Երեւան-Արմավիր երթուղու խնդիրը առայժմ չի լուծվել.ՏԿՏՏ փոխնախարարը՝ հարցի կարգավորման մասին

Մեկ շաբաթ առաջ ՀԺ-ն անդրադարձել էր Արմավիր-Երեւան երթուղու հետ կապված խնդրին: Բանն այն է, որ կա Արմավիր-Երեւան երթուղուն զուգահեռ` գոյություն ունեն մեքենաներ` սպիտակ պետհամարանիշերով, որոնք ապօրինի սպասարկում են տվյալ գիծը: Այդ ապօրինի աշխատող մեքենաներն ազդում են ուղեւորահոսքի վրա:

Երեկ կառավարության շենքի դիմաց բողոքի ակցիա էին իրականացնում Արմավիր-Երեւան երթուղին սպասարկող «Գալակտիկա տրանս սերվիս» ընկերության վարորդներն ու տնօրեն Շուշանիկ Խաչատրյանը: Նրանք կառավարությունից պահանջում էին կարգավորել Արմավիր-Երեւան ուղղությամբ ուղեւորափոխադրումների պայմանները, միջոցներ ձեռնարկել, որպեսզի այս ուղղությունը սպասարկի միայն «Գալակտիկա տրանս սերվիս» ընկերությունը, ինչպես արձանագրվել է մրցույթում։

«Գալակտիկա տրանս սերվիս»-ի տնօրեն Շուշանիկ Խաչատրյանը լրագրողների հետ զրույցում նշել էր, որ ամեն օր երկու-երեք ավտոմեքենա է ավելանում։ Ավելանում են ռուսական համարներով, վրացական, սպիտակ, դեղին համարանիշերով ավտոմեքենաներ։ Դրանց ծագումնաբանությունը չգիտեն՝ որտեղից է, ինչ մեքենաներ են։ 35-36 մեքենա է աշխատում անօրինական։ Իսկ իր ընկերության վարորդները չեն կարողանում աշխատել, թույլ չեն տալիս ուղղակի աշխատել այդկերպ: Խաչատրյանը նաեւ նշել էր, որ 22 միկրոավտոբուս եւ 4 ավտոբուս ունեն։ Եւ ըստ հաղթած մրցույթի՝ այս երթուղին պետք է միայն իրենք սպասարկեին:

ՀԺ-ն զրուցեց տրանսպորտի կապի եւ տեղեկատվական տեխնոլոգիաների փոխնախարար Արմեն Փամբուխչյանի հետ պարզելու համար, թե ինչպե՞ս են պատրաստվում խնդիրը կարգավորել:

- Պարոն Փամբուխչյան, Երեւան-Արմավիր երթուղու հետ կապված խնդիրը դեռ կարգավորված չէ, տրանսպորտի նախարարությունը խնդրին լուծում տալ չի՞ կարողանում:

- Ես նախկինում էլ եմ նշել, երեկ էլ ցույցի ժամանակ եմ նշել, որ տվյալ խնդիրը ոչ թե պահային լուծում է, այլ շարունակական որոշակի միջոցառումների արդյունքում պետք է լուծվի: Որովհետեւ խնդրի լուծման բանալին նախկինում եղել է տրանսպորտի նախարարության ենթակայության տակ, դա եղել է տրանսպորտային տեսչությունը, որը հիմա լուծարվել է: Պետք է կարգավորվեն տեսչական մարմնի շրջանակները:

Քանի որ մենք չունենք այդ լծակը, մենք ՊԵԿ-ի եւ ոստիկանության միջոցով ենք իրականացնում որոշակի վերահսկողություն, որը տվյալ պահին արդյունք չի տալիս: Եթե նախկինում տեսչությունն ապօրինի մեքենան կանգնեցնում էր ու հենց այդ պահին ակտ էր գրում եւ այլ գործողություններ էր իրականացնում, հիմա այս գերատեսչությունները չունեն այդ լիազորությունները, դրա համար ինչ-որ համատեղ միջոցառումներ են իրականացնում:

Այսինքն՝ պետավտոտեսչությունը կանգնեցնում է մեքենան, ՊԵԿ-ը պետք է ակտավորի եւ այլն: Սա է խնդիրն ամբողջությամբ: Երթուղին սպասարկող «Գալակտիկա տրանս սերվիս»-ը նշում է, որ տվյալ երթուղիները ապօրինի են այդ գծի մեջ, դա մենք պետք է ուսումնասիրենք, հասկանանք: Մենք պետք է հասկանանք, թե որ կազմակերպությունն է իրականացնում տվյալ խախտումները, սա է հարցի էությունը:

- Փաստորեն, ստացվում է, որ պետությունը հարցին չի կարողանում լուծում տալ, ինչի արդյունքում կարող են տուժել Երեւան-Արմավիր երթուղուց օգտվողները, քանի որ «Գալակտիկա տրանս սերվիս» ընկերության վարորդները դժգոհություններ ունեն եւ բողոքի ցույցեր են իրականացնում անընդհատ:

- Ես համաձայն չեմ այդ մտքի հետ, ուղղակի ստեղծված իրավիճակը, որ մի մարմինը լուծարվել է, հիմա վերականգնվում է, դա է պատճառը, որովհետեւ երբ տեսչությունը աշխատել է, այդ հարցերը տվյալ պահին կարգավորվել են: Մենք վստահ ենք, որ նոր տեսչությունը, որը շուտով կսկսի գործել, նորից կունենա այդ նույն արդյունքները: Այսինքն, չեն լինի խախտումներ, իրենք անմիջական պրոֆեսիոնալներ են եւ իրականացնում են անմիջական տվյալ ստուգումները: Իրենք գիտեն՝ հարցին ինչպես մոտենալ:

Տպել
705 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին