Վանաձորը բասկետբոլի թիմ կունենա

Վանաձոր քաղաքը ներկայացված կլինի Հայաստանի բասկետբոլի առաջնությունում։ 2018-19 թթ. մրցաշրջանում «Ուրարտուն», որը անցած տարի A լիգայի առաջնությունում ներկայացնում էր Երեւանը, հանդես կգա Վանաձորից։ Այս մասին այսօր՝ սեպտեմբերի 6-ին, Վանաձորի քաղաքապետարանում կայացած մամուլի ասուլիսի ժամանակ հայտնեց թիմի նախագահ Կարեն Գիլոյանը։ Նա նշեց, որ իրենց նպատակը Վանաձորի մարզական ավանդույթները շարունակելն է։

«Մեր թիմը ներկայացնելու է Հայաստանի 3-րդ քաղաքը, մի համայնք, որը սպորտային շատ լավ պատմություն ունի։ Երկար մտածեցինք ու հասկացանք, որ այստեղ խաղային մարզաձեւ է պետք զարգացնել։ Վանաձորցիները սպորտ սիրում են, խորհրդային տարիներին էլ այստեղ հանդես է եկել բասկետբոլի կանանց «Հատիս» թիմը։ Այդ ամենը հաշվի առնելով՝ որոշեցինք անպայման այնպես անել, որ վանաձորցին հնարավորություն ունենա երկրպագելու իր թիմին»,- ասաց նա։

Քաղաքապետարանը ողջունեց Վանաձորում խաղային մարզաձեւ զարգացնելու գաղափարը։ Քաղաքապետ Մամիկոն Ասլանյանը հպարտությամբ նշեց, որ «Լոռի» ֆուտբոլային թիմը 6 տուրից հետո միանձնյա գլխավորում է Հայաստանի Բարձրագույն խմբի մրցաշարային աղյուսակը։ Նման տրամադրվածություն ու արդյունքներ է ակնկալում նաեւ «Ուրարտուից»։ Քաղաքապետարանն էլ, նրա խոսքով, հնարավորության սահմաններում ամեն ինչ կանի թիմի համար։

«Վանաձորը սպորտային քաղաք է, բայց մենք հիմնականում փայլել ենք մենապայքարային ձեւերում։ Մեր ազգային նկարագրի եւ ընդհանրապես աշխարհում ու երկրում տեղի ունեցող փոփոխությունների ֆոնին կարծում եմ, որ պետք է նաեւ մեր մեջ զարգացնենք կոլեկտիվիզմի մշակույթը սպորտում, եւ կարողանանք նաեւ խաղային մարզաձեւերում առաջընթաց գրանցել։ Արդեն ունենք «Լոռի» թիմը, որը միանձնյա գլխավորում է մրցաշարային աղյուսակը։ Երբ սկզբում՝ մինչեւ թիմը ձեւավորվելը, հանդիպումներ էի ունենում ղեկավարության հետ, միմյանց առաջ պարտավորություններ ենք դրել, որ ինչով կկարողանանք կօգնենք, օրինակ մարդկային, կազմակերպչական ռեսուրսներ տրամադրելու առումով, ֆան ակումբին աջակցելու հարցում մեր ներդրումը կունենանք... Նույնը անելու ենք նաեւ բասկետբոլի թիմի համար։ Մնացածը հետո կորոշենք, արծաթի ու բրոնզի համաձայն չենք, միայն ոսկի ենք ուզում»,- ասաց նա եւ ավելացրեց, որ ինչպես փորձում է չբացակայել «Լոռիի» խաղերից, այնպես էլ կաշխատի միշտ ներկա լինել «Ուրարտուի» հանդիպումներին։

«Ուրարտուն» տնային հանդիպումներն անցկացնելու է Վանաձորի Ստեփան Սարգսյանի անվան մարզապալատում, սակայն առայժմ մարզվելու է Երեւանում։ A լիգան մեկնարկելու է հոկտեմբերին։ Մինչեւ այդ դահլիճում որոշակի աշխատանքներ են տարվելու. փոխվելու են օղակները եւ լուսավորությունը։

Տպել
691 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան