Ես ամեն ինչ կանեմ, որ ձեր հույսերն արդարացնեմ, անպայման եկեք ընտրության. Հայկ Մարության

Այսօր «Իմ քայլը» դաշինքի՝ Երեւանի քաղաքապետի թեկնածու Հայկ Մարությանն իր նախընտրական քարոզարշավը սկսեց Դավթաշեն թաղամասից.

«Սիրելի՛ երեւանցիներ, հարգելի՛ քաղաքացիներ, «Իմ քայլը» դաշինքի ավագանու անդամներն այսօր ամբողջ օրը լինելու են ձեր համայնքում, լսելու են ձեր խնդիրները, պատասխանելու են ձեր հարցերին»,- քարոզարշավի մեկնարկին հայտարարեց քաղաքապետի թեկնածու Հայկ Մարությանը՝ հավելելով, որ այսօր երեկոյան, ժամը՝ 19:00-ին, Դավթաշեն համայնքում լինելու է նաեւ հանրահավաք, որի ժամանակ «Իմ քայլը» դաշինքի անդամները ներկայացնելու են իրենց նախընտրական ծրագիրը: Հանրահավաքին ներկա է լինելու նաեւ Նիկոլ Փաշինյանը:

Այս պահին Մարությանն ու «Իմ քայլը» դաշինքի ավագանու թեկնածուները շրջում են Դավթաշենի փողոցներով, խոսում ընտրողների հետ: Մարությանը քաղաքացիներին կոչ է անում անպայման մասնակցել ընտրություններին՝ նշելով, որ դրանք արդար են անցնելու: Քաղաքացիները ներկայացնում են իրենց բողոքները, իսկ Մարությանը դրանք գրանցում է իր մոտ:

«Քսանքանի տարի չենք ունեցել թափանցիկ ընտրություններ: Վերջապես բոլորս արեցինք հեղափոխություն, որ ունենանք թափանցիկ ընտրություններ: Դրա համար բոլորս պետք է իրացնենք մեր իրավունքը: Գնանք ընտրությունների, ընտրենք: Մեր ձայնը լսելի է, ձայնը չի կեղծվելու, ոչ մեկը չի գողանալու: Թույլ չենք տալու: Ընտրությունները վերջապես լինելու են արդար, դրա համար պիտի բոլորս գնանք»,- բնակիչներին ասաց Հայկ Մարությանը:

Դավթաշենի մի քանի բնակիչներ Հայկ Մարությանին դիմեցին նաեւ դատապարտյալների հետ կապված խնդիրներով, հարցրին համաներման մասին: Մարությանը բնակիչներին ասաց, որ թեեւ մեր դատական համակարգն այս պահին հին համակարգն է, եւ չնայած նրան, որ հարցի բուն հասցեատերն ինքը չէ, այնուամենայնիվ, վարչապետ Նիկոլ Փաշինյանը տեղյակ է այս խնդիրներից.

«Տեսեք՝ դատական համակարգն ու քաղաքապետարանը տարբեր են: Հայաստանում հեղափոխություն եղել է, այո, բայց դատական համակարգը մնացել է հինը: Բայց առջեւում Ազգային ժողովի արտահերթ ընտրություններ են: Այդ ժամանակ, երբ ընտրությունները կլինեն, կսկսի փոխվել նաեւ դատական համակարգը: Մինչ այդ՝ մեր կառավարությունը հստակ եւ սկզբունքային ասել է, որ չի խառնվելու դատարանների աշխատանքին: Իսկ համաներման մասով՝ դա կառավարության գործառույթն է, մենք իսկապես չգիտենք: Ինձ հարցնում են՝ լինելու է, թե՝ ոչ, ես չգիտեմ, բայց հստակ ասում եմ՝ ամեն ինչ լինելու է իր հերթին»,- ասաց Հայկ Մարությանը:

Քարոզարշավի ընթացքում Հայկ Մարությանը ծաղիկներ դրեց Դավթաշենի՝ Արցախյան ազատամարտի զոհերի հիշատակի արձանի մոտ:

Տպել
1465 դիտում

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է

Նոյեմբերի 21-ի դրությամբ` համաներմամբ ազատ է արձակվել 509 դատապարտյալ

ԱՊՀ անդամ երկրների ԱԽ քարտուղարների հանդիպմանը Ա. Գրիգորյանն անդրադարձել է ահաբեկչության դեմ պայքարին

Մհեր Մկրտչյանը Ֆրունզիկ Մկրտչյանի մասին ֆիլմ է նկարահանելու. այլեւս չի վախենում տապալումից

Չխառնել աշխատանքն ու քաղաքական գործունեությունը. քաղաքապետը հանդիպել է դպրոցների տնօրենների հետ

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ