Դա շանտաժ է. Ծառուկյանը՝ Մարտի 1-ի դեպքերին իր թիկնապահների մասնակցության մասին

Գագիկ Ծառուկյանը կարծում է, որ բարոյական չէ, երբ լրագրողները հետաքրքրվում են ԲՀԿ-Քոչարյան հնարավոր համագործակցության մասին: Նա որպես հիմնավորում նշում է այն, որ ԲՀԿ-ն այս պահին համագործակցում է նոր կառավարության հետ:

«Այսօր կառավարության մաս ենք, բարոյական չէ նման հարցեր ինձ տալը: Եթե մենք չհամագործակցեինք, ապա կարող էիք այդ հարցը մեզ տալ, բայց ես մտածել եմ, որ դուք կպատկերացնեք ու ինձ նման հարց չեք տա»,- ասաց նա եւ անդրադառնալով առաջիկայում սպասվող խորհրդարանական ընտրություններին՝ նշեց.

«Երբ լինի՝ այն ժամանակ էլ կորոշենք, բայց այսօր մենք համագործակցում ենք նոր կառավարության հետ: Հարաբերությունները շատ լավ են, ջերմ են»:

Հարցին՝ Քոչարյանի կողմից համագործակցության առաջարկ եղե՞լ է, Ծառուկյանը սրտնեղեց. «Ես այն մարդը չեմ, որ համագործակցության առաջարկ լինի, քանի որ աշխատում ենք նոր կառավարության հետ: Մեր թիմային հարաբերությունները շատ լավ են, եթե խնդիրներ էլ լինում են, շտկում ենք»:

Խոսելով Քոչարյանին առաջադրված մեղադրանքի մասին, Ծառուկյանն ասաց, որ գործը իրավական դաշտում է եւ չի ցանկանում մեկնաբանել: «Երբ կհայտարարվի, թե ինչու են ձերբակալել, ինչ խնդիր կա: Ես իրավական հարցերին չեմ պատասխանում»,- ասաց նա:

Լրագրողներից մեկը հետաքրքրվեց, որ մամուլի արխիվներում տեղեկություններ կան, որ Մարտի 1-ի դեպքերի ժամանակ նաեւ իր անվտանգության աշխատակիցներն են հարձակվել խաղաղ ցուցարարների վրա, Ծառուկյանը ջղաձգված պատասխանեց. «Ով այդպիսի բան է ասում, անբարոյական ընտանիքի մարդ է: Ես թույլ չեմ տա, որ ժողովրդի մատը փուշ մտնի: Դա շանտաժ է Ծառուկյանին: Եթե Ծառուկյանը Մարտի 1-ի հետ կապ ունի, թող հրապարակում գնդակահարեն»:

ՀԺ-ի դիտարկմանը, որ Մարտի 1-ի գործի շրջանակներում ԱԱԾ-ն զենք զինամթերք է հայտնաբերել իր խնամու՝ նախկին վարչապետ Հովիկ Աբրահամյանի առանձնատանը, Գագիկ Ծառուկյանն առաջարկեց այդ հարցերով դիմել Աբրահամյանին:

ՀԺ-ի մյուս հարցին՝ մտավախություն չունի՞, որ ԱԱԾ-ն իր բիզնեսներում էլ ստուգումներ կիրականացնի, Ծառուկյանը պատասխանեց, որ նախորդ իշխանությունները 10 տարի շարունակ ստուգել են ու ոչինչ չեն հայտնաբերել:

Դիտարկմանը, որ ԲՀԿ-ն միշտ պայմանավորվածությունների մեջ է եղել նախկին իշխանությունների հետ, մասնավորապես, Սերժ Սարգսյանին է սատարել 3-րդ անգամ իշխանությունը ստանալու համար, Ծառուկյանն արձագանքեց. «Ծառուկյանի կառույցները մասկեքով ու ավտոմատներով են ստուգել»:

Տպել
5051 դիտում

Ովքեր են Երեւանի ավագանու կազմ անցած «Իմ քայլը» դաշինքի 57 անդամները

Պուտինը հայտնել է Ասադին С-300 համակարգերի մատակարարման մասին

Արցախն անկախության նույնքան իրավունք ունի, որքան ՀՀ-ն, Բելառուսը եւ Ադրբեջանը. Շարմազանով

Տոնոյանը Մուրացանի հոսպիտալում այցելել է վիրավորված զինծառայող Արթուր Գեւորգյանին

«Մանկական եվրատեսիլում» ՀՀ-ն կներկայացնի 12-ամյա L.E.V.O.N-ը

Իգոր Դոդոնը ժամանակավորապես հեռացվել է նախագահի պաշտոնից

Հարվածել են լրագրողի ձեռքին, օպերատորի ուսից քաշել․ Երեւանի ընտրություններում խախտվել են լրագրողների իրավունքները

Երթեւեկության փոփոխություն Կիեւյան և Սեբաստիայի փողոցների չկարգավորվող հետիոտնային անցումներ հատվածներում

Երեւանի ընտրություններին ցածր մասնակցության մասին փաստարկները, մեղծ ասած, ծիծաղելի են. վարչապետ (տեսանյութ)

ՕԵԿ-ը շնորհավորել է «Իմ քայլը» դաշինքին Երեւանի ընտրություններում հաղթանակի կապակցությամբ

Երեւանի ավագանու արտահերթ ընտրություններն ընդհանուր առմամբ անցել են լավ կազմակերպված. Բաբլոյան

Մենք հիմքեր չենք տեսնում նոր խորհրդարանական ընտրությունների. ՀՀԿ խմբակցության ղեկավար

Ի՞նչ հանդիպումներ ու քննարկումներ է ունեցել սփյուռքի նախարարը Լիբանանում․ այցն ավարտվեց

Քննարկում սկսելու որեւիցե խնդիր չունենք. Էնֆիաջյանը` Փաշինյանի հայտարարության մասին

Երեւանի ավագանու ընտրությունները տեղի են ունեցել ազատ ու արդար պայմաններում. ՀՅԴ ԳՄ

Երիտասարդ ազատոճայիններն աշխարհի առաջնությունից վերադառնում են 2 բրոնզով

Լոռու մարզի 3 համայնքում համայնքի ղեկավար կընտրեն

Վարչապետի խորհրդականը նշանակվել է «Հայաստան» համահայկական հիմնադրամի տնօրեն

Երեւանի ավագանու 65 մանդատից 57-ը կստանա «Իմ քայլը», 5-ը՝ ԲՀԿ-ն, 3-ը՝ «Լույս»-ը. նախնական

Ավազակային հարձակում «Առինջ մոլ»-ում. կասկածյալը հայտնաբերվեց