Երեւան քաղաքի բյուջեն շուրջ 170 միլիոն դոլար է կազմում, որի 70%-ը միշտ յուրացրել են. Փոստանջյան

«Երկիր Ծիրանի» կուսակցության նախագահ, Երևանի քաղաքապետի թեկնածու Զարուհի Փոստանջյանն իր նախընտրական քարոզարշավն այսօր սկսեց Էրեբունի վարչական շրջանի Սասունցի Դավթի արձանի հարակից տարածքից:

Քաղաքապետի թեկնածուն շրջայց կատարեց Էրեբունի վարչական շրջանի ողջ տարածքով, հակիրճ ներկայացրեց իրենց նախընտրական ծրագիրը: Վստահեցրեց, որ այդ տարածքում առավել սուր է արտահայտված ջրամատակարարման եւ ջրահեռացման խնդիրները:«Շուրջ մեկ տարի լինելով Երեւանի ավագանիում՝ ամբողջ համակարգը լավագույնս ուսումնասիրել եմ, եւ՛ կառավարման համակարգը, եւ՛ գումարների շարժը: Բազմաթիվ պայմանագրեր են կնքվել Երեւանի քաղաքապետարանի եւ տարբեր տնտեսվարողների միջեւ, սակայն պայմանագրերի ներքո որակյալ ծառայություններ չեն մատուցվել մեր քաղաքացիներին: Այս ամենը վերանայման կարիք ունի»,-ասաց Փոստանջյանը:

Շրջայցի ընթացքում յուրաքանչյուր քայլափոխի Փոստանջյանը թափված աղբի եւ մայրաքաղաքի այդ հատվածի կեղտոտ վիճակի ականատեսը լինելով՝ բարձրաձայնեց. «Աղբամաններից տարածվող գարշահոտը ուղեկցում է մեզ յուրաքանչյուրիս, մենք պետք է հասկանանաք, որ այլեւս չենք շարունակելու ապրել նման ձեւով Երեւանում, մենք չենք ցանկանում մուծումներ կատարել՝ չստացած ծառայությունների դիմաց»:Քաղաքապետի թեկնածուն խոսեց Էրեբունի թաղամասի քաղաքացիների հետ, որոնք բարձրաձայնեցին իրենց համար կարեւոր հիմնախնդիրները: Փոստանջյանի հետ զրույց ունեցած տարեց մարդիկ կարեւորեցին աղբահանության եւ թոշակների հարցը: Քաղաքապետի թեկնածուն խոստացավ ընտրվելու դեպքում հետամուտ լինել բոլոր տեսակի խնդիրներին:«Շատ արագ տեղի է ունենալու տրանսպորտի բարելավումը՝ ընդամենը մի քանի ամիսների ընթացքում, քաղաքի մաքրությունը նույնպես շատ արագ է արվելու»-ասաց նա: Վերջինս նշեց, որ կան խնդիրներ, որոնք պահանջում են երկարաժամկետ լուծումներ, դրանցից է՝ աղբամշակման գործարանի կառուցումը, մետրոյի նոր կայարանների բացումը եւ այլն:

Զարուհի Փոստանջյանը հիմնական շեշտադրումը դրեց աղբահանության եւ աղբի վերամշակման վրա: Վստահեցրեց, որ աղբի վերամշակման գործարանները, բացի թափոնները վերացնելուց, կարող են եւ շատ շահութաբեր լինել: Փոստանջյանը վստահեցրեց, որ փողոցների մաքրումը եւ աղբահանությունը կարվի շատ կարճ ժամկետում:

«Այս պահի դրությամբ Երեւան քաղաքի բյուջեն կազմում է շուրջ 170 միլիոն դոլար, համաձայն մեր ուսումնասիրությունների՝ այս բյուջեի շուրջ 70 տոկոսը տարիներ շարունակ ապօրինի է յուրացվել, հետեւաբար սրանք այն գումարներն են, որոնք հնարավոր է հետագայում օգտագործել մեր ծրագրերն իրականացնելու համար»-ասաց նա:

Վերջինս համոզված է, որ իր ընտրվելու դեպքում կարողանալու է ստեղծել զբոսաշրջության համար նպաստավոր պայմաններ: «Շենգավիթի դամբարանից հայտնաբերված շուրջ 6000 տարի առաջվա մարդու գանգը համընկնում է հայ մարդու գանգի հետ, այդ մասունքները կարող ենք ցույց տալ ողջ աշխարհին, դա վկայում է մեր հնագույն ազգ լինելու մասին: Երեւանը, լինելով հին մշակութային քաղաքակրթության կենտրոն, մասնավորապես Շենգավիթը, էրեբունի բերդաքաղաքն ու Կարմիր բլուրը, զբոսաշրջության հիանալի կենտրոն կարող են լինել: Ցավալին այն է, որ դրանք ուշադրության կենտրոնում չեն եղել, եւ աղբի ու անուշադրության մեջ կորած են այդ թանգարանները, մինչդեռ գտնվում են Երեւանի ենթակայության տակ»,-ասաց նա:

Քաղաքապետի թեկնածուն անդրադարձավ մայրաքաղաքում հասարակական զուգարանների խնդրին: «Երեւանը հագեցված չէ զուգարաններով, սա զբոսաշրջության տեսանկյունից եւ զուտ մարդկային համակեցության կանոնների տեսանկյունից կոպիտ բացթողում է, այստեղ նույնպես մեր ծրագրի մեջ դրույթ ենք ներառել, եւ սա նույնպես մեր գործողությունների մեջ է մտնելու»,-ասաց նա:Լրագրողների հարցին, թե ինչպես է գնահատում քաղաքապետ ընտրվելու իր շանսերը, Փոստանջյանն ասաց. «Մեր քաղաքացիները կարող են եւ  հնարավորություն ունեն այս ընտրությունների միջոցով ունենալ իրենց համար ծառայող քաղաքային իշխանություն: Ինչ վերաբերում է իմ շանսերին, ապա ես դրանք այսպես եմ գնահատում, եթե ցանկանան, որ իրենց ծառայեմ, ապա ես այդ ծառայությունը կստանձնեմ»:

Տպել
4081 դիտում

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը