Եթե ոչ հիմա, ապա ե՞րբ. Հայաստանի ֆուտբոլի ազգային հավաքականը Ազգերի լիգայում

Հայաստանի ֆուտբոլի ազգային հավաքականը մեկնարկում է ՈՒԵՖԱ-ի նոր մրցաշարում՝ Ազգերի լիգայում: Այսօր՝ սեպտեմբերի 6-ին, առաջին հանդիպումը կանցկացնի ստուգատեսի շրջանակներում: Վազգեն Սարգսյանի անվան «Հանրապետական» մարզադաշտում կընդունի Լիխտենշտենի ընտրանուն: Խաղը կսկսվի 20:00-ին:

Հավաքականի ֆուտբոլիստները մեծ նպատակներով, իսկ երկրպագուները մեծ հույսերով են մոտենում նոր մրցաշարին: «Եթե ոչ հիմա, ապա ե՞րբ» միտքը պարբերաբար տարբեր ձեւակերպումներով կարելի է լսել նրանց շրջանում: Ազգերի լիգան Հայաստանին վերջապես խոշոր մրցաշարի՝ Եվրո 2020-ի ուղեգրի համար պայքարելու իրական հնարավորություն է տվել:

Եվրոպայի առաջնության ընտրական փուլերում մշտապես խմբերում լինում են 2 ուղեգրերի իրական հավակնորդներ, ու Հայաստանի նման ֆուտբոլային փոքր երկրներին այդ ձեւաչափում հաջողության հասնելու համար նույնիսկ անձնվեր խաղալն ու ուժերի առավելագույնը ներդնելը բավարար չէ: Իսկ Ազգերի լիգայում հեռանկարներն այլ են: Այստեղ ՀՀ-ն պայքարելու է իրեն հավասարազոր մրցակիցների դեմ:

Ինչպես հայտնի է, հայերն ընդգրկված են Ազգերի լիգայի 4 դիվիզիոնից ամենաթույլում՝ D դիվիզիոնում: Այստեղ 16 ընտրանին բաժանվել է 4-ական թիմով 4 խմբի: 4 խմբի հաղթողները մասնակցելու են D լիգայի փլեյ-օֆ փուլին (2 կիսաեզրափակիչ, եզրափակիչ): Կիսաեզրափակիչների հաղթողները եզրափակչում վիճարկելու են լիգայի միակ ուղեգիրը:

Հայաստանը պայքարելու է 4-րդ խմբում: Մրցակիցներն են Մակեդոնիան, Լիխտենշտեյնը եւ Ջիբրալթարը: Հայաստան ու Մակեդոնիան այս խմբի ֆավորիտներն են, սակայն դա դեռ պետք է ապացուցեն խաղադաշտում: Այսօր Լիխտենշտեյնի դեմ ՀՀ-ն այդ ուղղությամբ պետք է առաջին քայլը անի:

Մեծահասակների հավաքականների մակարդակով այս երկրների միջեւ սա առաջին հանդիպումն է: Մի կողմից հայ ֆուտբոլիստները մեծ վստահություն ունեն առաջիկա խաղից առաջ: Մյուս կողմից Լիխտենշտեյնի գլխավոր մարզիչը նշում է, որ խմբային փուլում վերջնական արդյունքում իրենց տեսնում է 3-4-րդ հորիզոնականներում: Թե խմբում հաղթանակ տանելու, եւ թե Մակեդոնիայի դեմ հանդիպումից առաջ հոգեբանական լավ վիճակում լինելու առումով հաղթանակը այսօր շատ կարեւոր է:

3 օր անց Հայաստանը կանցկացնի, շատերի կարծիքով, Ազգերի լիգայում իր համար որոշիչ հանդիպումներից մեկը. կհյուրընկալվի Մակեդոնիային: Այս թիմը համարվում է խմբում հաղթելու ճանապարհին Հայաստանի գլխավոր խոչընդոտը: Նրանց միջեւ դեմ առ դեմ անցկացրած խաղերում հավասարություն է: 6 անգամ են չափել ուժերը: Կողմերից յուրաքանչյուրը հաղթել է 2-ական անգամ: 2 հանդիպում ավարտվել է ոչ ոքի, միմյանց դարպասն էլ ուղարկել են 11-ական գնդակ:

Այս 2 հանդիպմանը Հայաստանի հավաքականը սկսել է նախապատրաստվել սեպտեմբերի 3-ից: Գլխավոր մարզիչ Վարդան Մինասյանը, կադրային առումով, լուրջ բողոքներ չունի: Նշում է, որ ընտրել է հնարավորինս օպտիմալ կազմ: Միայն ցավում է, որ վնասվածքի պատճառով իրենց չի կարող օգնել Հրայր Մկոյանը եւ շատ կուզեր, որ հավաքականում լիներ նաեւ Յուրա Մովսիսյանը, որը թեեւ ապաքինվել է լուրջ վնասվածքից, սակայն թիմ ու խաղային պրակտիկա չունի:

Տպել
599 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ