում ամառը բավականին բուռն էր՝ հագեցած տարբեր ակցիաներով ու հանրահավաքներով. «Այսօր ապակենտրոն հանրային, ո՛չ քաղաքական ճնշումներ են շարունակվում: Մարդիկ ցանկանում են ինչ-որ խնդիրներ լուծել, դրա համար օգտագործում են հանրային ճնշման մեթոդները: Ասենք՝ ճանապարհ են փակում, ես լսել եմ, որ ինչ-որ համայնքներում գյուղապետերի են հեռացրել եւ այլն»,- ասաց Խանումյանը:

Ինչ վերաբերում է բուն քաղաքական դաշտին՝ Խանումյանի խոսքով այստեղ վերադասավորման շրջան է. «Նոր կուսակցություններ են առաջանում, հին կուսակցությունները փորձում են ճշտել, ուժեղացնել իրենց կառույցները: Եւ կարծում եմ, որ բոլորն էլ պատրաստվում են պայքարի, որովհետեւ առաջիկայում 2019 թվականին ՏԻՄ ընտրություններ են, ապա 2020 թվականին խորհրդարանական ընտրությունները: Հետեւաբար՝ հիմա վերադասավորումների փուլ է: Մեր կուսակցությունն էլ որդեգրել է ակտիվ ակցիաների քաղաքականությունը, փոխում ենք մեր մարտավարությունը, հանդիպումներ ենք ունենում տարբեր համայնքներում եւ այլն»,- նշեց պատգամավորը:

Հայկ Խանումյանը մեր զրույցում ասաց, որ Արցախում, իհարկե, տարբեր հանդիպումներում մարդիկ քննարկում են հայաստանյան վերջին զարգացումները. «Տեսնում ենք, որ մեծ անհանգստություն կա Հայաստանում տիրող իրավիճակի մասին: Շատերը չեն փորձում հանգուցալուծում տեսնել, բայց, համենայնդեպս, կարծում եմ, որ այդ առումով Հայաստանի իշխանությունները պետք է իրենց մարտավարությունը փոխեն եւ բավականին ոչ նշանակալի, բայց խիստ աղմկոտ գործերին այդքան մեծ ուշադրություն չդարձնեն, որոնք կարող են նաեւ որոշակի հետեւանքներ թողնել տարբեր շրջանակների վրա՝ տրամադրությունների առումով»,- «Հայկական ժամանակ»-ի հետ զրույցում ասաց Արցախի ԱՀ պատգամավոր Հայկ Խանումյանը:

Տպել
4007 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին