30-ից բարձրին մենակ քիչ փողով հավաքարար կառաջարկեն, ու չեն գրանցե. Գյումրիում կայացավ Աշխատանքի տոնավաճառը

Զբաղվածության պետական գործակալության նախաձեռնությամբ եւ պետբյուջեի ֆինանսավորմամբ՝ Գյումրիում այսօր կայացավ Աշխատանքի 11-րդ տոնավաճառը: 33 գործատու 360 թափուր աշխատատեղ էր ներկայացրել: Դրանցից 300-ն առկա, 60-ը՝ սպասվելիք աշխատատեղերն են:Գործատուներից բացի առաջին անգամ Աշխատանքի տոնավաճառ էին հրավիրվել Գյումրու բոլոր ուսումնական հաստատությունների Կարիերայի կենտրոնների ներկայացուցիչները, ովքեր հնարավորություն ունեցան տեղում ծանոթանալ մասնագիտական թափուր աշխատատեղերին եւ իրենց հարցերն ուղղել գործատուներին՝ առանց միջնորդների:Այլ նորամուծություն էլ կար: Առաջին անգամ Աշխատանքի տոնավաճառում կար ներառական տաղավար: Նաեւ ստորագրվեց «9 քայլ դեպի աշխատաշուկա» հուշագիրը, որը վերաբերում էր աշխատաշուկայում հաշմանդամություն ունեցող անձանց ներգրավմանը: Սա, մասնավորապես վերաբերում էր Գյումրիում հիմնվող «Առաջին ներառական փուռ եւ սրճարան» ծրագրի աշխատակազմի համալրմանը:Այս տարի, ըստ պատասխանատուների՝ մեծապես փոխվել է թափուր աշխատատեղերի որակը: Մատուցողից, բանվորից, առաքիչից ու հավաքարարից կտրուկ անցում է եղել ծրագրավորողներին, վեբ-դիզայներներին, ՏՏ ոլորտի մասնագետներին:

Գյումրիում հիմա մեծապես պահանջված են ճանապարհաշինարարները, քանի որ քաղաքը մեծ շինհրապարակ է հիշեցնում: Ամեն անկյունում շինարարություն է ընթանում՝ 10 շինկազմակերպությունների ներգրավմամբ: Հենց նրանք էլ որակյալ մասնագետների պակաս ունեն:

Քաղաքապետ Սամվել Բալասանյանը հույս հայտնեց, որ թեթեւ արդյունաբերությունում էլ տեղաշարժ կլինի: ««Սաստեքս»-ը, վերջապես երբ որ բացվի, առաջին փուլում 150 աշխատակցի պահանջարկ կունենա»,- ասաց քաղաքապետը:Այսօրվա տոնավաճառում ոմանք իրենց հարմար աշխատանքի հայտեր գտան, ոմանք ամեն տարվա նման բարկացած ու հիասթափված հեռացան:

«Գրեք 30 տարվա գործազուրկ»,- այսպես ներկայացավ գյումրեցի Հասմիկը: Ասաց՝ տոնավաճառն իզուր են կազմակերպել, ահագին էլ փող են ծախսել, բայց անօգուտ է: «Մի քանի երիտասարդի կարող է ընդունեն, բայց մեր տարիքով կանանց՝ չէ, ես չեմ հասկանում, ի՞նչ կմտածե իշխանությունը, մեզի ծերության օրով ի՞նչ թոշակ բդի տա, երբ որ մենք չունենք տարիքային ստաժ: Կառաջարկեն միայն հավաքարար, գումար էլ չկա, մինչեւ հասնիս տեղ, տվածները կծախսես: Բացի դրանից, չեն գրանցում: Ոչ մեկն էլ էդ աշխատանքի համար չի գրանցե հարկայինը, ու կմնաս առանց ստաժ: Կամ էդ դայակների տեղը: Ընչի՞ բդի 30 տարեկանն երտա դայակություն էնե, եւ ոչ  թե՝ 50-ը, ով որ փորձառու տատիկ է, փորձառու կին է: Մինչեւ երբ բդի էս տարիքային անհավասարությունը շարունակվի: Ուղղակի զայրացած եմ»,- ասաց նա:

Սրան հակառակ Գյումրու զբաղվածության տարածքային կենտրոնի տնօրեն Ամալյա Ադամյանը տեղեկացրեց, որ այս տարի գործատուները մտափոխվել, երիտասարդների փոխարեն միջին տարիքի մարդկանց են նախընտրում, պահանջն էլ հիմնավորում են: «Գործատուներ ունենք՝ 35-ից 40 տարեկանի պահանջ են դրել, որովհետեւ մտավախություն ունեն, որ երիտասարդը շուտ է տեղափոխվում, հիասթափվում, իսկ միջին տարիքի մարդը կայացած է, փորձառու է, վստահելի է ավելի»:

Ընդհանուր առմամբ, 2018 թվականի օգոստոսի 1-ի դրությամբ Շիրակի մարզում աշխատանք փնտրողների թիվը 15.600 է, որից 13.700-ը՝ Գյումրիում: Նրանցից գործազուրկի կարգավիճակ ունի 11 216-ը: Գրանցվածների 70 տոկոսը կանայք են: Գյումրու զբաղվածության տարածքային կենտրոնի կողմից տարեսկզբին աշխատանքի է տեղավորվել 631 անձ:

Տպել
1599 դիտում

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին