Ես չեմ կարող քվեախցիկում ընտրողի ձեռքը բռնել. Զեյնալյանը՝ ՀՀԿ-ի կողմից սատարում ստանալու մասին

«Դեպի ներառական Երեւան» հանրային քննարկման շրջանակներում Երեւանի ավագանու արտահերթ ընտրություններին մասնակցող «Լույս» դաշինքը ներկայացրեց որոշ ծրագրային դրույթներ: Քաղաքապետի թեկնածու Արտակ Զեյնալյանի շտաբի ղեկավար Դավիթ Խաժակյանը նշեց, որ Երեւանում վերելակները, ավտոբուսները եւ փողոցների անցումները հարմարեցված չեն հաշմանդամություն ունեցող անձանց համար:

«Նոր ավտոբուսները, որոնք ձեռք կբերվեն, պետք է ունենան հարթակներ՝ հաշմանդամություն ունեցող անձանց համար: Առ այսօր կան բարեկարգման աշխատանքներ, որոնք չեն ներառում շենքի մատչելիությունը, եթե ներառում էլ են, ապա միայն առաջին հարկերին: Սա վերաբերվում է նաեւ վարչական շենքերին: Կարծում եմ, որ ավագանին այստեղ գործ ունի անելու, Երեւանի ՏԻՄ օրենքը թույլ է տալիս, որ ավագանին կարող է խստացնել պահանջները, որպեսզի շենքը 100 տոկոսով լինի մատչելի: Վերելակների դռները նեղ են, սայլակները չեն կարողանում մուտք գործել: Նոր վերելակային տնտեսության դեպքում պետք է հաշվի առնել մուտքերի լայանցումը: Ճիշտ է, սա ծախսերը շատացնում է, բայց լուծվում է հստակ խնդիր»,- ասաց նա:

Քննարկմանը մասնակցող քաղաքացիներից մեկն էլ բարձրաձայնեց այն մասին, որ միայն ֆիզիկական հաշմանդամություն ունեցող անձանց մատչելիությունն ապահովելու մասին է խոսք գնում: «Արդյո՞ք տրանսպորտը, վերելակը եւ փողոցը հարմար է լինելու տեսողության, լսողության հետ խնդիրներ ունեցող անձանց համար»,- հարցրեց ներկաներից մեկը:

Դավիթ Խաժակյանը նշեց, որ, օրինակ վերելակների հագեցվածությունը քաղաքացու նշած չափանիշներով ապահովելը ենթադրում է ավելի շատ ծախսեր: «Դա լինելու է փուլային, մենք առաջարկում ենք՝ լայնացնել վերելակների մուտքերը, հետո զբաղվել մյուս հարմարությունների ստեղծմամբ»:

Արտակ Զեյնալյանն էլ իր հերթին հայտարարեց, որ ընտրվելու դեպքում ձեռնարկելու են հաշմանդամությունը կանխող գործողություններ: «Երեւանում կառավարում իրականացնելու ենք մենք, մենք դառնալու ենք խնդիրների լուծողը: Մենք փողը ստեղծելու ենք եւ անելու ենք բոլոր գործերը, պաշտպանելու ենք մեր իրավունքները: Մենք Երեւանում իրականացնելու ենք խելքով եւ սրտով: Մենք, որպես իշխանություն, անելու ենք ամեն ինչ, որպեսզի նվազեցնենք հաշմանդամության ռիսկերը: Բարելավելու ենք առողջապահությունը, երթեւեկությունը, արտադրությունը: Մեր խնդիրները չենք հանձնելու ուրիշին, նրանք, ովքեր նշանակվելու ենք քաղաքապետ, ծառայելու են մեզ: Մենք առանց մուննաթի լուծելու ենք բոլոր խնդիրները: Ես հաշմանդամ եմ, բայց երբեք չեմ նվնվացել, գնացել եմ առաջ եւ լուծել եմ հանրային խնդիրներ: Ես ինձ հավասարապես համարել եմ պատասխանատու: Չեմ սպասել, որ ինձ ինչ-որ մեկը ինչ-որ բան տալու է»,- ասաց նա:

Մամուլում մի քանի օր է՝ տեղեկություններ են շրջանառվում, որ ՀՀԿ-ն, որը չի մասնակցում այս ընտրություններին, սատարելու է «Լույս» դաշինքի թեկնածու Արտակ Զեյնալյանին: «Հայկական ժամանակ»-ը Զեյնալյանից հետաքրքրվեց՝ արդյո՞ք ՀՀԿ-ն քաղաքական խոստում տվել է, որ իսկապես սատարելու է իրեն: Արտակ Զեյնալյանը պատասխանեց, որ նման խոստում չի եղել, բայց թեկնածուի պատասխանից պարզ դարձավ, որ նա դեմ չի լինի, եթե ՀՀԿ-ից սատարում լինի:

«Մենք ակնկալում ենք, որ Երեւանում հակամարտություն չի ձեւավորվելու: Երեւանում մերժվածներ չեն լինելու, ով ուզում է քվեարկել իմ օգտին՝ բարով քվեարկի: Ես չեմ կարող գնալ, քվեախցիկում ընտրողի ձեռքը բռնել, որ իմ օգտին չքվեարկի: Բոլորը պետք է գիտակցեն, որ սա իրենց տունն է եւ իրենք իրենց տանը մերժված չեն: Որեւէ մեկի հետ պայմանավորվածություն ձեռք չեմ բերել, պայմանավորվածություն ձեռք ենք բերում Երեւանի բնակչի հետ: Կուլիսային, անբարոյական պայմանավորվածություններ ոչ մեկի հետ ձեռք չենք բերել»,- ասաց նա:

«Հայկական ժամանակ»-ի մյուս հարցին՝ վարչապետ Նիկոլ Փաշինյանի երեկվա ելույթը «Լույս» դաշինքին վերաբերվու՞մ էր, որտեղ նա ասում էր, թե կան սեւ ուժեր, որոնք հեղափոխության անունն են շահարկում, բայց ՀՀԿ-ի հետ պայմանավորվածություն են ձեռք բերում, Արտակ Զեյնալյանն ասաց. «Ես ժամանակ չեմ ունեցել ելույթը լսել եւ ընկալել ամբողջությամբ: Ձեր փոխանցածի վերաբերյալ կարծիք չեմ կարող ասել: Ես կասեմ հետեւյալը, որ Հայաստանում պետք է անցկացվեն արտահերթ խորհրդարանական ընտրություններ, դա անհրաժեշտություն է»:

Տպել
1757 դիտում

ԵՊՀ ՈՒԽ կանոնադրությունն արդեն ԿԳՆ-ում է, սպասում են հաստատմանը

ԱԺ աշխատակազմում թափ են առել հակաօրինական գործողությունները, որոնք քողարկվում են. ԱԺ աշխատակից

Տորոնտոյի հայկական եկեղեցին կարող է օտարվել, շինությունը վտանգի տակ է. դրամահավաք է մեկնարկել

Լիխտենշտեյնի միակ հայկական ընտանիքը՝ Հայաստանի հավաքականի մարզմանը

«Թումո»-ի եւ ֆրանսիական INCO-ի միջեւ ստորագրվել է համաձայնության հուշագիր (լուսանկարներ)

Հարեւանները Սամվել Բալասանյանին թարս ու շիտակ են նայել

2 տղամարդ «Հաղթանակ» կամրջի եզրագիծն անցել են և սպառնում են ինքնասպան լինել, պահանջում են Ն. Փաշինյանին

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ