Ինչպե՞ս վառոդ ստանալ սառույցից. Լիլիթ Ավագյանի հոդվածը

08/09/2018 schedule15:20

«Էն պահին, երբ կհեռանամ վարչապետի կարգավիճակից, պետք է լինեն այլեւս ինստիտուցիոնալ երաշխիքներ, որ որեւէ մեկին հնարավորություն չեն տա իշխանությունը վերցնել ժողովրդի ձեռքից»: Վարչապետ Նիկոլ Փաշինյանն այս միտքն ասաց սեպտեմբերի 6-ի իր տեսաուղերձում:

Սա կարեւոր արձանագրում է: Ավելի՛ կարեւոր է հասկանալ՝ ինչպե՞ս պետք է ստեղծել ինստիտուցիոնալ երաշխիքները:  

Ժողովրդի իշխանությունը հեղափոխության ընթացքում որոշիչ էր:  Ժողովրդի իշխանությունն է այն կապիտալը, որը տրանսֆորմացվել է  վստահության ՝ ուղղված կոնկրետ մեկ անձի: 

Այդ վստահությունը մաշվելու, բայցեւ կրկնապատկվելու ռեսուրս ունի: 

Այսօր, ինչպես եւ 120 օր առաջ, պետական ինստիտուտների ինքնուրույն աշխատանքի համար պետք են պրոֆեսիոնալներ, որոնք կաշկանդված չեն կուսակցական պարտավորվածությամբ: 

Ինքնուրույն մտածող, նախաձեռնող կադրեր, որոնք, մեծ իմաստով, ապակենտրոն կլինեն: Այսինքն՝ նրանց աշխատանքի նպատակը չի լինի մեկ անձին գոհացնելը՝ ինքնահանգստացմամբ, թե այդպիսով՝  անուղղակիորեն գոհացնում են նաեւ հասարակությանը: 

Պետական համակարգն այսօր լիարժեք չի աշխատում:

ԱԺ-ն տձեւ ու ամորֆ մի մարմին է, որի գոյության «փիլիսոփայությունը»  պետական ողջ ապարատի աշխատանքի պարալիզացումն է: ԱԺ ֆորմալ մեծամասնությունը՝ ՀՀԿ-ն,  այս պահին անգամ ավագանու թեկնածու չի առաջադրում՝  խոհեմաբար հասկանալով, որ անցողիկ շեմի ու իրենց միջեւ հսկայական տարածություն կա: Ու այս պարագայում էլ  ՀՀԿ-ն՝ ԱԺ փոխնախագահ Էդուարդ Շարմազանովի, Արմեն Աշոտյանի շուրթերով, ակնարկում է, թե արտահերթ խորհրդարանական ընտրությունների չեն գնա:

Իշխանության կենսագործունեությունն ապահովող մյուս օղակը՝ դատական համակարգը, դեռեւս շարունակում է նախկին ավանդույթը՝ ավելի շուտ մեռած է, քան կենդանի:  

Ինչ վերաբերում է կառավարության աշխատանքին, ապա ակնկալել, որ իշխանության գործադիր թեւն՝ առանց օրենսդիր եւ դատական մարմինների համակարգված աշխատանքի, կկարողանա արդյունավետ աշխատել, պակաս իրատեսական է: Հատկապես որ, անգամ կառավարության նոր անդամները չեն հաղթահարել իրենց ուղղակի ղեկավարին՝ վարչապետին գոհացնելու, նրան հաճելի լինելու բարդույթը:

Գերատեսչությունների որոշ ղեկավարների աշխատանքի արդյունավետությունը հիշեցնում է Սվիվթի հայտնի ուտոպիայի հերոսներին՝  Լագադոյի բարձրագույն ակադեմիայի գիտնականներին: Վերջիններս օրնիբուն աշխատում էին, անգամ քնելն էին  ժամավաճառություն համարում, քանի որ անընդհատ մտածում էին՝  ինչպես վառոդ ստանալ սառույցից, ինչ միջոցներով փափկացնել մարմարն այնքան, որ կարողանան դրանից բարձեր պատրաստել: Ինչպես վարունգից արեւային ճառագայթներ կորզել: Կամ՝ ի վերջո, ո՞ր կողմից է ճիշտ կոտրել ձուն՝ սու՞ր, թե՞ բութ կողմից:

Պետական ողջ համակարգից արդյունավետ են աշխատում, թերեւս, տեսչական պարտականություններ կատարող, ստուգող մարմինները:  

Մյուսները սպասողական փուլում են: Սպասում են Երեւանի ավագանու ընտրությունների արդյունքներին: Սեպտեմբերի 23-ին Երեւանի ավագանու ընտրությունները նաեւ կերեւակեն կուսակցությունների հնարավորությունները խորհրդարանական արտահերթ ընտրություններին:

Այսօր Հայաստանում կատարվող յուրաքանչյուր խնդրի լուծում մարդիկ բացառապես կապում են Նիկոլ Փաշինյանի անձի հետ: Դա  պարտավորեցնող զգացողություն է, սակայն այդ հանգամանքը, մեծ իմաստով, խանգարում է պետական համակարգի կայացմանը: Պետական համակարգը տասնյակ հազարավոր մեծ ու փոքր պտուտակներ են, որոնցից յուրաքանչյուրի ինքնուրույն ու պրոֆեսիոնալ աշխատանքը անհրաժեշտ գործ է ու ընդհանուրի  հաջողության բանալին: Վարչապետը պետք է շրջապատված լինի  պրոֆեսիոնալ, ուժեղ անհատականություններով, որոնք կարող են նրան հակաճառել, չհամաձայնել նրա հետ, սկզբունքային հարցերի շուրջ կտրուկ լինել եւ ոչ թե հիացական հայացքը չկտրել նրանից կառավարության նիստերի կամ հանրահավաքների ժամանակ:

Ինչպես օգոստոսի 17-ի հանրահավաքը ցույց տվեց,  անհրաժեշտության դեպքում հարյուր-հազարավոր մարդիկ պատրաստ են ֆիզիկապես վարչապետի կողքին կանգնել: Սա աննախադեպ աջակցություն է քաղաքական որեւէ գործչի: 

Սա նշանակում է արդար լինել եւ հանգիստ ընդունել սեփական սխալը կամ թիմակցի բացթողումը:

Երեւանի ավագանու ընտրությունները եւս Հայաստանի քաղաքական դաշտի ու հետհեղափոխական իրավիճակի ճշգրիտ գնահատականը կլինեն:

Մայրաքաղաքի բնակիչները թեկնածուներին կընտրեն՝ ըստ կուսակցությունների կամ դաշինքների՞, թե՞ ըստ ծրագրերի:

Սա կարեւոր փորձություն է նաեւ մեզ՝ ընտրողներիս համար:

Երեւանի ավագանու ընտրություններին մասնակցության հայտ ներկայացրած տասներկու ուժերն էլ, ինչպես քիմիկոսի մաքսիմալիստ աշակերտը, հավակնում են ստեղծել այնպիսի նյութ, որն իր մեջ կլուծի գոյություն ունեցող մյուս բոլոր նյութերը: Իսկ ո՞ր ուժը ինքն իրեն հարց կտա՝  ի՞նչ անոթի մեջ պետք է պահել այդ նյութը, կերեւա սեպտեմբերի 23-ից հետո:

Տպել
4840 դիտում

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է

Նոյեմբերի 21-ի դրությամբ` համաներմամբ ազատ է արձակվել 509 դատապարտյալ

ԱՊՀ անդամ երկրների ԱԽ քարտուղարների հանդիպմանը Ա. Գրիգորյանն անդրադարձել է ահաբեկչության դեմ պայքարին

Մհեր Մկրտչյանը Ֆրունզիկ Մկրտչյանի մասին ֆիլմ է նկարահանելու. այլեւս չի վախենում տապալումից

Չխառնել աշխատանքն ու քաղաքական գործունեությունը. քաղաքապետը հանդիպել է դպրոցների տնօրենների հետ

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում