Համաժողով. տարեվերջի տարբերակը լրջանո՞ւմ է

07/09/2018 schedule15:00

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 7-ի համարում

«ԼՂ հակամարտության բանակցային գործընթացում արդեն կողմերի դիրքորոշումների մերձեցման ակնհայտ նշաններ կան: ԵԱՀԿ-ն պատրաստվում է դեկտեմբերին Լյուբլյանա քաղաքում մի կոնֆերանս անցկացնել, որի ժամանակ կուզենայինք զեկուցել ԼՂ հարցում առաջընթացի մասին»,- երեկ այսպիսի սենսացիոն հայտարարություն է արել ԵԱՀԿ գործող նախագահ Դմիտրի Ռուպելը Հայաստանի ԱԳ նախարար Վարդան Օսկանյանի հետ համատեղ ասուլիսում, որը ինչպես եւ նախատեսված էր՝ տեղի է ունեցել երեկ: Այն հարցին, թե ինքը ինչ նկատի ունի կողմերի դիրքորոշումների մերձեցում ասելով, պարոն Ռուպելը պատասխանել է, որ հակամարտության լուծման սկզբունքների մակարդակով դիրքորոշումները մոտ են, սակայն մանրամասների մակարդակով խնդիրներ կան, որոնք եթե չլինեին, ապա  համաձայնագիրն արդեն կնքված կլիներ:

Իսկ խնդրահարույց մանրամասները գտնվում են ազգերի ինքնորոշման եւ պետությունների տարածքային ամբողջականության սկզբունքների շրջանակներում: Եւ այնուամենայնիվ, թեեւ բանակցությունների այս կարեւորագույն մակարդակում խնդիրներ կան, ԵԱՀԿ գործող նախագահը եկել է այն եզրակացության, որ ազգերի ինքնորոշման եւ պետությունների տարածքային ամբողջականության սկզբունքները կարող են ԼՂ հակամարտության դեպքում հաշտեցվել: «Սա է այն «մեսիջը», որ ես ստացա Բաքվում եւ  այստեղ»,- երեկ հայտարարել է Դմիտրի Ռուպելը: ՀՀ ԱԳ նախարար Վարդան Օսկանյանը նույնպես համաձայնել է, որ սկզբունքային հարցերի շուրջ կողմերի միջեւ ընդհանուր եզրեր երեւում են, սակայն ավելացրել է, որ սատանան հենց մանրամասների մեջ է, եւ եթե դրանք բացվեն, ապա իսկապես կարող են լուրջ  պրոբլեմներ առաջանալ:

Ասուլիսի ընթացքում հնչած այն հարցին, թե Բաքվում հանդիպելով ԼՂ-ի ադրբեջանական համայնքի ղեկավարի, իսկ Երեւանում հանդիպելով ԼՂՀ նախագահի հետ՝ արդյոք ԵԱՀԿ գործող նախագահը  հավասարության նշան է դնում Լեռնային Ղարաբաղի հայերի եւ ադրբեջանական համայնքի միջեւ, պարոն Ռուպելը պատասխանել է այսպես. «Ես Բաքվում շատ մարդկանց հետ եմ հանդիպել, քաղաքական գործիչների, հ/կ-ների ներկայացուցիչների հետ: Ես տեղեկություններ եմ հավաքում: Հանդիպել եմ նաեւ հայերի ներակայացուցիչների հետ, որոնք ԼՂ-ում ղեկավար դիրքերում են: Իմ հավաքած տեղեկությունները ի մի են բերվելու լուծումներ փնտրելու ճանապարհին»,- ասել է նա: Վերջինս կրկնել է, որ ԵԱՀԿ-ն բանակցային գործընթացում կողմերից ոչ մեկին չի պաշտպանում, իսկ ԵԱՀԿ գործող նախագահի պարտքն է ականջալուր լինել բոլոր կողմերի ձայներին:

Իսկ ահա Ադրբեջանի  կողմից  հաճախ հնչող ռազմատենչ հայտարարություններին վերաբերող հարցին ի պատասխան, ԵԱՀԿ գործող նախագահը նշել է, որ Ադրբեջանն այնքան  հաշտվողական ու փոխզիջող է, որքան Հայաստանը: «Այն հայտարարութունները, որ ես եմ լսում, գուցե տարբերվում են այն հայտարարություններից, որ դուք եք լսում: Ադրբեջանական կողմի հետ իմ զրույցներում ես միայն  լսել եմ  խաղաղության, հաշտեցման մասին հայտարարություններ: Չի բացառվում, որ այլ հայտարարություններ էլ են հնչում, սակայն ես դրանց հասցեատերը չեմ»,- ասել է Ռուպելը եւ եզրափակել, որ Ադրբեջանը միանգամայն հաշտվողական է տրամադրված:

Իսկ եթե, այնուամենայնիվ, երբեւէ ռազմատենչ հայտարարությունը դրվի բանակցությունների սեղանին, ապա ԵԱՀԿ-ն կաշխատի այնպես անել, որ  այդ հայտարարությունը պարզապես ետ վերցվի: Իսկ ե՞րբ են վերսկսվելու ԼՂՀ-ի մասնակցությամբ ԵԱՀԿ Մինսկի խմբի բանակցությունները: Այս հարցին ասուլիսին մասնակից երկու պաշտոնյաները իրարից հեռու պատասխաններ են տվել: ԵԱՀԿ գործող նախագահը մասնավորապես հայտարարել է, որ Մինսկի խումբը այժմ էլ  ակտիվ եւ կենդանի է, սպասում է նախագահների ցուցումներին, ինչպես նաեւ նոր գաղափարներ են տալիս հակամարտության կարգավորման համար: ՀՀ ԱԳ նախարարը, սակայն, համոզմունք է հայտնել, որ վերջիվերջո այդ ձեւաչափով բանակցությունները վերսկսվելու են. «Երբ որ նախագահները մտնեն մանրամասների մեջ, անհրաժեշտ կլինի վերականգնել Մինսկի խմբի գործընթացը, եւ դրան ավտոմատ կմասնակցի ԼՂՀ-ն»,- ասել է նա: 

Աննա Հակոբյան

Տպել
343 դիտում

Հետաձգել եմ դեպի Նյու-Յորք այցս՝ քվեարկելու, նոր մեկնելու համար. վարչապետը մեկնում է ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին

Մեր ֆուտբոլը ընդհանուր է հետ գնացել. Ռոբերտ Արզումանյան

Դաշնակցությունը չի պատրաստվում լքել համաձայնության կառավարությունը, դա ապատեղեկատվություն է. ՀՅԴ

Գործադիրը պետք է ԵՄ-Հայաստան համաձայնագրի վավերացման գործընթացը պահի ուշադրության կենտրոնում. Աշոտյան

Հայաստան կժամանեն Քըրք Քըրքորյանի ազգական Էրիկ Էսրաիլյանը եւ Կալիֆորնիայի համալսարանի ռեկտոր Ջին Բլոքը

Armenia! ցուցահանդեսը կկայանա Նյու Յորքի «Մետրոպոլիտեն» թանգարանում

Թմրանյութ են հայտնաբերել. Ադրբեջանցի ընդդիմադիր Օրհան Բախըշլըն դատապարտվել է 6 տարվա ազատազրկման

Օբաման Մերձավոր Արեւելքի երկրները ներքաշել է քաղաքացիական պատերազմի մեջ. փորձագետ

Նշանառու կրակոցներ են արձակել. Մարտի 1-ին «Չերյոմուխա-7»-ից վիրավորված քաղաքացին մանրամասներ է պատմում

Ադրբեջանը գնդակոծում է ՀՀ բնակավայրերը. Հովհաննիսյանը խնդիրը ներկայացրել է ԵԽԽՎ մոնիթորինգային հանձնաժողովին

Ովքեր կողմ են քվեարկել Նիկոլ Փաշինյանի թեկնածությանը, դա չեն արել ՔՊ-ի համար, եղել է ժողովրդի պահանջը

Կրթական համակարգն առաջին հերթին պետք է ծառայի երիտասարդների կարողությունների բացահայտմանը. Սարգսյան

Հեղափոխությունը գայլերի կեր չդարձնել. Սեպտեմբերի 23-ին ձայն տալ «Նոր Հայաստանի» օգտին. կոչ Եվրոպայից

Ucom-ը կրկնապատկել է uDaily կանխավճարային շարժական ինտերնետի ծավալը