Անձեռնմխելի մարդ չկա. ՔԿԾ պետը խորհրդակցություն է անցկացրել

06/09/2018 schedule21:48

Սեպտեմբերի 6-ին ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանի գլխավորությամբ տեղի է ունեցել խորհրդակցություն ծառայության տնտեսական ոլորտին առնչվող հարցերի կապակցությամբ: Ներկա էին ծառայության պետի առաջին տեղակալ, արդարադատության գնդապետ Մանուկ Միքայելյանը, պետի տեղակալ, արդարադատության գնդապետ Վարուժան Մելքոնյանը, քրեակատարողական հիմնարկների պետերը և հիմնարկների տնտեսական ոլորտը սպասարկող ղեկավար անձնակազմը:

ՀՀ ԱՆ քրեակատարողական ծառայության հանրային կապերի բաժնից տեղեկացնում են, որ ներկայացնելով օրակարգը՝ ծառայության պետն անդրադարձել է տնտեսական ոլորտում կատարված ուսումնասիրությունների արդյունքներում ի հայտ եկած թերություններին՝ առանձնացնելով հատկապես մի քանի քրեակատարողական հիմնարկ:

Ա. Մխոյանը խիստ հրահանգել է ուշադրություն դարձնել սննդի բազմազանության ապահովմանը, ինչպես նաև տեխնիկական բնութագրերին համապատասխանող անհրաժեշտությանը՝ նշելով, որ քրեակատարողական ծառայողների՝ տվյալ ոլորտում ցուցաբերած անգործության յուրաքանչյուր դեպք կդառնա քննության առարկա:

«Հետևե՛ք սննդի որակին և սահմանված չափաբաժիններին: Արգելե՛ք առանց ջերմային մշակման սննդամթերքի առկայությունը բնակելի գոտու խցերում և կացարաններում, հստակեցրե՛ք սննդից հրաժարվողների ցանկը՝ ավելորդ սննդամթերք չօգտագործելու համար: Ծառայությունն իր առջև գերխնդիր է դրել ճաշացանկը դարձնել էլ ավելի բազմատեսակ, ճաշատեսակները՝ որակյալ», - նշել է ծառայության պետը՝ հավելելով նաև, որ առավել ուշադրություն դարձնեն հացի որակին և հատկապես կշռին:

Ծառայության պետն անդրադարձել է նաև ազատազրկված անձանց տրամադրվող հիգիենայի պարագաներին և արտահագուստին՝ հիշեցնելով, որ այս ոլորտում ևս ցանկացած խախտում կստանա համապատասխան արձագանք:

Հիմնարկի պետերին հանձնարարել է հետևել բնակելի գոտում ջրի, գազի և էլեկտրաէներգիայի սպառմանը, չգերազանցել կառավարության որոշմամբ սահմանված չափաքանակները և թույլ չտալ անտեղի վատնումը: Ա. Մխոյանը նշել է, որ խնայողության հաշվին կուտակված գումարները կվերադարձվեն ՔԿՀ-ներին՝ իրենց խնդիրները լուծելու համար:

Զգուշացրել է, որ լինելու են չնախատեսված այցեր քրեակատարողական հիմնարկներ և այցերը կրելու են շարունակական բնույթ: Հրահանգել է լինել զգոն, հետևողական՝ պատշաճ կատարելով իրենց՝ օրենքով վերապահված գործառույթային պարտականությունները:

Ա. Մխոյանը մեկ անգամ ևս շեշտել է ծառայության որդեգրած նոր քաղաքականության գերակա խնդիրները՝ հիմնարկներում կոռուպցիոն ցանկացած դրսևորման իսպառ բացառումը, արգելված իրերի ներթափանցումը, քրեական հիերարխիայի դեմ տարվող անզիջում պայքարը. «Իրավիճակ է փոխվել, և հիշեք՝ անձեռնմխելի մարդ չկա, բոլորը հավասար են օրենքի առջև, և մեղավորները կպատժվեն օրենքով սահմանված կարգով»:

Խորհրդակցության ընթացքում օրակարգի հարցերին անդրադարձել են նաև ծառայության պետի տեղակալները, բարձրացված խնդիրների շուրջ առաջարկություններով հանդես եկել քրեակատարողական հիմնարկների ղեկավարները:

Ծառայության պետ Ա. Մխոյանը վերհանված հարցերի շուրջ տվել է կոնկրետ հանձնարարականներ և նշել, որ շարունակելու է լինել խիստ հետևողական նշված խնդիրների լուծման և արատավոր երևույթների վերացման հարցերում:

Տպել
887 դիտում

Սա պատմական հնարավորություն է եւ ձեր ձայնը իսկապես շատ վճռորոշ է. Նիկոլ Փաշինյան

Խնդիրներ են գրանցվել տեղամասերի կահավորման և հանձնաժողովների անդամների վարքագծի վերաբերյալ. ՄԻՊ

ԱԺ ընտրությունները տեղի կունենան այս տարի. Ալեն Սիմոնյան

Ներխուժել շտաբ, ջարդուփշուր անել ամեն ինչ. ԲՀԿ-ի շտաբում բռնություն են գործադրել իրավապահների նկատմամբ

Քաղաքացին ինքնասպանություն է գործել՝ նետվելով Նոր Հաճնի կամրջից. ԱԻՆ

Բաքվի Ղարադաղի շրջանում հրաբուխ է ժայթքել. բոցի բարձրությունը հասնում է 200-300 մետրի

Քրեական գործ է հարուցվել առերևույթ ընտրակաշառք տալու և ստանալու դեպքի առթիվ. դատախազություն

Ադրբեջանի զինուժի կրակոցից զոհված Արցախ Հովսեփյանը պարգեւատրվել է «Մարտական ծառայություն» մեդալով

14:00-ի դրությամբ Երեւանի ավագանու ընտրություններին մասնակցել է ընտրողների 23.72 տոկոսը

Ակնոցներդ կջարդեմ. «Անկախ դիտորդ» դաշինքը ժամը 13:45-ի դրությամբ գրանցել է մի շարք խախտումներ

Որոշ մարդիկ միտումնավոր փորձում են ստվեր նետել ընտրությունների օրինականության վրա. Հովակիմյան

Քաղաքացին փորձում է ինքնասպանություն գործել՝ նետվելով Նոր Հաճնի կամրջից. ԱԻՆ

75 խախտում, 10 միջադեպ. վիճաբանել են ԲՀԿ-ի եւ «Իմ քայլը» դաշինքի վստահված անձիք

Սա պատմական լուսանկար է. ՀՀ վարչապետ Նիկոլ Փաշինյանի եւ Գարեգին Բ-ի սելֆին

Մեր թիմի հանդեպ սև PR է օգտագործվում. Հայկ Մարությանը քվեարկեց

Նախագահ Սարգսյանը շնորհավորական ուղերձներ է հղել Սաուդյան Արաբիայի թագավորին եւ թագաժառանգին

ՀՀ ոստիկանապետին կից հասարակական խորհրդի «թեժ գծին» ժամը 12:00-ի դրությամբ ստացվել է 11 հեռախոսազանգ

Ընտրությունները չեն արգելում սնվել. «Իմ քայլ»-ի ներկայացուցիչը՝ տեղամասեր պիցցա տանելու մասին

Կյանքումս առաջին անգամ հաճույքով գնում եմ իմ ընտրությունը կատարելու. Ժաննա Բուտուլյան

Ալիևն ու Քոչարյանի կայքը հայտնում են խախտումների մասին, Սովպաձենիյե՞, նե դումայու. նախարար