Վերեւի նկարում ՀՀ ֆուտբոլի ընտրանու գլխավոր մարզիչ Վարդան Մինասյանի ու նրա օգնականի բարձր տրամադրությունն այն պահին, երբ թիմը զիջում է 0:2, խոսուն ամփոփումն է, պատճառն ու հետեւանքը նրա, ինչ վերջին 2 խաղում հայ ֆուտբոլասերը տեսնում է նրա սաների կատարմամբ: Անհույս, աննպատակ, անտարբեր.... Ազգերի լիգայի՝ Մակեդոնիայի դեմ խաղով այսպիսի տպավորություն են թողել ֆուտբոլիստները: Նրանց դժգույն խաղն այնպես է զայրացրել, որ երկրպագուները համացանցում իրենց արձագանքներում նույնիսկ նշանակություն չեն տալիս այն փաստին, որ հանդիպման սկզբում մրցավարը ՀՀ դարպասին նշանակեց գոյություն չունեցող 11-մետրանոց:

Դեռ Ազգերի լիգայի D դիվիզիոնի 4-րդ խմբի 1-ին տուրի Լիխտենշտեյնի դեմ տնային հանդիպումից հետո երկրպագուները գոհ չէին, սակայն այդ օրը գոնե անհաջող խաղը միավորների կորստի պատճառ չէր դարձել, ՀՀ-ն հաղթել էր ու կարող էր առանց լարվածության մտածել թերությունների շտկելու մասին: Բայց երեկ՝ սեպտեմբերի 9-ին, Սկոպյեի «Ֆիլիպ II» մարզադաշտում տեղի ունեցածից հետո ֆուտբոլասերները չեն ներում: Նրանք ֆուտբոլիստների գործողությունները վարանում են ֆուտբոլ անվանել: Ու, թեեւ այս հանդիպումից հետո ՀՀ-ն խմբում 2-րդն է ու դեռ չի կորցրել 1-ինը լինելու շանսերը, խաղն այնպիսի տհաճ զգացողություններ է առաջացրել, որ մարդիկ, կարծես, ամեն ինչ ավարտված են համարում Ազգերի լիգայում: Հիմնական մեղավորն էլ, ըստ նրանց, գլխավոր մարզիչ Վարդան Մինասյանն է:

Նրանց կարծիքով՝ չի երեւում՝ ինչի հաշվին Մինասյանի թիմը պետք է ցույց տա, որ D դիվիզիոնում ընդգրկված Եվրոպայի ամենաթույլ 16 հավաքականների մեջ ամենաուժեղն է կամ ուժեղներից մեկը: Նրա վերադարձը շատերը մեծ ոգեւորությամբ էին ընդունել, մինչեւ այդ խաղերի ընթացքում երկրպագուները նույնիսկ մարզադաշտում նրա նշանակումն էին պահանջում, քանի որ նրա անվան հետ են կապված հավաքականի մեծագույն հաջողությունները: Եկավ, հրավիրեց հարձակվող Յուրա Մովսիսյանին, որը նույնքան սպասված էր, ու ավելի մեծացրեց մարդկանց հույսերը: Բայց այն կրակը, որը, նրա խոսքով, ֆուտբոլիստների աչքերում պետք է լիներ ու որը ինքը նկատել էր մարզումների ժամանակ, երկրպագուները այդպես էլ չտեսան խաղադաշտում: Լիխտենշտեյնի ու Մակեդոնիայի դեմ խաղերում նա հաջողացրեց հիասթափեցնել ընտրանու աջակիցներին:

2 դրվագ ֆուտբոլասերներին հատկապես վրդովեցրել էր: Առաջինը այն է, որ Մակեդոնիայում մեկնարկային կազմում Մինասյանը չէր ընդգրկել Լիխտենշտեյնի դեմ խաղում աչքի ընկած 2 ֆուտբոլիստներին՝ Արաս Օզբիլիսին եւ Մարկոս Պիզելիին: Անհամոզիչ հաղթանակում (2:1) հիմնականում այդ 2 խաղացողներն էի առանձնացել նվիրվածությամբ ու իրենց առավելագույնն անելու պատրաստակամությամբ, մեծամասամբ նրանց շնորհիվ էր, որ ՀՀ-ն միավորներ չէր կորցրել:

Գումարած սրան՝ գլխավոր մարզիչը իր օգնականի հետ նստած պահեստայինների նստարանին ժպտալով ինչ-որ բան էր քննարկում այն պահին, երբ թիմը շատ կարեւոր խաղում անհույս պարտվում է 0:2 հաշվով: Այսքանից հետո, երեւի, կզայրանա, երբ իմանա, որ երկրպագուները կասկածում են հավաքականին նրա նվիրվածության վրա: Մակեդոնիայի դեմ խաղից հետո մասնագետի տված բացատրություններն էլ դժվար թե փարատեն նրանց կասկածները: Անկազմակերպ, թափթփված, բազմաթիվ խախտումներով, գրեթե պահեր չստեղծած հանդիպումից հետո Մինասյանը հետխաղյա ասուլիսում հայտարարել է.

1) «Մենք մտածված գնդակը հանձնել էինք Մակեդոնիային եւ առաջին խաղակեսի համար մշակված մարտավարությունն աշխատում էր»:

2) «Մեր մոտ թիմային խաղը լավ մակարդակի վրա է»:

3) «Չեմ կարծում, որ մենք սխալվել ենք թե՛ կազմի, թե՛ մարտավարության առումով»:

Եթե մրցակիցը աչքի ընկներ անհամեմատ բարձր մակարդակով ու որակի խաղով, գուցե այս մեկնաբանությունները ընդունելի լինեին. դե ինչ արած խաղացել ենք, բայց հզոր մրցակցին դիմակայել չի ստացվել: Բայց Մակեդոնիան առանձնապես բարդ հակառակորդ չէր, այնպես չէ, որ նրանց մոտ ամեն ինչ իդելական էր, որ գերազանցում էին, որ անպարտելի էին, բայց հայերը թույլ տվեցին, որ իրենց հաղթեն առանց լուրջ ջանքեր գործադրելու:

2 խաղով Վարդան Մինասյանը կորցրեց երկրպագուների հավատը ու վստահությունը, որը ձեռք էր բերել 2009-2013 թթ. ընթացքում ընտրանին գլխավորելու տարիներին: Այժմ շատերը սպասում են նրա հրաժարականին: Ավելին՝ մտածում են, որ Մակեդոնիայի դեմ պարտության ընթացքում նրա ծիծաղելը արդեն իսկ նշանակում է, որ տրամադրված է հեռանալ, բայց, եթե 2013-ին նրան ճանապարհեցին մեծ շուքով ու գրկաբաց սպասում էին վերադարձին, ապա այս անգամ դժվար թե նրան ընտրանու ղեկին տեսնելու ցանկությամբ կրկին հանդես գան:

Տպել
3675 դիտում

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով