Սոցապում թափուր աշխատատեղերը չեն համալրվում. պատճառը ցածր աշխատավա՞րձն է

ՀՀ աշխատանքի եւ սոցիալական հարցերի նախարարությունում 41 թափուր հաստիք կա: Այս մասին ՀԺ-ի հարցմանն ի պատասխան տեղեկացնում են նախարարության լրատվության բաժնից:

Թափուր է, օրինակ՝ քարտուղարության քաղաքացիների ընդունելության բաժնի առաջատար մասնագետի երեք հաստիք, բժիշկ փորձագետի՝ երկու, միասնական ընդունարանի ղեկավարի՝ տասնհինգ, աշխատանքի եւ զբաղվածության վարչության աշխատանքի եւ աշխատանքի վարձատրության քաղաքականության բաժնի առաջատար մասնագետի՝ երկու, նախարարի խորհրդականի մեկ հաստիք եւ մեկական թափուր պաշտոնների հաստիքային միավորներ:

Օր օրի ավելացող թափուր աշխատատեղերի պատճառը, ըստ նախարարության, ցածր աշխատավարձն է. 15 թափուր հաստիք ունեցող միասնական ընդունարանի ղեկավարի ֆիքսված աշխատավարձը 155 հազար դրամ է, որի մոտ 30 տոկոսը պահվում է, իրավական ապահովման բաժնի գլխավոր մասնագետի աշխատավարձը 110 հազար, իրավական ապահովման բաժնի առաջատար մասնագետինը՝ 129 հազար, քարտուղարության ընդհանուր բաժնի առաջատար մասնագետը 155 հազար դրամ է ստանում: Բաժնի պետերի եւ պետի տեղակալների աշխատավարձը չի անցնում 256 հազարից, որից դարձյալ 30 տոկոսը պահվում է հարկերի համար:

Չնայած 41 թափուր աշխատատեղերից 9-ը համալրված է ժամկետային աշխատանքային պայմանագրերով, սակայն սրանք եւս թափուր են համարվում:

Աշխատանքի եւ սոցիալական հարցերի նախարարությունից տեղեկացնում են, որ նախարարությունը երբեմն նպատակադրված կարող է ունենալ թափուր հաստիք: Նախարարությանը բյուջեով հատկացվում է որոշակի գումար, սակայն, եթե տվյալ պահին նախարարությունն այդ աշխատողի կարիքը չունի, իքս պաշտոնի հաստիքի համար նախատեսված գումարը մնում է: Սա նախարարությունից բացատրում են հետեւյալ կերպ՝ ենթադրենք, փոխնախարարին ծառայողական մեքենա եւ վարորդ է հատկացվում, սակայն նա չի օգտվում դրանից, քանի որ ունի սեփական ավտոմեքենա, տվյալ դեպքում մնում է նաեւ վարորդի թափուր հաստիքը: Այդ դեպքում բյուջեից հատկացված գումարը նույնպես չի օգտագործվում, մնում է կառավարության հաշվին եւ չի կարող ուղղվել մեկ այլ ՊՈԱԿ-ի:

Աշխատանքի եւ սոցիալական հարցերի նախարարությունից նաեւ հետաքրքրվել էինք՝ արդյո՞ք ազատված աշխատողների փոխարեն են նոր աշխատողներ պահանջվում, թե՞ նախարարը նոր մոտեցումներ ու աշխատաոճ է մշակել, համաձայն որի՝ աշխատողների թվի ավելացում է հարկավոր:  

Պարզվում է, Մանե Թանդիլյանի նշանակումից հետո թափուր է դարձել քաղաքացիական ծառայության 2 պաշտոն. երկու աշխատակիցներն էլ տեղափոխվել են ավելի բարձր պաշտոնի։ Նոր առաջացած թափուր տեղերից մեկի համար այս պահին արդեն տեղադրված է հայտարարություն՝ ժամկետային աշխատանքային պայմանագրով համալրելու համար։

Ինչ վերաբերում է քաղաքացիական ծառայության մնացած թափուր պաշտոններին, ապա նախարարությունից տեղեկացնում են, որ դրանց բացարձակ մեծամասնությունը առկա էր նաեւ մինչեւ նոր նախարարի նշանակումը, նրանցից շատերն իրենց կամքով են լքել նախարարությունը։ «Քաղծառայողներին առանց հիմնավոր փաստեր ունենալու աշխատանքից ազատել հնարավոր չէ: Քաղաքական պաշտոն ունեցող մարդը յուրաքանչյուր նախարարի փոխվելուց հետո չի կարող փոխվել, դրանից համակարգը կտուժի»,- հայտնում են նախարարությունից:

Մանե Թանդիլյանը նախարար դառնալուց հետո մեկամսյա ժամկետում նշանակումներ է կատարել միայն հայեցողական պաշտոններում, իսկ քաղաքական պաշտոնների համար (փոխնախարարներ) նշանակումներն արել է վարչապետը՝ նախարարի առաջարկությամբ։

Հ.Գ. Մանե Թանդիլյանի նշանակումից հետո (12.05.2018 թ.) նշանակվել են 3 փոխնախարար, նախկին փոխնախարարներից մեկը վերանշանակվել է։ Նախկին փոխնախարարներից մեկը նշանակվել է նախարարի խորհրդական։ Նախարարի մեկ խորհրդականի փոխարեն նորն է ընդունվել։ Նախարարի խորհրդականի եւս մեկ հաստիք ազատ է։

Փոփոխություն է կատարվել նախարարի օգնականների թվում՝ նոր նախարարը 2 օգնական է նշանակել։ Մեկը փոխարինել է նախորդ օգնականին, մյուսը՝ համալրել թափուր տեղը։ Նոր օգնականներից մեկը նշանակվել է հենց նախարարության աշխատանքային թիմից։

Համալրվել է Հասարակայնության հետ կապերի բաժնի պետի թափուր պաշտոնը, որն օրենքով արդեն հայեցողական պաշտոն է։ Համալրվել է փոխնախարարի օգնականի մեկ թափուր պաշտոն, մնացած 3 փոխնախարարների օգնականները մնացել են նույնը։

Տպել
3770 դիտում

Ալեքսեյ Շոր. «Հանդիսատեսին հետաքրքրում է, թե ինչ երաժշտություն է ստեղծվում այսօր»

Տեղի ունեցավ «Ձյունանուշ» մանկական հեքիաթի պրեմիերան

Արցախի արտակարգ իրավիճակների պետական ծառայության նախկին տնօրենին Բակո Սահակյանն այլ պաշտոնի նշանակեց

Ջալալ Հարությունյանն՝ Արցախի պաշտպանության բանակի շտաբի պետ

Արցախի պաշտպանության բանակի նոր հրամանատարը

Արդեն նախկին ՊԲ հրամանատար Լեւոն Մնացականյանը նոր պաշտոն կստանձնի. որոշումը կայացված է

Հայտնի են 12-րդ դասարանի պետական ավարտական քննությունների օրերը

Լեւոն Մնացականյանն ազատվեց պաշտոնից. պաշտոնական Ստեփանակերտը դեռ չի հաստատում

Ինչու է օրենքը միայն Չալդրանյանի վրա տարածվել. տնօրենները կզրկվե՞ն գեղղեկավարի պաշտոններից

«Դարի գործարքը»՝ քառորդ դար անց. ամերիկյան ընկերությունները հեռանում են Ադրբեջանից

Օդի ջերմաստիճանը կնվազի 4-5 աստիճանով, սպասվում են տեղումներ եւ մառախուղ, ձյուն

«Արսենալն» 1-ին տեղով Եվրոպա լիգայի փլեյ-օֆ անցավ. Մխիթարյանը չմասնակցեց «Քարաբագի» խաղին

Խոզերի աֆրիկյան ժանտախտը, թռչնագրիպը կանխելու համար կասեցվել է խոզի եւ թռչնամսի ներմուծումը ՌԴ-ից

Համաձայնություն է տրվել «Գազպրոմ Արմենիա»-ի 2019-2021 թթ. 29 մլրդ 598,4 մլն դրամ ծավալով ներդրումային ծրագրին

Ինչի՞ց է բողոքել Ռոբերտ Քոչարյանը. Արման Թաթոյանն առանձնազրույց է ունեցել նրա հետ

Աշխարհը բարության, միմյանց սիրելու և օգնելու կարիք ունի. Աննա Հակոբյանը Ժնևում մասնակցել է երկրաշարժին նվիրված համերգի

ՊՆ Kia-ն վրաերթի է ենթարկել հետիոտնին, մյուս մեքենան մեծ արագությամբ անցել է վրայով

Ձերբակալվել է «Հայփոստի» 2 աշխատակից՝ առանձնապես խոշոր չափերով խարդախության կասկածանքով

«Արսենալ»-«Քարաբագ» խաղի ժամանակ դաշտ ներխուժած հայ երկրպագուն ազատ է արձակվել

Պաշտոնանկությունների շքերթը կապ ունի՞ քարոզարշավի ընթացքում տեղի ունեցած «փոխհրաձգությունների» հետ