Կաթնաջուրում կրքերը թեժանում են. ինչ ջուր են խմում գյուղացիները

Լոռու մարզի Կաթնաջուր գյուղում տեւական ժամանակ է` բողոքի ցույցեր են տեղի ունենում: Գյուղացիների մի մասը պահանջում է գյուղապետի հրաժարականը: Որպես հիմնական պատճառ բնակիչները մեջբերում են գյուղի խնդիրներն ու դրանց նկատմամբ համայնքի ղեկավարի անտարբերությունը: Գյուղում մթնոլորտը թեժացել է, հատկապես վերջին օրերին, երբ պարզվել է, որ խմելու ջրագիծը, որը կառուցվել է, անորակ ու վտանգավոր նյութեր է իր մեջ պարունակում:

Կաթնաջուրցի Արմեն Ավագյանը Armtimes.com-ի հետ զրույցում հայտնեց, որ գյուղում դեռ 2015թ.-ին ջրագիծ է կառուցվել, շուրջ 200 մլն դրամ գումարով: Ջրագծի կառուցումն արվել է բազմաթիվ խախտումներով ու չարաշահումներով: Ըստ բնակչի, չեն պահպանվել նախագծով սահմանված չափորոշիչները. «Խողովակի տակ պետք է նախ ավազ լցվեր, որ քարերը չջարդեին խողովակները, բայց ավազ չկա, ինչի պատճառով հաճախակի են վթարներ լինում, դա չարաշահում է, պետք է նորմալ ու միատեսակ խողովակ անցկացվեր, բայց 3-4 տեսակի խողովակ են բերել»,-ասաց նա, նշելով, որ սեփական նախաձեռնությամբ խողովակաշարից նմուշ է ուղարկել մասնագիտացված լաբորատորիա, պատասխանը ստացվել է օրեր առաջ, ըստ որի, ջրագծում օգտագործված խողովակաշարը չի համապատասխանում սահմանված չափորոշիչներին, ասել է թե՝ անպիտան է ու առողջության համար վտանգավոր:

Արմեն Ավագյանը պնդեց նաեւ, որ անգամ գյուղապետի ընտանիքի անդամները չեն օգտվում կառուցված ջրագծից հոսող ջրից, փոխարենը ջուրը կրում են բնական աղբյուրներից. «Եթե մաքուր է, ինչու չեն օգտվում»,-ասաց նա: Արմեն Ավագյանը լաբորատոր հետազոտության է ուղարկել նաեւ ջուրը, շուտով կստացվի նաեւ դրա պատասխանը, որն ըստ բնակչի, կրկին որակական շեղում է արձանագրելու:

Գյուղացիներից մի քանիսը, ովքեր չցանկացան ներկայանալ, գյուղապետին մեղադրեցին նաեւ համայնքային բյուջեն վատնելու, ուրիշի սեփականություն հանդիսացող հողամասը իր եղբորը վաճառելու ու տարաբնույթ այլ գործարքների մեջ: Կաթնաջուրցիները տեւական ժամանակ է՝ բողոքի ակցիաներ են իրականացնում ու պահանջում համայնքի շուրջ 20 տարվա ղեկավարի հրաժարականը: Գյուղացիները պահանջում են նաեւ ջրագծի կառուցումն իրականացրած կազմակերպությունից շուրջ 200 մլն դրամ գումարի հետվերադարձ՝ նոր ու որակյալ ջրագիծ կառուցելու համար: Կաթնաջուրի գյուղապետ Արմեն Պապոյանը «Հայկական Ժամանակ»-ի հետ զրույցում նախ կասկածի տակ դրեց ջրագծից վերցված ու հետազոտության ուղարկված խողովակի փաստը, նշելով, որ չկա որեւէ հիմք ու ապացույց, թե որտեղից է տվյալ փորձանմուշը վերցվել ու փորձաքննության ուղարկելու ճանապարհին ինչ միջամտությունների է ենթարկվել:

Պապոյանի խոսքով, ինքը, համապատասխան մարմինների ներկայությամբ, սահմանված ընթացակարգով օրեր առաջ խողովակի փորձանմուշ է ուղարկել. «Հանձնաժողով է կազմվել ընթերակաների հետ միասին, նմուշ է վերցվել, փաթեթավորվել ու կնքվել է, հետո նոր ուղարկվել, որ հանկարծ վաղը մյուս օր շինարարը չասի, թե դա իր խողովակը չէ»: Գյուղապետը վստահեցնում է՝ ինքը եւս շահագրգռված է, որ իրականությունը պարզվի, բայց ոչ թե ներկայացվի այնպես, ինչպես որ որոշ մարդիկ են ցանկանում: Ինչ վերաբերվում է բնակիչների այն դիտարկմանը, թե գյուղապետն անձամբ է ընդունել ու ստորագրել ջրագծի ավարտական ակտը, հետեւաբար, պետք է իմանար կառուցման ընթացքում առաջացած թերությունների մասին, համայնքի ղեկավարը նշեց, որ ինքը միայն ստորագրել է, իսկ որակի պատասխանատուն որակը վերահսկող համապատասխան ընկերությունն է, ում եւ վճարվել է, իսկ եթե ուսումնասիրությունների արդյունքում չարաշահումներ կհայտնաբերվեն, ուրեմն պետք է պատասխան տան բոլորը:

Իր դեմ սկսված արշավը գյուղապետը կապում է նախորդ ընտրություններում մրցակից թեկնածուի պարտության հետ, ով մինչ օրս, ըստ գյուղապետի, ցանկանում է գյուղապետ դառնալ. «Ինչ-ինչ մեթոդների են դիմում, շանտաժներ են անում, բայց իրավապահները հիմա լուրջ զբաղվում են, ովքեր էլ վերջում իրավական գնահատական կտան»,-ասաց նա՝ ավելացնելով, որ ինքն այն եզակի գյուղապետերից է, որի աշխատակազմում իր բարեկամներից եւ ոչ ոք չի աշխատում:

Մեր տեղեկություններով՝ ոստիկանության Սպիտակի բաժնում նյութեր են նախապատրաստվում բնակիչների բողոքի հիման վրա, կապված գյուղապետի վարորդի հաստիքի ու հողատարածքի վաճառքի մասով: Վերջինիս հետ կապված բնապահպանության բաժնում նաեւ վարչական վարույթ է իրականացվում: Արդյունքների մասին կհայտնենք լրացուցիչ:

Տպել
399 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է