Ի՞նչ նպատակ էր հետապնդում «Վերադարձ հայրենիք» սադրանք-ակցիան

Լուսանկարում՝ «Վերադարձ հայրենիք» ակցիայի մասնակիցները

Սեպտեմբերի 1-ին «Վերադարձ հայրենիք» ակցիայի շրջանակներում մի խումբ ադրբեջանցիներ նախատեսել էին Բարդա–Ակնա ավտոմայրուղով անցնել արցախա-ադրբեջանական շփման գիծը՝ այդպիսով բողոքելով իշխանությունների՝ «Ղարաբաղը վերադարձնելու» անկարողության դեմ: Ակցիան մի քանի օր առաջ նախաձեռնել էր նախկինում Աղդամի շրջանի բնակիչ Ջամալ Ահմեդովը: 66-ամյա Ահմեդովը Ֆեյսբուքյան տեսաուղերձում իր էջում նշել էր, թե իբր ծանր հիվանդ է եւ ցանկանում է կյանքի վերջին շրջանն անցկացնել հայրենի գյուղում: Նա պատրաստվում էր հատել սահմանը «սպիտակ դրոշով, բարձրացրած ձեռքերով» եւ գնալ ու ապրել այն տանը, որտեղ ծնվել է»: Ահմեդովը հրավիրել էր բոլոր ցանկացողներին միանալ իրեն եւ «վերադառնալ հայրենիք»:

Ըստ ադրբեջանական մամուլի՝ ակցիայի մասնակիցների թվում էին ազգային-դեմոկրատական շարժման ակտիվ մասնակիցներ, ինչպես նաեւ «Ղարաբաղի ազատագրման կազմակերպության» առաջնորդ Ակիֆ Նաղին: Ակցիայի մասնակիցները պատրաստ էին «անգամ կյանքի գնով վերադառնալ հայրենի տները»:

Ակցիայի մասնակիցներին թույլ չեն տվել անգամ մոտենալ շփման գծին: Ադրբեջանի ոստիկանությունը բերման է ենթարկել ակցիայի մասնակիցներին, ապա, որոշ ժամանակ անց ազատ արձակել:

Հայ գործիչների կողմից ակցիան որակվեց որպես սադրանք: Արցախի նախագահի խորհրդական Տիգրան Աբրահամյանը Armenia TV-ի հետ զրույցում նշել էր, որ իբրեւ թե հուսահատ մարդկանց արկածախնդիր քայլի հնարավոր հետեւանքներով Ադրբեջանը պատրաստվում է արդարացնել իր ծրագրած ռազմական գործողությունները: Հայկական դիրքերին մոտենալուց առաջ այդ մարդիկ պետք է անցնեն ադրբեջանական դիրքերը, իսկ առանց Ադրբեջանի իշխանությունների իմացության ոչ մի քաղաքացի նման քայլ չէր նախաձեռնի: 

Ակցիային անդրադարձել էր նաեւ Արցախի ՊԲ մամուլի քարտուղար Սենոր Հասրաթյանը: Նա իր ֆեյսբուքյան էջում գրառում էր կատարել, որում սադրանք էր որակել ակցիան եւ զարմանքն արտահայտել առ այն, որ «բանականությունն ավելի ուժեղ գտնվեց, քան մարդկանց մոլորության մղած զգացականությունը»:  

«Սադրանքը կանխվեց ոչ այլ ում, քան հենց նրանց կողմից, որոնք նախաձեռնել էին այդ հիմարությունը: Կատարվածից կարելի է եզրակացնել, որ ի զարմանս մեզ, բանականությունն ավելի ուժեղ գտնվեց, քան մարդկանց մոլորության մղած զգացականությունը: Հակառակ դեպքում ադրբեջանական կողմը հերթական անգամ կարող էր հայտնվել աննախանձելի վիճակում», - գրել էր Հասրաթյանը:

Ելնելով նրանից, որ ակցիան «կանխվեց» տեղեկատվական առումով ֆիասկոյից (դրա վերաբերյալ տեղեկատվությունը դուրս չեկավ հայկական եւ ադրբեջանական մեդիա տիրույթից) հետո՝ չի կարելի բացառել, որ դրա տապալման պատճառներից մեկը տեղեկատվական ոչ պատշաճ աջակցությունն էր: Այլ կերպ ասած՝ մեծ աղմուկ չբարձրացավ:

Ակցիային նախորդող օրերին Տիգրան Աբրահամյանը «ՀԺ»-ի հետ զրույցում նշել էր, որ վերջին օրերին ադրբեջանական կողմում նկատվում է որոշակի ակտիվություն: Նա նաեւ հայտնել էր, որ ադրբեջանական կողմը փորձում է սահմանի տարբեր ուղղություններով ներթափանցման հնարավորություններ ստեղծել, իսկ այս ամառվա ընթացքում տեղ գտած մի քանի դեպքերում հայկական կողմը բավականին վաղ փուլում ֆիքսել է հակառակորդի առաջխաղացումը եւ կանխել: Ստեղծված իրավիճակը հուշում է, որ, ամենայն հավանականությամբ, ակցիայի իրական կազմակերպիչը Ահմեդովը չէ, իսկ դրա նպատակը ոչ թե «տուն վերադառնալն» է, այլ դիվերսիոն «այլընտրանքային» ճանապարհ գտնելը եւ իրավիճակն առավել ապակայունացնելը:

Տպել
6144 դիտում

20-ամյա կնոջը ծեծելով մահվան հասցնելու մեջ մեղադրվող ամուսինը կալանավորվել է

Խիտ մառախուղի պատճառով Վարդենյաց լեռնանցքը դժվարանցանելի է

Երթևեկության կազմակերպման փոփոխություն Երևանի Դավիթ Բեկ-Հունան Ավետիսյան փողոցների խաչմերուկում

Մարտունիում ՔՊ ակտիվիստները փակել են Երևան-Վարդենիս-Մարտակերտ ճանապարհը՝ ռեյտինգային ցուցակի դեմ բողոքի համար

WikiLeaks-ի հիմնադիր Ջուլիան Ասանժի դեմ դատական հայց է ներկայացվում՝ լրտեսության մեղադրանքով

Գրոսմայստեր Լիլիթ Գալոյանը դատի է տվել Հայաստանի շախմատային ֆեդերացիային

Լարսի անցակետը փակ է բոլոր ավտոմեքենաների համար, Հայաստանում կան դժվարանցանելի ճանապարհներ

Աննա Հակոբյանն այցելել է բուժում ստացող երեխաների նկարների ցուցահանդես (լուսանկարներ)

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում