Պետական գաղտնիք. ո՞վքեր են ՏԸՀ անդամները

19/09/2018 schedule15:35

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 17-ի համարում

Երեկ հայտնի դարձավ, որ թիվ 9 ընտրատարածքային ընտրական հանձնաժողովի նախագահ Եղիշե Տերտերյանը որոշել է իրենց ընտրատարածքի տեղամասային ընտրական հանձնաժողովների անդամների տվյալները դարձնել «պետական գաղտնիք» եւ չտրամադրել Կենտրոնի թաղապետի թեկնածու, ՀԺԿ անդամ Ռուզան Խաչատրյանի վստահված անձին: Ռ.Խաչատրյանը մեզ հետ զրույցում ասաց, որ ՏԸՀ անդամների տվյալները (անուն, ազգանուն, հայրանուն, աշխատանքի վայր եւ նշանակող) իրենց անհրաժեշտ են եղել, որպեսզի իրենք անձամբ պարզեն, թե ովքեր են ՏԸՀ անդամները: «Ցանկանում ենք անվանական ծանոթանալ հանձնաժողովի անդամների տվյալներին, որպեսզի համոզվենք՝ արդյո՞ք նրանց մեջ չկան մարդիկ, ում Ընտրական օրենսգիրքն արգելում է ՏԸՀ անդամ լինել»,- ասաց Ռ.Խաչատրյանը:

Իհարկե, ՏԸՀ անդամների տվյալներն ուսումնասիրելու արդյունքում մեկ այլ հանգամանք եւս կարող է իհայտ գալ, ինչի մասին Ռ.Խաչատրյանը չի խոսում: Այդ տվյալներն ուսումնասիրելուց հետո պարզ կլին, թե ովքեր են «Ազգային միաբանություն» կուսակցության կողմից նշանակված ՏԸՀ անդամները եւ արդյոք նրանք եւս Կենտրոնի թաղապետ Գագիկ Բեգլարյանի կողմնակիցներ չեն: Բանն այն է, որ Ռ.Խաչատրյանի մոտ կասկածներ կան, որ ՏԸՀ-ի «ԱՄ» տեղերը եւս տրվել են Գ.Բեգլարյանին: Իսկ մինչ այդ ՀԺԿ-ի թեկնածուն ուշադրություն հրավիրեց այն հանգամանքին, որ երբ ՏԸՀ առաջին նիստերում «Արդարությունը» ներկայացնող անդամներն ինքնաառաջադրվել են հանձնաժողովի նախագահ, տեղակալ եւ քարտուղար, բոլոր երեք դեպքում էլ «ԱՄ» անդամները, իշխանություններին ներկայացնող մնացած 7 անդամների հետ միասին, իրենց «դաշնակից» ընդդիմադիր անդամի թեկնածությանը դեմ են քվեարկել:

««Արդարություն» դաշինքը ներկայացնող ՏԸՀ անդամների թեկնածությանը, հանձնաժողովների գերակշռող մեծամասնությունում, դեմ են քվեարկել մնացած բոլոր 8 անդամները, այսինքն՝ «ԱՄ» ներկայացուցիչները եւս: «Իսկ այստեղից բխող հետեւությունները թողնում եմ ձեզ»,- ասաց Ռ.Խաչատրյանը: Ինչեւէ, բոլոր հարցերի պատասխանները հնարավոր կլինի ստանալ եւ կասկածները փարատել միայն մեկ ճանապարհով՝ ՏԸՀ անդամների ցուցակներն ուսումնասիրելով, բայց ինչպես արդեն նշեցինք՝ թիվ 9 ԸԸՀ նախագահ Ե.Տերտերյանը հրաժարվել է այդ փաստաթղթերի պատճեները տրամադրել: Սկզբում ՏԸՀ անդամների ցուցակներն ստանալու նպատակով Ե.Տերտերյանին է դիմել Ռ.Խաչատրյանի վստահված անձ Սոնա Մուրադյանը:

Վերջինս մեզ հետ զրույցում ասաց, որ Ե.Տերտերյանն իրեն կոպտորեն մերժել է՝ ասելով, թե ո՞վ է Խաչատրյան Ռուզանը, որ պետք է նման տվյալներ ուզի: Այնուհետեւ, Ե.Տերտերյանին է զանգել անձամբ թեկնածուն: Վերջինիս խոսքերով ԸԸՀ նախագահը իր հետ եւս սկզբում կոպիտ է խոսացել, եւ ինքը ստիպված է եղել նրան կարգի հրավիրել: Տերտերյանը նախ ասել է, որ ցուցակները ձեռագիր են, եւ թող վստահված անձը գա ու նստի մեկառմեկ դրանք արտագրի (խոսքը 52 տեղամասային ընտրական հանձնաժողովների անդամների տվյալների մասին է): Իսկ պատճենահանելու առնչությամբ, ըստ Ռ.Խաչատրյանի, ասել է, որ իրենք պատճենահանող սարք չունեն:

 

Ե.Տերտերյանը մեզ հետ զրույցում հաստատեց, որ ինքը հրաժարվել է ՏԸՀ անդամների ցուցակների պատճեները տրամադրել Ռ.Խաչատրյանի վստահված անձին, սակայն մեզ հետ զրույցում նա փորձում էր իր գործողություններին ինչ-ինչ իրավական հիմնավորումներ տալ: Մասնավորապես, նա մատնանշեց ԿԸՀ-ի հունիսի 22-ի «Ընտրական հանձնաժողովների կազմի վերաբերյալ տեղեկություններ հրապարակելու կարգը սահմանելու մասին» որոշումը: Սակայն վերը բերված որոշման միայն վերնագիրը բավական է, որպեսզի հասկանալի լինի, որ այդ որոշումը բոլորովին այլ բանի մասին է, իսկ ՏԸՀ անդամների ցուցակների եւ այլ ընտրական փաստաթղթերի պատճենեները վստահված անձանց պարտավոր են ԸԸՀ-ները տրամադրել, քանի որ այդպես է նախատեսում Ընտրական օրենսգիրքը:

Ե.Տերտերյանից մենք հետաքրքրվեցինք նաեւ, թե արդյոք իր մերժումը նշանակում է, որ ՏԸՀ անդամների ցուցակները գաղտնի փաստաթղթեր են, եւ իրենից բացի ոչ ոք իրավունք չունի դրանց հետ ծանոթանալ: Պարզվեց, որ ըստ նրա՝ դրանք բաց փաստաթղթեր են, բայց ինչպես ինքն ասաց` վստահված անձին «իրավունք չունի» դրանք տրամադրել: Ե.Տերտերյանը նունիսկ չբացառեց, որ այդ ցուցակներն իրենց ձեռքին ունենալով՝ Ռ.Խաչատրյանի կողմնակիցները կարող են ահաբեկել ՏԸՀ անդամներին: Եթե խնդրին այս տեսանկյունից մոտենանք, ապա ստացվում է, որ արդեն ցուցակն ունեցող թիվ 9 ԸԸՀ-ում մի լավ ահաբեկել են ՏԸՀ անդամներին եւ չեն ուզում, որ ուրիշներն էլ նրանց անհանգստացնեն:

Ինչեւէ, ակնհայտ է, որ թիվ 9 ԸԸՀ նախագահը փորձում է իր մերժումն ինչ-որ կերպ տեղավորել իրավական հարթությունում, սակայն, կարող ենք ասել, որ անհնար է այդ անել: Օրինախախտումն էլ ավելի խորացնելու համար Ե.Տերտերյանի ղեկավարած ԸԸՀ-ին մնում է մի կողմ դնել ԸՕ-ն եւ ձայների մեծամասնությամբ Ռ.Խաչատրյանի վստահված անձի դիմումը մերժելու մասին «կոլեգիալ որոշում» կայացնել: Ի դեպ, «կոլեգիալ որոշում» ձեւակերպումը ընտրական հանձնաժողովների անդամները սիրում են օգտագործել իրենց ապօրինությունները քողարկելու համար:

Հ.Գ. «Ազգային միաբանության» մեկնաբանությունները կներկայացնենք մեր թերթի առաջիկա համարներից մեկում:

Վահագն Հովակիմյան

Տպել
1711 դիտում

Քառօրյա պատերազմի վերաբերյալ կարդացել եմ տասնյակ էջերով գաղտնի նյութեր, հետախուզության նյութերի բացակայություն չի եղել

Նախիջեւանի դիրքերի տեղաշարժերի 95 տոկոսը տեղի է ունեցել 2018 թվականի փետրվար-մայիս ամիսներին. Փաշինյան

Փախուստի փորձ «Նուբարաշեն» քրեակատարողական հիմնարկից. մեղադրանք է առաջադրվել 8 անձի

Փաշինյանը՝ Լուկաշենկոյի այն հայտարարության մասին, թե ինչու Պուտինին բան չի ասում Ադրբեջանին զենք վաճառելու համար

Հանրային ռադիոյի գործադիր տնօրեն Մարկ Գրիգորյանը հրաժարական տվեց

Թեւակոխում ենք առավել ինտենսիվ եւ ընդարձակ ծրագրերի կազմման ու իմպլեմենտացման փուլ. Նիկոլ Փաշինյան (տեսանյութ)

ՀՀ ոչ մի կառավարություն Ղարաբաղի հարցում այդքան թափանցիկ չի եղել, որքան մեր կառավարությունը․ Փաշինյան

Նրանք ՊԲ հնաբնակներ են. Փաշինյանը՝ Արցախի ՊԲ-ում տեղի ունեցած փոփոխությունների մասին

2018-ին ոչ մի անգամ չեմ հանդիպել ֆեդերացիայի նախագահի հետ. Ստեփանյանի քննադատությունը

Կրեմլում անհանգիստ են ԱՄՆ-ի ֆինանսավորած լաբորատորիաներով

Գլխավոր հատակագիծ. ամեն հայի հույսի տուն...

Դեբեդավանի դպրոցի տնօրենն իր հրազատներին տեղավորել է աշխատանքի եւ սեփականացրել դպրոցը․ նամակ՝ Փաշինյանին

Վանդալիզմը Երեւանում. Բուզանդը դիմադրում է հացադուլով

Բուհական. արտահե՞րթ, թե՞ հերթական ռեկտորներ

Կանխվել է «Լուսակերտ» ՍՊԸ-ի կողմից կեղծարարության միջոցով սննդամթերքի ներկրման փորձը․ ՍԱՏՄ

Հանրային ռադիոյում լուրեր են պտտվում, որ տնօրենը հրաժարական է տվել. Մարկ Գրիգորյանը դեռեւս չի մեկնաբանում

Վրաստանի ընդդիմությունն ընտրությունների արդյունքների չեղարկման պահանջով կդիմի ՄԻԵԴ

Հանրային ռադիոյում կրքերը չեն հանդարտվում․ աշխատակիցները Մարկ Գրիգորյանին մինչեւ 16:30-ը ժամանակ են տվել

Երկու տուն-ինտերնատից խարդախության եղանակով հափշտակվել է խոշոր չափերի գումար․ ՔԿ

Երեւանի բյուջեի նախագիծը՝ խոշորացույցի տակ. ավագանու նիստը խոստանում է թեժ լինել