Մեր աշխատանքի հիմնական գնահատողը քաղաքացին է. Թանդիլյանը հանդիպել է ապագա սոցաշխատողներին

ՀՀ աշխատանքի և սոցիալական հարցերի նախարար Մանե Թանդիլյանն այսօր Երևանի պետական համալսարանում էր։ Նախարարին հյուրընկալել էին ոլորտին ամենամոտ կանգնած մասնագիտություններից մեկի ներկայացուցիչները՝ ապագա սոցիալական աշխատողները։

Նախարարության հասարակայնության հետ կապերի բաժնի փոխանցմամբ, նախարարը ողջունեց ուսանողներին նոր ուսումնական տարվա կապակցությամբ` նշելով, որ Սոցիոլոգիայի ֆակուլտետի սոցիալական աշխատանք և սոցիալական տեխնոլոգիաներ բաժինը ռազմավարական նշանակություն ունի սոցիալական ոլորտի և սոցիալական ծառայությունների զարգացման գործում, ապա կոչ արեց հարգել ու գնահատել իրենց ընտրած մասնագիտությունը։

Մանե Թանդիլյանը ուսանողներին ներկայացրեց ոլորտում առկա հիմնական խնդիրները, խոսեց սոցիալական աշխատանքի օրենսդրական կարգավորման անհրաժեշտության և դաշտում աշխատողների մասնագիտական կրթության խնդիրների մասին։ Նա նշեց՝ ոլորտը նոր հայացքների, նոր մոտեցումների ու նոր տեսլականի կարիք ունի, իսկ մարդակենտրոն այս մասնագիտություն ստացող ուսանողները հենց այն գործընկերներն են, որ պետք են պետությանը դաշտը զարգացնելու համար։

«Աշխատանքի և սոցիալական հարցերի նախարարությունը մեր երկրի հայելին է։ Մեր աշխատանքի արդյունքում է հաճախ մարդը որոշում որտեղ ապրել, ինչպես գործել։ Ու մեր աշխատանքի հիմնական գնահատողն էլ հենց այդ քաղաքացին է, ով դժվարին իրավիճակից դուրս գալու համար աջակցության կարիք ունի։ Այստեղ է, որ մենք պետք է միասնական թիմ դառնանք ՝ ճիշտ և հասցեական լուծումներ տալու մեր քաղաքացիների խնդիրներին»,- նշեց նախարար Մանե Թանդիլյանը։

Նախարարին ոլորտին առնչվող իրենց հարցերն ուղղեցին ինչպես ուսանողները, այնպես էլ դասախոսական կազմի ներկայացուցիչները։ Ներկաներին հետաքրքրում էր ոլորտի բարեփոխումների վերաբերյալ նախարարի մոտեցումներն ու այն դերակատարությունը, որ կարող է ունենալ սոցիալական աշխատողի մասնագիտություն ընտրած այսօրվա և վաղվա շրջանավարտը։

«Ես ակնկալում եմ, որ դուք կլինեք ակտիվ ու անկաշկանդորեն կբարձրաձայնեք ձեր մոտեցումների մասին։ Ոչինչ քարացած չէ։  Ոլորտում աշխատողները ինձ հաճախ են պատասխանում՝ օրենքն այսպես է թելադրում։ Ես միշտ հիշեցնում եմ, որ այդ օրենք մշակողն էլ ենք մենք։ Մեր գործունեության հիմքում պետք է լինի մարդը։ Օրենքը միայն գործիք է, որ պետք է օգտագործենք ի նպաստ մարդու»,- նշեց Մանե Թանդիլյանը։

Ուսանողների հետ հանդիպումից հետո նախարարը նաև կարճ աշխատանքային քննարկում ունեցավ սոցիալական աշխատանք և սոցիալական տեխնոլոգիաներ բաժնի դասախոսական կազմի հետ։ Հանդիպմանը ներկա էր նաև ԵՊՀ պրոռեկտոր Ռուբեն Մարկոսյանը։ Ներկաները քննարկեցին ոլորտին առնչվող խնդիրները, ԵՊՀ-ի և նախարարության համագործակցության դերը այդ խնդիրների լուծման գործում։

ԵՊՀ սոցիոլոգիայի ֆակուլտետի դեկան, պրոֆեսոր Արթուր Մկրտիչյանը հավաստիացրեց՝ ֆակուլտետը պատրաստ է առաջարկել իր փորձագիտական ողջ ներուժը՝ ի նպաստ սոցիալական ոլորտում իրականացվող բարեփոխումների։ «Մեր ֆակուլտետի և նախարարության համագործակցությունը փոխշահավետ է և առաջիկայում վստահ եմ այդ գործընկերությունը ավելի արդյունավետ, ավելի ակտիվ ու առարկայական կդառնա»,- նշեց դեկանը։ Նախարարն էլ առաջարկեց լրամշակել նախկինում ստորագրված համագործակցության հուշագիրը՝ դարձնելով այն առավել բազմակողմանի և գործնական։

Տպել
601 դիտում

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ

Նախագահի նստավայրը Մաշտոցի 47 հասցեից տեղափոխվելու է Բաղրամյան 26. ԱԺ-ն քվեարկեց

Պլյուշչենկոն օրերս 3-րդ անգամ Երեւանում կներկայացնի Սառույցի արքաներ շոուն. կլինի պրեմիերա

ԱՀԿ-ում ներկայացվել է «ԵԱՏՄ-ում ՀՀ անդամակցության մասին» համաձայնագիրը

Ամերիկահայությունը մեր ամենակազմակերպված համայնքներից մեկն է. Բակո Սահակյան

Փաշինյանի որոշմամբ ստեղծվում է Գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողով

Սահակաշվիլին իրեն ընչազուրկ է անվանել

Վաշինգտոնում ամերիկահայ գործարարները աջակցում են միմյանց բիզնեսներին

Մնացականյանը Եվրոպայում ներկայացրել է ՀՀ-ում բարեփոխումների ուղղությամբ շոշափելի ձեռքբերումները

Տնտեսական ակտիվությունը աճել է 3 տոկոսով, արդունաբերությունը՝ 8.1 տոկոսով

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում եւ Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250-ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները