Ինչպիսին է Ազգերի լիգայի ձեւաչափը, որով ՀՀ ֆուտբոլի ընտրանին կարող է Եվրոյի ուղեգիր ստանալ

Մեկնարկում է ՈՒԵՖԱ-ի նոր մրցաշարի՝ Ազգերի լիգայի անդրանիկ մրցաշրջանը: Այսօրվանից՝ սեպտեմբերի 6-ից, եվրոպական ազգային հավաքականները ուժերը չափելու են նոր ձեւաչափում: Նոր ստուգատեսն անցկացվելու է 2 տարին մեկ անգամ: Դրա նպատակներից մեկը ընկերական ազգային հավաքակաների հանդիպումների մի մասը փոխարինել է, եւ եթե հզոր հավաքականների համար դա հիմնականում հենց այդ նշանակությունը կունենա, ֆուտբոլային փոքր երկրների, ինչպես օրինակ Հայաստանի համար, սա խոշոր մրցաշարի, տվյալ դեպքում Եվրոպայի առաջնության ուղեգրի համար պայքարելու իրական հնարավորություն է:

Նոր ձեւափաչում, որում Հայաստանը ուղեգրի համար պայքարելու է իրեն հավասար ընտրանիների դեմ, նորություն է եւ շատ հարցեր է առաջացնում երկրպագուների շրջանում: Մասնավորապես՝ հետաքրքրում է, թե ինչ ճանապարհով են թիմերը Եվրոպայի 2020 թ. առաջնության ուղեգրեր նվաճելու:

Այստեղ հնարավոր է լինելու նվաճել Եվրո 2020-ի 24 ուղեգրից 4-ը: Մնացածները խաղարկվելու են ֆուտբոլասերներին հայտնի ձեւաչափում՝ Եվրո 2020-ի ընտրական փուլում:

Ազգերի լիգան բաղկացած է լինելու խմբային փուլից ու փլեյ-օֆից: Մինչեւ խմբային փուլի վիճակահանությունը 55 հավաքական, ըստ ՈՒԵՖԱ-ի վարկանիշային աղյուսակի, բաժանվել էր 4 լիգայի՝ ուժեղից թույլ A, B, C, D:

A լիգա

Խումբ 1- Գերմանիա, Ֆրանսիա, Հոլանդիա

2- Բելգիա, Շվեյցարիա, Իսլանդիա

3- Պորտուգալիա, Իտալիա, Լեհաստան

4- Իսպանիա, Անգլիա, Խորվաթիա

B լիգա

1- Սլովակիա, Ուկրաինա, Չեխիա

2- Ռուսաստան, Շվեդիա, Թուրքիա

3- Ավստրիա, Բոսնիա եւ Հերցեգովինա, Հյուսիսային Իռլանդիա

4- Ուելս, Իռլանդիա, Դանիա

լիգա

1- Շոտլանդիա, Ալբանիա, Իսրայել

2- Հունգարիա, Հունաստան, Ֆինլանդիա, Էստոնիա

3- Սլովենիա, Նորվեգիա, Բուլղարիա, Կիպրոս

4- Ռումինիա, Սերբիա, Մոնտենեգրո, Լիտվա

D լիգա

1- Վրաստան, Լատվիա, Ղազախստան, Անդորրա

2- Բելառուս, Լյուքսեմբուրգ, Մոլդովա, Սան Մարինո

3- Ադրբեջան, Ֆարերյան Կղզիներ, Մալթա, Կոսովո

4- Մակեդոնիա, Հայաստան, Լիխտենշտեյն, Ջիբրալթար

Այս տարվա հունվարի 24-ին Շվեյցարիայում կայացավ խմբային փուլի վիճակահանությունը, որի ընթացքում ձեւավորվեցին լիգաների խմբերը՝ 4-ական խումբ: Լիգաներից կամ դիվիզիոններից (վերեւի լուսանկարում): Յուրաքանչյուրն անցկացնելու է իր առանձին մրցաշարը՝ բաղկացած խմբային փուլից ու փլեյ-օֆից: Խմբային փուլում թիմերը մրցակիցներին հանդիպելու 2-ական անգամ՝ տանը եւ դրսում: 

Փլեյ-օֆին մասնակցելու են խմբերի հաղթողները:

 

Բայց մինչեւ Ազգերի լիգայի փլեյ-օֆ փուլին հասնելը Եվրո 2020-ի ընտրական փուլում 20 երկրներ արդեն ուղեգրեր նվաճած լինելու են:

 

Եթե տվյալ խմբի հաղթողն արդեն ուղեգիր ձեռք է բերել Եվրոպայի առաջնության ընտրական փուլում, ապա նրա տեղը զբաղեցնելու է իր լիգայի ամենաբարձր ցուցանիշն ունեցող թիմը:

 

Եթե, օրինակ, արդյունքում այնպես ստացվի, որ A լիգան փլեյ-օֆում մրցելու համար 4 մասնակից չունենա, ապա ազատ տեղը կզբաղեցնի B լիգայի ամենաբարձր ցուցանիշն ունեցող թիմը, որը չի հաղթել լիգայի իր խմբում:

Երբ 16 թիմը հայտնի դառնա, կբաժանի 4-ական մասնակից ունեցող խմբերի, որոնցից յուրաքանչյուրը կանցկացնի իր փլեյ-օֆը:

Փլեյ-օֆը կազմված կլինի 2 կիսաեզրափակչից եւ եզրափակչից: Եթե խմբային փուլում թիմերը մրցակիցների հետ 2-ական հանդիպում են անցկացնելու՝ տանը եւ դրսում, ապա կիսաեզրափակչում ու եզրափակչում ունենալու են 1-ական խաղ:

Կիսաեզրափակչում այդ հանդիպումը կայանալու է տվյալ զույգի այն թիմի հարկի տակ, որն ավելի լավ ցուցանիշներ է ունեցել Ազգերի լիգայում: Եզրափակչի մրցավայրը որոշվելու է վիճակահանությամբ: 4 եզրափակչի հաղթողները նվաճելու են ուղեգրերը:

Խմբային փուլի խաղերը կայանալու են այս տարվա սեպտեմբեր, հոկտեմբեր եւ նոյեմբեր ամիսներին: Փլեյ-օֆերը, որոնց միջոցով վիճարկվելու են Եվրոյի ուղեգրերը, տեղի կունենա 2020 թ. մարտին:

2019 թ. հունիսին որոշվելու է ազգերի լիգայի հաղթողը: A լիգայի 4 խմբերի հաղթողների միջեւ անցկացվելու են կիսաեզրափակիչները, 3-րդ տեղի համար խաղը եւ եզրափակիչը:

Մրցաշարի արդյունքներով՝ A, B, C լիգաների խմբային փուլից հետո վերջին տեղերը զբաղեցրած թիմերը հաջորդ խաղարկությունում տեղափոխվելու են ավելի ցածր լիգա: B, C, D լիգաների հաղթողները հայտնվելու են ավելի բարձր լիգայում:

Տպել
815 դիտում

Դեռ չի կողմնորոշվել․ Քոչարյանը ՀՀԿ-ի հետ, թե՞ այլ ուժի աջակցությամբ է զբաղվելու քաղաքականությամբ

Դասագրքերը քչություն են անում. աշակերտները սովորում են հեռախոսով լուսանկարված գրքի էջերից

Լվացել են ադրբեջանական ու ռուսական ծագման փողեր․ Danske Bank-ի ղեկավարը հրաժարական է ներկայացրել

Մոսկվայում որոշել են կանգնեցնել Կարո Հալաբյանի հուշարձանը

Հայաստանն ու Կոնգոն ցանկանում են զարգացնել բազմակողմ համագործակցությունը

Բռնցքամարտիկ Գոռ Երիցյանը տարվա վերջին գուցե մենամարտի գոտու համար

2,6 միլիոն եվրոյանոց բնակարան Էյֆելյանի մոտ․ Գագիկ Խաչատրյանի որդիները՝ Փարիզում

Ընտրողների թիվը 848 343 է. ոստիկանությունը հրապարակել է Երեւանի ընտրությունների վերջնական ցուցակները

Սա հատուկ լեզու է. փոխվարչապետն ընդունել է ԱՊՀ պետությունների վիճակագրական ծառայությունների ղեկավարներին

Այսօր կմասնակցեմ «Իմ քայլը» դաշինքի հավաքին` Մալաթիա-Սեբաստիա վարչական շրջանում. Փաշինյան

Պուտինն ու Էրդողանը համաձայնության են եկել. կհաստատվի՞ խաղաղություն Սիրիայում

Պուտինը Նեթանյահուին նշել է Իլ-20-ի խոցման պատճառը

Փոխել քաղաքական ստատուս քվոն. ամերիկահայերը մասնակցում են նոյեմբերի ԱՄՆ-ի ընտրություններին

ՆԱՏՕ-ի գլխավոր քարտուղարի տեղակալն այցով կժամանի Վրաստան

Ներգաղթյալների թիվը հասնում է 35 հազարի. ԵՄ միգրացիոն ճգնաժամը բեւեռացրել է Եվրոպան

Վատնվել է շուրջ 900 000 դրամ. ուսանողները պահանջում են «թատերական ինստիտուտի» ռեկտորի հրաժարականը

«Լիվերպուլն» ու «Ինտերը» հաղթեցին դրամատիկ խաղում. Չեմպիոնների լիգայի օրվա արդյունքները

Մահացել է Երեւանի քաղաքապետի թեկնածուի մայրը. Գասպարյանը քարոզարշավին չի մասնակցի

Կեղտոտ քարոզարշավ է, կեղտոտ եւ սեւ PR տեխնոլոգիաների կիրառմամբ. քաղաքագետն՝ ընտրությունների մասին

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին