Քաղաքացիները չեն օգնել հրդեհի մարման գործընթացին, քանի որ իրենց չեն թողել ծառահատում անեն

Սեպտեմբերի 7-ին՝ ժամը 14:20-ին, ԱԻՆ-ն ահազանգ է ստացել, որ հրդեհ է բռնկվել Սյունիքի մարզի Վահրավար գյուղի անտառամերձ տարածքում: Պարզվել է, որ այրվել են մոտ 6 հա խոտածածկույթ, 400 ծառ, ջերմահարվել՝ 200 ծառ։ Վահրավար գյուղը ներառված է Լեհվազի վարչական շրջանում: Լեհվազի խոշորացված վարչական շրջանի ղեկավար Ռաֆիկ Մկրտչյանը ՀԺ-ի հետ զրույցում հայտարարեց, որ քաղաքացիները չեն օգնել հրդեհի մարման գործընթացին, քանի որ իրենց թույլ չեն տվել ծառահատում անեն:

- Պարոն Մկրտչյան, ի՞նչ վնասներ է հասցրել հրդեհը:

- Վնասները չեմ կարող ասել` անտառային տարածքում է եղել, Ազգային պարկին էր պատկանում այդ տարածքը: Նյութական չեմ կարող ասել, բայց դե ծառեր կան վառված:

- Ինչի՞ց է բռնկվել հրդեհը:

- Դրանից վատ հրդեհներ էլ են եղել անտառում: Միշտ էլ չի պարզվում, թե ով է վառել, դժվար բան է դա, պիտի ձեռքին բռնես, որ ապացուցես: Ում էլ ասես, կասի՝ ես չեմ, տեսնող էլ չկար, որ ֆիքսի: Հրդեհն էլ արդեն երբ ուժեղանում է, այդ ժամանակ է երեւում:

- Ծառահատումներ տեղի ունենո՞ւմ են այդ գյուղում:

- Ժողովուրդը ոչ գազ ունի, ոչ փայտ ունի: Ոչ մի տեսակի վառելիքի խնդիր չի լուծվել այս տարի:

- Հնարավո՞ր է, որ հենց վառելիքի խնդիրն է ստիպել, որ ինչ-որ քաղաքացի որոշի վառել անտառային տարածքը:

- Չէ, մեր ժողովուրդը այդ աստիճան չէ: Ուղղակի, որ ասենք՝ եկեք օգնեք, կրակը մարենք, ասում են, որ թողնեին փայտ բերեինք, այդ ժամանակ կօգնեինք, բայց դա արդեն ուրիշ հարց է:

- Նշվում է, որ մոտ 400 ծառ է այրվել:

- 400 ծառ ո՞վ է հաշվել, սխալ են գրել: Ոչ ոք այդ մի օրվա մեջ չի կարող բան հաշվել, այնպես չի, որ այդ հատվածում ծառեր շատ են եղել, եղել են կաղնիներ, մախիներ: Ես, որպես անտառտնտեսությունում աշխատած մարդ, հասկանում եմ դրանից:

- Նշվում է նաեւ, որ 6 հա խոտածածկույթ տարածք է այրվել, դա համապատասխանո՞ւմ է իրականությանը:

- Կլինի այդքան, չնայած դա էլ է մոտավոր հաշվարկ: Ներքեւից նայում ու պատկերացնում են, միգուցե նայես՝ 4 հա լինի, միգուցե 7, ո՞վ է չափել, որ իմանա:

- Իսկ նյութական վնասի չափի առումով ինչպե՞ս է հաշվարկվում:

- Դա բնապահպանության նախարարությունն է հաշվարկ անում: Պետք է բոլոր ծառերը հաստություններով չափեն, որ հետո պարզեն:

Տպել
1993 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ