Պնդումներ.  ՀԺԿ-ն կարող է հաղթել միայն լցոնումներով

05/09/2018 schedule15:45

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 3-ի համարում

Հարցազրույց Կենտրոնի թաղապետ Գագիկ Բեգլարյանի հետ:

- Պարոն Բեգլարյան, ասել էիք, թե ուրախ եք, որ ձեր հիմնական մրցակիցը ընդդիմության թեկնածու Ռուզան Խաչատրյանն է: Ինչո՞վ է պայմանավորված ձեր ուրախությունը: 

- Սովորաբար ընտրապայքարում չի ընկալվում միակ թեկնածու լինելը, եւ ես ինքս դեմ եմ, որ որեւէ թեկնածուին ալտերնատիվ չի առաջադրվում: Եւ եթե անգամ այս կամ այն թաղապետի աշխատանքը գնահատելով նրա դեմ թեկնածություն չեն առաջադրում, միեւնույն է, հասարակությունն առանց ալտերնատիվի ընտրությունը չի ողջունում: Բացի այդ, նման դեպքում բազմաթիվ են լինում շահարկումները, թե վախեցան, կամ այդ միակը իշխանության թեկնածուն էր: Այնպես որ, ես ողջունել եմ ընդամենն այն, որ ընտրությունների միայնակ չեմ գնալու: Եթե մենք հասնենք նրան, որ իսկապես պրոֆեսիոնալ սոցհարցումներ անցկացվեն եւ պարզվի, որ այս կամ այն թեկնածուն ունի այնպիսի վարկանիշ, որ նրա դեմ առաջադրվելն անիմաստ է, այդ դեպքում ես կնախընտրեի ընտրության գնալ մենակ: Այժմ ես ուրախ եմ, որ կան այլ թեկնածուներ, եւ ընտրողը կկարողանա համեմատության մեջ գնահատել թեկնածուներին՝ մեկի կատարածն ու մյուսների խոստումները:

- Ասել եք նաեւ, որ կնոջը հաղթելը ձեր հեղինակությանը որեւէ բան չի ավելացնի, ինչը ձեր հիմնական մրցակից Ռուզան Խաչատրյանը որակեց որպես տղայական մոտեցում:

- Ես նրա այդ գնահատականը վատ չեմ համարում եւ իսկապես կարծում եմ, որ կնոջը հաղթելը մեծ նվաճում չէ: Տղամարդը պետք է նաեւ տղայական, այդ բառի դրական իմաստով, մոտեցում էլ ունենա: Ի վերջո, հայ տղամարդու տեսակին ոչինչ չի ավելացնում կնոջ հանդեպ հաղթանակ տանելը: Այնպես որ, տիկին Խաչատրյանի որակումը, տրված տղամարդու իմ տեսակին, ես բացասական չեմ համարում:  

 - Պարոն Բեգլարյան, չնայած ընտրությունները դեռ առջեւում են, սակայն մեկ ամիս առաջ արդեն շտապեցիք վերանորոգել ձեր աշխատասենյակը: Շատերի կարծիքով դա հոգեբանական ճնշում էր Կենտրոն համայնքի ընտրողների վրա...

- Մայիս ամսին ես հրավեր ստացա Բուդապեշտի Կենտրոնի քաղաքապետի կողմից, եւ երբ պարզ դարձավ, որ պարոն Պալ Շտեյները նաեւ Հունգարիայի խորհրդարանի պատգամավոր է եւ Հայոց ցեղասպանության ճանաչման մասին որոշման նախագծի հեղինակ, ես ընդունեցի այդ հրավերն ու ինքս փոխադարձ այցով Պալ Շտեյներին հրավիրեցի Երեւան: Եւ քանի որ օգոստոսին նա պետք է լիներ Երեւանում, ես ընդամենն աշխատել եմ նման հյուրին ընդունել պատշաճ վերանորոգված աշխատասենյակում, եւ վերանորգման հիմնական պատճառը եղել է դա: Իսկ եթե վերանորոգումը համընկել է ընտրության հետ, դա ընդամենը պատահականություն է: Եթե անգամ այդ վերանորոգումը որոշների կողմից PR ակցիա է դիտվել, որ թեկնածուն վստահ է իր ուժերի մեջ, այդտեղ եւս ոչ մի վատ բան չկա: 

- Արդեն իսկ տեղեկություններ կան, որ ձեր հիմնական մրցակից Ռուզան Խաչատրյանի քարոզարշավին մասնակցելու են Կենտրոնի մտավորականության որոշ խմբեր, ինչպես նաեւ իրացման գոտիների բնակիչները, որոնք վտարվել են իրենց բնակարաններից եւ որոնցից մեկն էլ Ռուզան Խաչատրյանն է: 

- Ես չգիտեմ մտավորականության այդ ո՞ր խումբն է սատարելու Ռուզանին, բայց ցանկացած ոք ինքն է որոշում իր նախապատվությունը: Կարծում եմ, տիկին Խաչատրյանը մի քիչ շտապել է մտավորականությանը սեփականաշնորհելով: Երբ կմեկնարկի քարոզարշավը, Կենտրոնի մտավորականությունը, առանց որեւէ միջնորդների, իր խոսքը կասի: Իսկ ինչ վերաբերում է իրացման գոտիների բնակիչներին, ապա ի  տարբերություն Ռուզանի, Հյուսիսային պողոտայի բնակիչները շատ լավ գիտեն, որ Բեգլարյան Գագիկն իրենց միայն օգնել է եւ որեւէ կերպ չի խառնվել այդ հարցերին ու չէր էլ կարող խառնվել, որովհետեւ այդ ծրագիրը թաղապետարանի կամ թաղապետի հետ ոչ մի առնչություն չունի: Ի դեպ, որքան գիտեմ, տիկին Խաչատրյանը, որպես Կենտրոնի բնակիչ, պայմանագիրը կնքել է, խրախուսման գումարը, ինչպես նաեւ փոխհատուցման գումարն ու այդ գումարի 3 տոկոս հավելավճարը, ստացել է եւ որեւէ բողոք չի ունեցել:

- ՀԺԿ թեկնածուի ծրագրերի մեջ է մտնում նաեւ ձեզ ուղիղ եթերով երկխոսության հրավիրելը: Պատրա՞ստ եք ընդունելու այդ առաջարկը:

- Մեծ հաճույքով, սակայն Ռուզան Խաչատրյանի վերջին հրապարակային ելույթներից ինձ համար պարզ դարձավ, որ նա որեւէ պատկերացում չունի տեղական ինքնակառավարումից: Ես իր հետ լրագրողական ոլորտում մրցել չեմ կարող, բայց եւ չեմ պատրաստվում բանավիճել մեկի հետ, որը տարրական պատկերացում չունի համայնքի խնդիրներից: Ես չեմ հասկանում, թե մենք ինչի՞ շուրջ պետք է բանավիճենք, եթե ի սկզբանե տիկին Խաչատրյանն ամենուր հայտարարում է, որ ընտրությունները Կենտրոնում կեղծվելու են, իշխանությունները ուժ եւ բռնություն են կիրառելու: Մինչդեռ, ես շատ կուզենայի լսել համայնքի, այս մեծ տնտեսության հետ կապված նրա ծրագրերը, եւ միայն դրանից հետո, եթե ինձ համար պարզ դառնա, որ նա տեղական ինքնակառավարման ոլորտում գոնե նվազագույն գիտելիքներ ունի, պատրաստ եմ ցանկացած բանավեճի:

Ես գնահատում եմ լավ ծրագրերն ու գաղափարները, ու եթե տիկին Խաչատրյանն ունենա այդպիսիք, վերընտրվելուց հետո ես դրանցից կաշխատեմ օգտվել: Իսկ ընդհանրապես, որքան ես հասկանում եմ, Ռուզան Խաչատրյանը քաղաքականացված թեկնածու է, մինչդեռ թաղապետի պաշտոնը  քաղաքական չէ, եւ այն քաղաքականացնելն անթույլատրելի է: Երբ ես համայնքում որեւէ աշխատանք եմ կատարում, վերանորոգում եմ շենքերի շքամուտքերը կամ դռները, ես քաղաքական ընտրություն չեմ կատարում, թե սա Գեղամյանի շենքն է, սա Դեմիրճյան Ստեփանի կամ Ռոբերտ Քոչարյանի բարեկամինը: Իսկ երբ տիկին Խաչատրյանը հայտարարում է, թե վերանորոգվել են շենքերի միայն առաջին հարկերը, եթե նա պատկերացում ունենար այն ոլորտից, որտեղ թեկնածու է առաջադրվել, պետք է իմանար, որ տրամադրված հատկացումները բավարարել են համայնքի բոլոր 800 շենքերի միայն շքամուտքերն ու դռները վերանորոգելու համար: Մնացած հարկերի վերանորոգումները կկատարվեն հաջորդ տարվա հատկացումներով:

Իսկ եթե իրենք ուզում են թաղապետի պաշտոնը քաղաքականացնել ու եթե գնալու ենք քաղաքական պայքարի, ապա իմ հանդիպումը ոչ թե Ռուզանի, այն նրա կուսակցության առաջին դեմքերի հետ է լինելու. նրանց հետ ցանկացած բանավեճի ես պատրաստ եմ:

- ՏԻՄ ընտրություններում նախադեպ չի եղել, որ մրցակից թեկնածուներից մեկը լինի կին: Ձեր վերաբերմունքը առաջադրված տղամարդ թեկնածուի եւ կին թեկնածուի հանդեպ որոշակի տարբերություն ենթադրելո՞ւ է:  

- Անպայման ենթադրելու է: Օրինակ, տղամարդ մրցակցին ես երբեք ոչ մի բան չէի հուշի, իսկ Ռուզանին պատրաստ եմ ողջ նախընտրական արշավի ժամանակ հուշել, թե ինչպե՞ս ճիշտ կազմակերպել քարոզարշավը:

- Ի դեպ, ձեր հիմնական մրցակիցն այն կարծիքին է, որ ընդդիմության թեկնածուին Կենտրոնում հնարավոր է հաղթել միայն մեկ տարբերակով, եթե դուք, որպես Քոչարյանի մերձավոր շրջապատի ներկայացուցիչ, կիրառեք   ընտրակեղծիքներ:

- Արդեն որերորդ անգամ Ռուզան Խաչատրյանը, դեռ քարոզարշավը չմեկնարկած, հայտարարում է, թե իմ հաղթանակի դեպքում արդյունքները կեղծված են լինելու։ Ի դեպ, անում է նաեւ իրարամերժ հայտարարություններ: Մեկ ասում է, թե Կենտրոնի բնակչությունը սպեցիֆիկ է եւ այստեղ ընտրակաշառք եւ ընտրակեղծիք հնարավոր չէ, մեկ էլ ի սկզբանե կեղծված է համարում դեռ չկայացած ընտրությունները: Ես խորհուրդ կտայի նրան սատարող կուսակցությանն առաջիկա օրերին վերջնականապես կողմնորոշվել ապագա ընտրություններին տրվելիք քաղաքական գնահատականի մեջ, որ ես իմանամ, թե տեսակետներից որի՞ն պատասխանեմ: Ասեմ նաեւ, որ նրանց սցենարն ինձ համար պարզ է, եւ արդեն իսկ երեւի գրած-պատրաստ է այն հայտարարությունը, որը ՀԺԿ-ն կհրապարակի սեպտեմբերի 26-ին՝ ընտրությունների հաջորդ օրը։

Ինչ վերաբերում է Քոչարյանի մերձավորը լինելուն, ես կուզենայի հարցին պատասխանել հարցով. եթե չընտրվեր Ռոբերտ Քոչարյանը, այլ ընտրվեր Դեմիրճյանը կամ Գեղամյանն, ու երբ այդ նախագահը տեսներ, որ նորընտիր թաղապետը համայնքի 700 միլիոն բյուջեն մեկուկես տարում դարձնում է երկու միլիարդից ավելի, վերանորոգում է  բոլոր 800 շենքերի շքամուտքերն ու դռները, վերելակները, վերանորոգում է համայնքի խաղահրապարակները, կանաչապատում չվարձակալած հողերը, տասնապատիկ ուժեղացնում սանմաքրումը, ես ուզում եմ հարց տալ՝ այդ նախագահն արդյո՞ք ինձ իրեն մերձավոր չէր համարի:  

- Ասացիք, թե պատրաստ եք քարոզարշավի ընթացքում խորհուրդներ տալ ձեր հիմնական մրցակցին։ Իսկ եթե ձեր խորհուրդների արդյունքում Ռուզան Խաչատրյանը հաղթի՞:

- Իմ խորհուրդներով նա կարող է լավագույն դեպքում ոլորտի խնդիրներին բացարձակ անտեղյակ չերեւալ: Իսկ եթե հաղթի, ուրեմն տեղի է ունեցել անարդար ընտրություն, ուրեմն նրան սատարող կուսակցությունը լցոնումներ է արել: Իսկ ընդհանրապես, մի հարցում ես Ռուզանի հետ համաձայն եմ. Կենտրոնն իսկապես Երեւանի եւ հայության սիրտն է, ու ես թույլ չեմ տալու, որ Կենտրոնի բնակիչների ապագա բարեկեցությունը վտանգվի:

Նաիրա Զոհրաբյան

Տպել
1448 դիտում

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ