Երևան
14 °C
Սեպտեմբերի 19-ին տեղի ունեցավ ԱԺ քննիչ հանձնաժողովի առաջին նիստը: Այս հանձնաժողովում պետք է քննվի արդար դատաքննության իրավունքի եւ հեռախոսային խոսակցությունների գաղտնիությունը խախտելու փաստերի առնչությամբ երկրում մարդու իրավունքների պաշտպանվածության մակարդակը՝ հիմքում ունենալով ԱԱԾ տնօրենի եւ ՀՔԾ պետի հեռախոսային խոսակցության հայտնի գաղտնալսումը: Հանձնաժողովի նախագահ Գեւորգ Կոստանյանի խոսքով`չափազանց կարեւոր հարց է համարվում արդար դատաքննության ժամանակ քաղաքացիական գործոնի բացակայությունը։ Այս նիստում հիմնականում տեխնիկական հարցեր որոշվեցին:
Մասնավորապես, Կոստանյանն առաջարկեց, որ հաջորդ նիստին ընտրեն հանձնաժողովի փոխնախագահին։ Որոշվեց նաեւ, որ հանձնաժողովի անդամները մեկ շաբաթվա ընթացքում պետք է առաջարկություններ ներկայացնեն, թե ինչ աշխատանքային մեխանզիմով են առաջ շարժվելու: «Քանի որ սա առաջին դեպքն է խորհրդարանական նման հանձնաժողովի ստեղծման, առաջարկում եմ յուրաքանչյուրս առաջարկենք՝ պահանջվող փաստաթղթերի ցանկը, որոնք մենք պետք է պահանջենք իրավապահ մարմիններից, միջազգային ո՞ր կազմակերպություններից հրավիրենք մասնագետներ եւ ինչ մասնագիտությամբ, ո՞ր պաշտոնատար անձանց հրավիրենք՝ հանձնաժողովում իրենց դիրքորոշումն արտահայտելու համար»:
Դատախազությունն այս գաղտնալսման դեպքով արդեն քրեական գործ է հարուցել: Ստացվում է, որ ԱԺ-ում ստեղծված հանձնաժողովը պետք է մեխանիզմներ գտնի իր աշխատանքը կազմակերպելիս, որպեսզի չխոչընդոտի իրավապահների աշխատանքը: Գեւորգ Կոստանյանն այս փաստի հետ կապված նշեց, որ հանձնաժողովը քննելու է, թե արդյո՞ք ՀՀ քաղաքացին պաշտպանված է այն բանից, որ իր խոսակցությունները չգաղտնալսվեն: «Մենք ուզում ենք հասկանալ՝ կա՞ն այն բավարար մեխանիզմները, որ պետությունն ունակ լինի երաշխավորել մարդու այդ իրավունքը՝ հաշվի առնելով, որ քրեական գործ հարուցվել է հեռախոսային խոսակցության գաղտնիության խախտման վերաբերյալ եւ պաշտոնական դիրքը չարաշահելու կապակցությամբ, բայց միաժամանակ չկա արդարադատության իրականացման խոչընդոտելու մասով գործ: Այդ շրջանակներում հանձնաժողովն իրավասու է քննություն իրականացնել»,- ասաց Կոստանյանը եւ միաժամանակ ընդգծեց, որ հանձնաժողովը կարող է նաեւ քննել Ռոբերտ Քոչարյանի գործի հետ կապված հանգամանքներ:
«Պետք է նաեւ քննարկման առարկա դարձնենք՝ արդյո՞ք տվյալ գործի շրջանակներում (նկատի ունի Ռոբերտ Քոչարյանի գործը,-հեղ.) տվյալ դատավարական գործողությունների շրջանակներում իրականացվում է պատշաճ հսկողություն օրինականության կատարման նկատմամբ»: Հարցին՝ արդյո՞ք նկատվում է միջամտություն Ռոբերտ Քոչարյանի գործին, որ ցանկանում են ԱԺ Քննիչ հանձնաժողովում քննության առարկա դարձնել, Կոստանյանը պատասխանեց. «Ես երեւույթի մասին եմ խոսում, եւ կապ չունի՝ Քոչարյանի գործի հետ է կապված, թե՝ ուրիշի»:
Հարց հնչեց՝ կարո՞ղ ենք արձանագրել, որ արդար դատաքննության հետ կապված խնդիրները Ռոբերտ Քոչարյանի գործով ի հայտ չեկան Հայաստանում եւ իր դատախազ եղած շրջանում էլ Բաղրամյան 26-ից դատարաններին պատվերներ էին տրվում: Այս մասին վկայում են նախկին դատավորների հայտարարությունները՝ գործադիր իշխանությունից ցուցումներ ստանալու մասին: Գեւորգ Կոստանյանը հայտարարեց, թե խնդիրներ միշտ եղել են:
Ազգային ժողովի արտահերթ նիստի ժամանակ, երբ քննարկվում էր նման հանձնաժողովի ստեղծման անհրաժեշտությունը, ԱԺ փոխնախագահ Արփինե Հովհաննիսյանն ընդգծում էր, որ արդարադատության իրականացմանը խոչընդոտելու մասով չկա հարուցված քրգործ: Նրա ասածի ենթատեքստում այն է, որ վարչապետ Նիկոլ Փաշինյանը միջամտել է դատավորների որոշմանը: «Հայկական ժամանակ»-ը Գեւորգ Կոստանյանից հետաքրքրվեց՝ արդյո՞ք ԱԺ Քննիչ հանձնաժողովը չի դառնալու «պարապ» հանձնաժողով, ինչպես Էդմոն Մարուքյանն էր որակում, եթե դատախազությունը նաեւ արդարադատության իրականացմանը խոչընդոտելու մասով քրեական գործ հարուցի: Այս դեպքում ինչո՞վ է զբաղվելու քննիչ հանձնաժողովը: Գեւորգ Կոստանյանը մեր այս հարցին պատասխանելու համար ոչ միայն ստիպված եղավ հակասել Արփինե Հովհաննիսյանի սեպտեմբերի 13-ի ելույթին, այլ նաեւ մինչեւ այս հարցին պատասխանելը հնչեցրած իր խոսքերին: «Խնդիրը վերաբերվում է գլոբալ, ոչ, թե քրեական գործին: Մենք ուսումնասիրության առարկա դարձնում ենք՝ երկրում որեւէ գործով, որեւէ անձի գաղտնալսո՞ւմ են, թե ոչ, կա՞ նման տեխնիկական հնարավորություն, որով կարելի է գաղտնալսել, թե՝ ոչ»,- ասաց Կոստանյանը:
Ստացվում է՝ եթե առաջնորդվենք Գեւորգ Կոստանյանի տրամաբանությամբ, որ հանձնաժողովը ստեղծում են հասկանալու համար՝ ՀՀ քաղաքացիներին գաղտնալսում են, թե՝ ոչ, ապա կարելի է հանձնաժողով ստեղծել եւ քննել՝ գլոբալ առումով մեզ գաղտնի նկարահանո՞ւմ են, թե՝ոչ:
Անդրադառնալով հանձնաժողովի գործունեությանը՝ նշենք, որ ԱԺ Քննիչ հանձնաժողովը լիազորված է իր տրամադրության տակ ունենալ եւ ուսումնասիրել նախաքննական գաղտնիք համարվող բոլոր փաստերը: Այս մասին ՀԺ-ի հարցին ի պատասխան նշեց Գեւորգ Կոստանյանը: «ԱԺ կանոնակարգ օրենքը թույլ է տալիս հանձնաժողովին տիրանալ նախաքննական գաղտնիք համարվող փաստերին եւ ուսումնասիրել»:
Լրագրողները նախկին գլխավոր դատախազից հետաքրքրվեցին, թե ԱԱԾ տնօրենի եւ ՀՔԾ պետի այս գաղտնալսումն ինչո՞վ է տարբերվում նախկինում արված Վարդան Օսկանյանի եւ Ալեքսանդր Արզումանյանի գաղտնասումից, որ այն ժամանակ հանձնաժողով ստեղծելու եւ քննելու ցանկություն չառաջացավ: «Ես չգիտեմ՝ այդ անձանց գաղտնալսումները եղել են օրենքով, թե՞ օրենքի խախտմամբ: Ես դա չգիտեմ: Սյն, որ ԱԱԾ տնօրենին ու ՀՔԾ պետին են գաղտնալսում, սա ակնհայտ ապօրինի է»:
Ի դեպ, Ռոբերտ Քոչարյանը, որը հայտարարում է քաղաքականություն վերադառնալու մասին՝ նշելով, թե չի կարող կողքից նայել՝ երկրին ինչ վտանգներ են սպառնում, իր մյուս քայլերով հակասում է իրեն: Մասնավորապես, երբ հրապարակվեց ԱԱԾ տնօրենի եւ ՀՔԾ պետի ձայնագրությունը, Քոչարյանն անմիջապես հարցազրույց տվեց եւ սկսեց իր անձնական շահերի մասին խոսել: Թեեւ երկրի անվտանգության մասին մտածող քաղաքական գործիչը գոնե մի քանի բառով կդատապարտեր այն երեւույթը, որ ԱԱԾ տնօրենին են գաղտնալսում: Պատգամավոր Գեւորգ Պետրոսյանն անդրադառնալով այս իրավիճակին նշեց. «Այստեղ մեր պետության Ազգային անվտանգության խնդիրն է կարեւոր»:
Պատասխանելով «Հայկական ժամանակ»-ի հարցին՝ արդյո՞ք քաղաքական ենթատեքստ տեսնում է, որ ՀՀԿ-ն Քոչարյանի գործը բերում է ԱԺ, իսկ Վարդան Օսկանյանինն եւ Ալեքսանդր Արզումանյանինը՝ ոչ, ԱԺ Քննիչ հանձնաժողովի անդամ, «Ծառուկյան» խմբակցության պատգամավոր Գեւորգ Պետրոսյանը պատասխանեց. «Օրենքով արգել չկա, որ Օսկանյանի եւ Արզումանյանի գործն էլ այս հանձնաժողովը քննի: Այս հանձնաժողովը ստեղծված է երկու ամիս ժամկետով եւ չի կարող շեղվել այս պահին առաջացած հասարակական հետաքրքրությունից»:
ԱԺ-ում ստեղծված հանձնաժողովը նաեւ միջազգային կառույցների ուշադրության կենտրոնում է հայտնվելու: Կոստանյանը նշեց, որ հանձնաժողովի նիստերին հրավիրվելու են միջազգային կառույցների ներկայացուցիչներ: Մասնավորապես, հեռահաղորդակցության մասնագետներ, Եվրոպայի խորհրդի, ՄԱԿ-ի գրասենյակի ներկայացուցիչներ: Նշենք, որ հանձնաժողովը բաղկացած է 11 անդամից: Կազմում են ՀՀԿ-ականներ Գեւորգ Կոստանյանը, Արփինե Հովհաննիսյանը, Ռուստամ Մախմուդյանը, Կորյուն Նահապետյանը եւ Ալիկ Սարգսյանը: ԲՀԿ-ից հանձնաժողովում 3-ն են` Վահե Էնֆիաջյանը, Սերգեյ Բագրատյանը, Գեւորգ Պետրոսյանը: ԵԼՔ-ն ունի երկու տեղ` Ալեն Սիմոնյան, Հովիկ Աղազարյան, ՀՅԴ-ից Սպարտակ Սեյրանյանն է:
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան
Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից
Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ
Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է
Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը
Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա
Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի
Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել
Ինդոնեզական բանակը համալրվել է թուրքական տանկերով
Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին
Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան
Վրաց խորհրդարանականներն այցելել են Ծիծեռնակաբերդի հուշահամալիր
Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից
ՔԿԾ-ին անհրաժեշտ են վարորդներ. ովքեր և ինչպես կարող են դիմել
Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան
Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան
Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)
Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան
ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք
Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան
2 զոհ, 7 վիրավոր. վթար Մարգարա-Վանաձոր-Տաշիր ճանապարհին
Գագիկ Սուրենյանը սպասված նորություն է հայտնել
«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի
Քննչական կոմիտեի վետերանները հանդիպել են նորանշանակ քննիչների հետ
© 2024 Հայկական ժամանակ