Նախորդ ռեժիմի հանցագործությունների գագաթնակետը Մարտի մեկն էր. Գեւորգ Սաֆարյան

Նախորդ ռեժիմի հանցագործությունների գագաթնակետը Մարտի մեկն էր, որտեղ ռեժիմը բանակցային ստորաբաժանումների միջոցով զավթեց ժողովրդի իշխանությունը: Իհարկե, չմոռանանք նաեւ այդ ռեժիմի կատարած մյուս հանցագործությունները, քաղաքական բանտարկություններն ու քաղաքական սպանությունները: Այս մասին այսօր հայտարարեց «Սասնա ծռեր» կուսակցության նախաձեռնող խմբի անդամ Գեւորգ Սաֆարյանը՝ նախորդ ռեժիմի հանցավոր գործունեության եւ արդարադատության հանրային պահանջի թեմայով ասուլիսի ժամանակ:

«Չնայած Մարտի մեկի գործով Ռոբերտ Քոչարյանը քրեական հետապնդման մեջ է, այնուամենայնիվ, մենք տեսանք, որ նախորդ ռեժիմին ենթակա դատարանն ազատ արձակեց Քոչարյանին: Եւ այսօր Ռոբերտ Քոչարյանն ու իր նմանները լուրեր են տարածում, թե վայ, Հայաստանում կարող է քաղաքացիական պատերազմ սկսել: Դուք ձեզ ընդհանրապես ո՞ւմ տեղն եք դրել, էդ ումո՞վ եք քաղաքացիական պատերազմ անելու Հայաստանում: Էս մարդիկ պիտի հասկանան, որ իրենց նմանատիպ գործողությունները տապալված են: Բայց նախեւառաջ թե՛ Քոչարյանը, թե՛ ՀՀ-ում սահմանադրական կարգը տապալած մարդիկ պիտի ձերբակալվեն եւ տրվեն արդարադատությանը, ինչպես արդեն նշվեց՝ անցումային արդարադատության մարմիններին»,- ասուլիսի ժամանակ ասաց Գեւորգ Սաֆարյանը:

Սաֆարյանն այս կոնտեքստում հարկ համարեց անդրադառնալ նաեւ «Սասնա ծռեր»ի գործողություններին: Վերջինս ասաց, որ Մարտի մեկին ՀՀ-ում տապալվել է սահմանադրական կարգը, եւ տապալվել է ռազմական ստորաբաժանումների միջոցով. «Այսինքն, Հայաստանում մինչ օրս գործել է ռազմականացված խունտա, եւ դրա դեմ կատարած զինյալ ապստամբությունը գտնվում է իրավունքի փիլիսոփայության մեջ»,- նշեց Սաֆարյանը՝ հավելելով, որ ապստամբության եւ զինյալ ապստամբության իրավունքը սահմանված է մի շարք իրավական փաստաթղթերով եւ Մարդու իրավունքների համընդհանուր հռչակագրով:

Գեւորգ Սաֆարանն իր խոսքում անդրադարձավ նաեւ «Սասնա ծռեր»-ի ապստամբության վերաբերյալ էմոցիոնալ քննադատություններին. «Իհարկե, զոհված ոստիկանների կորուստը բոլորինս է, ոչ միայն իրենցը: Բայց պիտի ֆիքսենք, որ զինյալ ապստամբությունը չի գտնվում էմոցիոնալ դաշտում, այլ իրավական դաշտում: Պետք է նշենք, որ կորուստներ ունեցել են նաեւ «Սասնա ծռեր»-ը, պետք է նշենք նաեւ, որ Հաց Բերողը խոշտանգումներից մահացել է, որ «Սասնա ծռեր»-ի մի շարք անձինք ցմահ կմնան հաշմանդամ: Այսինքն, կորուստներ ունեցել են երկու կողմերը: Բայց մտնելով էմոցիոնալ դաշտ, երբ ասում ենք՝ մեղք չե՞ն էդ զոհերի հարազատները, իսկ մեղք չե՞ն Մարտի մեկի զոհերի հարազատները, մեղք չե՞ն այն մարդիկ, ովքեր այս տարիների ընթացքում զոհվել են սահմանին, եւ չեն զոհվել էն պատճառով, որ սահմանին պատերազմ է, այլ այն բանի համար, որ սերժիկ-սաշիկները թալանել են բանակը, երբ զինվորը տկլոր ավտոմատով կանգնած էր սպեցնազի դիմաց: Իհարկե, մենք ցավակցում ենք զոհված ոստիկանների հարազատներին»,- ասաց Գեւորգ Սաֆարյանը՝ նշելով, որ «Սասնա ծռեր»-ի ապստամբությունն այդ օրերին կանխեց մի նոր պլանավորած պատերազմ, որով Սերժ Սարգսյանն ուզում էր Արցախի տարածքները հանձնել:

Տպել
1486 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը