Հինգ տարով գնում եմ ծառայության, գնում ենք Երեւանի խնդիրները լուծելու. Հայկ Մարության

Սեպտեմբերի 10-ին մեկնարկեց Երեւանի ավագանու արտահերթ ընտրությունների քարոզարշավը: «Իմ քայլը» դաշինքն այն սկսեց Էրեբունի վարչական շրջանից: Ավագանու անդամների թեկնածուները Հայկ Մարությանի գլխավորությամբ շրջեցին վարչական շրջանի ամբողջ տարածքով՝ բակ առ բակ հակիրճ ներկայացրեցին իրենց նախընտրական ծրագրի կետերը: Երեկոյան նույն վարչական շրջանում տեղի կունենա հանրահավաք՝ վարչապետ Նիկոլ Փաշինյանի գլխավորությամբ:

«Իմ քայլը» դաշինքը նախատեսել է քարոզարշավի յուրաքանչյուր օր տրամադրել մեկ վարչական շրջանի: «12 օր ունենք, եւ յուրաքանչյուր օրը նվիրելու ենք մի վարչական շրջանի։ Ամբողջ օրը լինելու ենք փողոցներում, լսելու ենք քաղաքացիների խնդիրները»,- լրագրողների հետ զրույցում ասաց քաղաքապետի թեկնածու Հայկ Մարությանը:

Սեպտեմբերի 23-ը լինելու է պատմական օր, այդ օրն ունենալու ենք ազատ, անկախ, թափանցիկ ընտրություններ: Սա Հայկ Մարությանի առաջին ուղերձն էր երեւանցիներին, որպես քաղաքապետի թեկնածու: «Այսօրվան մենք սպասել ենք տասնյակ տարիներ: Եվ մենք, մեր երեւանցիները պետք է իրացնեն իրենց իրավունքը, եւ իրենք ընտրեն իրենց իշխանություններին: Երեւանցիներն են որոշելու Երեւանի ապագան, սա ամենակարեւոր ուղերձն է, որը մենք տալու ենք, եւ որը սեպտեմբերի 23-ին մենք բոլորս իրացնելու ենք»,- ասաց նա: 

Անկախ ընտրությունների արդյունքներից՝ Հայկ Մարությանն ընտրվելու դեպքում պատրաստվում է մնալ Երեւանի ավագանու կազմում: «Հայկական ժամանակ»-ի հարցին՝ եթե «Իմ քայլը» դաշինքին չհաջողվի մեծամասնություն կազմել, պատրա՞ստ եք որպես ավագանու անդամ ձեր գործունեությունը ծավալել, Մարությանը պատասխանեց. «Մենք, միեւնույն է, գնում ենք Երեւանի խնդիրները լուծելու, թե որ ֆորմատով է լինելու, ինձ համար կարեւոր չէ: Դուք գիտեք՝ ես ընդհանրապես քաղաքականության մեջ չէի եւ նորից այդ խնդիրներով զբաղվում էի, ինձ համար ֆորմատը կարեւոր չէ: Եթե այսօր հնարավորություն կա ավելի լայն ֆորմատով մասնակցել, ես այդ հնարավորությունը օգտագործելու եմ: Ես իմ առջեւ դրել եմ մի սկզբունք, որ գնում եմ ծառայության՝ 5 տարով»: 

ՔՊ-ի քաղաքապետի թեկնածուն հայտարարեց, որ պատրաստ է համագործակցել ընտրությունների շեմը հաղթահարած ցանկացած քաղաքական ուժի հետ: Ըստ նրա, այդ ուժերը քաղաքապետարանում են հայտնվելու ժողովրդի ցանկությամբ, քանի որ հիմա ընտրությունները լինելու են արդար: «Բոլոր այն ուժերը, որոնք անցնելու են ավագանի, նշանակում է՝ ստացել են ժողովրդի մանդատը, նշանակում է, որ այս մարդիկ լեգիտիմ են, եւ այո, մենք բոլորի հետ պետք է համագործակցենք: Բոլորի ծրագրային լավագույն դրույթները բոլորս միասին ենք իրականացնելու: Իմը եւ քոնը չկա, Երեւանը բոլորինն է, անկախ նրանից՝ մեր օգտին ով է քվեարկել, ով չի քվեարկել: Ոչ մի համագործակցություն չեմ բացառում, որը կարող է էֆեկտիվ աշխատանքին նպաստել»:

Հայկ Մարությանի գլխավորած թիմը Երեւանի փողոցներում շրջեց «Երեւան, քայլ արա» կարգախոսով: Քաղաքացիները քաղաքապետի թեկնածուին մեծ ոգեւորությամբ էին ողջունում: Շատերը հիշեցին այն տարիները, երբ թեկնածուն հայտնի էր որպես դերասան, բայց պայքարում էր տրանսպորտի թանկացման դեմ: Հարցին՝ գումար, եթե առաջարկեն, կվերցնե՞ք ու այլ քաղաքական ուժի քվե տաք, քաղաքացիները պատասխանեցին. «Մեզ փող պետք չի: Մեզ պետք է մեր Հայկն ու մեր Փաշինյանը: Փող բաժանողները շատ ողորմելի վիճակում են, թող գան, ես իրենց փող կտամ»:

Այնուհետ քաղաքացիներն անցան իրենց առօրյա խնդիրների կարգավորմանը: Մասնավորապես, նշեցին, որ տրանսպորտի վիճակը շատ վատ է: «Դռները ջարդած են, մի անգամ պետք է ընկնեի ու սատկեի, փրկի մեզ»,- ասաց քաղաքացիներից մեկը: Քաղաքացիների այս խոսքերին զուգահեռ շենքերից մեկի բակում քաղաքացին մոտեցավ Հայկ Մարությանին եւ հայտարարեց, որ այժմ գտնվում է ամենակոռումպացված թաղամասում:

«Ես այսօր եմ իմացել, որ Բարգավաճը այստեղ կաշառք է բաժանում, մեր տուն չեն մտել, բայց փոստատարները մտնում են մարդկանց տուն ու կաշառք են տալիս։ Այնպիսի մարդկանց տուն են մտնում, ովքեր թոշակ չեն ստանում»,- ասաց Արցախի 10 բ շենքի բնակիչ Ռուզաննա Գրիգորյանը։

Հայկ Մարությանը լսեց քաղաքացու բողոքը եւ նշեց, որ այժմ գտնվում ենք ուղիղ եթերում եւ իրավապահները անհրաժեշտության դեպքում գործին ընթացք կտան:

Տպել
1562 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին