Կատարենք հնգամյակը 4 տարում․ Փաշինյանը՝ երեխաների ծննդի աջակցության մասին

«Երեխաների ծննդյան միանվագ պետական աջակցության թեման այն հարցն է, որին ֆինանսների նախարար Ատոմ Ջանջուղազյանը պատրաստ է ամբողջ բյուջեն տրամադրել այդ գործին: Կարո՞ղ եմ համոզված լինել»,- այս մասին, այսօր՝ սեպտեմբերի 6-ին, կառավարության նիստի ժամանակ, երկրորդ երեխայի ծննդյան միանվագ նպաստը 50 հազար դրամից 150 հազար դրամ դարձնելու օրինագծի քննարկման ժամանակ հարց ուղղեց ՀՀ վարչապետ Նիկոլ Փաշինյանը:

Նա դիմեց կառավարության անդամներին՝ ցանկանալով իմանալ կառավարության անդամներից ով երկրորդ երեխան ունի: Նա նաեւ քվեարկություն կազմակերպեց, թե ով ունի 3-րդ, 4-րդ ու 5-րդ երեխան: Այնուհետեւ նա նշեց, որ մեծ պոտենցիալ ունի Տնտեսական զարգացման եւ ներդրումների նախարարի տեղակալը, որովհետեւ համարյա բոլոր հարցումների ժամանակ ձեռք բարձրացրեց: «Երիտասարդ եք տարիքով, չնայած մենք էլ երիտասարդ ենք»,- ասաց Փաշինյանը:

Առողջապահության նախարար Արսեն Թորոսյանը եւս կարեւորեց քննարկվող հարցը՝ նշելով, որ ՀՀ-ում ծնունդների անկում է գրանցվել։ «2016-ին ունեցել ենք 40 838 ծնունդ, 2017-ին՝ 37 841: Այսինքն՝ մոտ 3 հազարով պակաս է եղել: 2018-ի առաջին 8 ամիսներին ունեցել ենք մոտ 1000 ծնունդ պակաս: Քանի որ այդ անկման կամ ավելացման 10 տոկոսը պայմանավորված է առողջապահությամբ, մենք մեր կողմից մեկ ծննդին տրվող ֆինանսական միջոցների չափը մյուս տարի ավելացնելու ենք նաեւ այս նպատակով»,- ասաց նախարարը՝ հավելելով, որ հասնելու են նրան, որ որեւէ այլ փողի շրջանառություն չլինի ծննդատներում:

ՀՀ վարչապետ Նիկոլ Փաշինյանը հույս հայտնեց, որ հաջորդ տարի նշված գումարը չի հերիքի եւ անհրաժեշտ կլինի տարվա կեսից այդ գումարներն ավելացնել։ «Սա այն հարցն է, որ Ատոմ Ջանջուղազյանը պատրաստ է ամբողջ բյուջեն տրամադրել էդ գործին: Կարող եմ համոզված լինել»,- կատակեց վարչապետը:

Փոխվարչապետ Մհեր Գրիգորյանն էլ առաջարկեց, որ զույգ երեխա ծնվելու դեպքում կարելի է կրկնապատկել հանրագումարը, իսկ եռյակի դեպքում՝ եռապատկել: «Շատ լավ գաղափար է, կատարենք հնգամյակը 4 տարում»,- ասաց Նիկոլ Փաշինյանը:

Սրան ընդդիմացավ ֆինանսների նախարար Ատոմ Ջանջուղազյանը՝ նշելով, որ բոլոր նրանք, որոնք զույգ չեն ծնվել, առանձնապես մեղավոր չեն, պետք չի նրանց պատժել: «Այսինքն, եթե մենք հնարավորություն ունենք երրորդ երեխայի համար գումար տալու, տանք, միեւնույն է, հերթականությամբ է լինում ծնունդը»:

Թանդիլյանն էլ ասաց. «Երբ զույգ երեխա է ծնվում, ծախսերը աճում են: Այսինքն՝ հասցեական թիրախային օգտակար ենք լինում զույգ երեխա ունեցողներին»:

Ի վերջո, որոշվեց հարցը հետաձգել, որպեսզի այդ առաջարկված փոփոխությունները ներառվեն փաստաթղթում եւ ընդունվեն կառավարության հաջորդ նիստին: Կառավարության նիստին պայմանավորվեցին, որ փոխվարչապետի առաջարկը կներառվի նախագծում:

Տպել
731 դիտում

Բացահայտվել է պլանավորված գողությունների շարք Արարատի մարզում. 2 անձ կալանավորվել է

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

ԱՄՆ-ն կարող է արտաքսել Ֆեթուլլահ Գյուլենին

«Մանկական եվրատեսիլի» ՀՀ մասնակիցն ուզում է Եվրոպային ցույց տալ՝ ինչ տաղանդավոր են հայերը

Փաշինյանը զինվորականներին պարգեւատրել է նույն հայկական արտադրության ժամացույցներով, որոնցից ինքն է կրում

Ալիեւը մեկնում է Մինսկ. հնարավո՞ր է ռազմական նոր գործարք

Թուրքիան ձեռք է բերում С-400 ՀՕՊ համակարգեր. ԱՄՆ շարունակում է արգելափակել F-35–երի ծրագիրը

Նախարարները կգան ու կգնան, բայց ոլորտի շարժիչ ուժը՝ դուք կմնաք. Թանդիլյանը հրաժեշտ տվեց աշխատակազմին

Ընտրությունները կարեւոր են. Հայաստանի ժողովուրդը վերաձեւում է իր ապագան. ՄԱԿ-ի հատուկ զեկուցող

Կարեն Սարուխանյանը գյումրեցի դպրոցականներին արձակուրդ է տվել. թիվ 18 դպրոցում դասեր չեն լինի

Փաստաբանը միջնորդություն է ներկայացրել դատախազին՝ Մայրապետյանին անձնական երաշխավորություններով ազատ արձակելու մասին

Դավիթ Խաժակյանը կղեկավարի «Լուսավոր Հայաստան»-ի շտաբը

Վարդենյանց եւ Ճամբարակի լեռնանցքներում խիտ մառախուղ է

ՀՀԿ-ն պնդում է՝ Փաշինյանը մարտի 1-ին անկարգություններ է հրահրել, այնինչ, այդ մասին խոսք չկա անգամ մեղադրանքում

Հրաչյա Հարությունյանը (Կրակեմ Հրաչ) 26 մլն դրամ եւ 50 հազար դոլար ունի

Ազատ առեւտուր եւ ինտեգրացիա. Մհեր Գրիգորյանն ընդունել է ԵԱՏՀ նախարար Վերոնիկա Նիկիշինային

Շինարարության թույլտվություն՝ առավելագույնը 15 օրում. ինչպե՞ս կառուցել Երեւանում

Գրոհային մարտավարական խմբեր. Փաշինյանը հետևել մարտավարական զորավարժությանը

Ucom-ի և IE բիզնես դպրոցի նախաձեռնությամբ կայացավ Big Data-ին վերաբերող միջոցառումը

Փարիզյան ֆորումը եւ Հայաստանի դիվանագիտության հերթական քայլը