Դեն Բիլզերյանի այցն Արցախ. Բաքուն Վաշինգտոնին բողոքի նոտա է հղել

05/09/2018 schedule13:58

Ադրբեջանի ԱԳՆ է կանչվել երկրում ԱՄՆ գործերի հավատարմատարը` կապված ամերիկահայ Դեն Բիլզերյանի` Արցախ կատարած այցի հետ. գրել է haqqin.az-ը: Այդ մասին հայտնել է Ադրբեջանի ԱԳՆ պաշտոնական ներկայացուցիչ Հիքմեթ Հաջիեւը:

Նրա խոսքով` դիվանագետին ԱՄՆ պետդեպարտամենտին հասցեագրված բողոքի նոտա է փոխանցվել, որում ասվում է, որ Դեն Բիլզերյանը, գտնվելով «օկուպացված տարածքներում», անօրինական գործողությունների է դիմել եւ կրակել զենքից: Բողոքի նոտայում ցանկություն են հայտնել, որպեսզի ԱՄՆ կառավարությունը հնարավորն անի, որպեսզի հետագայում ԱՄՆ քաղաքացիները զերծ մնան «օրենքի», «Ադրբեջանի տարածքային ամբողջականության» խախտումներից:

Ավելի վաղ հայտնի դարձավ, որ Ադրբեջանում քրեական գործ է հարուցվել հայտնի ամերիկահայ միլիոնատեր Դեն Բիլզերյանի Արցախ այցելելու վերաբերյալ եւ միջազգային հետախուզում հայտարարվել: Բաքուն այն համարում է «ապօրինի»: Նշվում է, որ Արցախում նա «ապօրինաբար ձեռք է բերել նռնակներ, հրացան եւ այլ հրազեն՝ ցուցադրաբար կրակ բացելով»: Բիլզերյանի դեմ քրգործ է հարուցվել Ադրբեջանի ՔՕ 228.3 եւ 318.2 հոդվածներով:

People ամսագրին տված հարցազրույցում Բիլզերյանը նշել է, որ Արցախ է այցելել մի խումբ անձանց հետ, սակայն միայն իր նկատմամբ է հետախուզում հայտարարվել: Ադրբեջանը դիմել է նաեւ Ինտերպոլ՝ Բիլզերյանին միջազգային հետախուզում հայտարարելու համար: Նա կարծում է, պատճառը իր հանրային կերպար լինելն է: «Կարծում են պատճառն այն է, որ ես հանրային կերպար եմ, իսկ ադրբեջանցիները փորձում են ինձ որպես օրինակ օգտագործել»,- հայտարարել է Բիլզերյանը:

Միեւնույն ժամանակ ԱՄՆ-ում ՀՀ գլխավոր հյուպատոսությունը կապ է հաստատել Ինտերպոլի հետ եւ կոչ արել մերժել Ադրբեջանի հարցումը, որպես քաղաքականապես մոտիվացված: Բիլզերյանն ասել է, որ մտադիր է դիմակայել մեղադրանքներին եւ հավելել է, որ այժմ կենտրոնացած է աշխատանքի վրա: «Ես մտադիր չեմ երբեւէ այցելել Ադրբեջան»,- հավելել է նա:

Դեն Բիլզերյանը Հայաստան է ժամանել օգոստոսի 27-ի վաղ առավոտյան: Նա ՀՀ քաղաքացիություն է ստացել եւ հաշվառման կանգնել ՀՀ ԶՈւ-ում: Երեւանից նա մեկնել է Արցախ: Արցախում նա հանդիպել է ուժայինների հետ եւ կրակել տարբեր զինատեսակներից, այդ թվում՝ նռնականետից: Բիլզերյանն Արցախ էր մեկնել հոր եւ եղբոր հետ: Նրանց հետ էր նաեւ Ռոբերտ Քոչարյանի կրտսեր որդին՝ Լեւոն Քոչարյանը:

Տպել
934 դիտում

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները

Որոշ մարդիկ անձնական խնդիրների պատճառով կարող են ստոր քայլի գնալ. Խաչատրյանը՝ թունավորված զեբրի մասին